ကချင်ပြည်နယ်၊ မြစ်ကြီးနားမြို့တွင် ဆိုင်ကယ်ဖြင့် ဖျာလှည့်လည်ရောင်းချသူ အမျိုးသားတစ်ဦးသည် ဇူလိုင် ၃၀ ရက် နံနက်ပိုင်းက နောင်နန်းကျေးရွာအုပ်စု၊ ကဝါးခကျေးရွာတွင် သေနတ်ဖြင့် ပစ်သတ်ခံရကြောင်း သတင်းရရှိသည်။
အဆိုပါသေဆုံးသူမှာ မြစ်ကြီးနားမြို့၊ အေးမြသာယာရပ်ကွက်တွင် နေထိုင်သူဖြစ်ပြီး သေနတ်ဒဏ်ရာ ရှစ်ချက်ရရှိခဲ့ပြီး နေရာတွင် သေဆုံးခဲ့ကြောင်း ပလနနယ်မြေရဲစခန်းမှ တာဝန်ရှိသူက ပြောကြားသည်။
ပလနနယ်မြေရဲစခန်းမှ တာဝန်ရှိသူက “စစ်ဆေးနေဆဲ ရှိပါသေးတယ်။ သူတို့က မြန်မာနိုင်ငံအလယ်ပိုင်းကနေ အဖွဲ့လိုက် လာကြတဲ့ဟာတွေပါ။ ဘာကြောင့်ဆိုတာစုံစမ်းဆဲရှိပါသေးတယ်။ အကြောင်းအရင်းကို မသိရသေးဘူး”ဟု ပြောကြားသည်။
ယင်းအကြောင်းအရာနှင့်ပတ်သက်၍ သိရှိသူတစ်ဦးက”ကျွန်မတို့ နယ်ကမဟုတ်ဘူး။ မုံရွာနယ်ဘယ်ကပါ။ အရောင်းအဝယ်လုပ်ပြီး မိဘတွေဆီပို့နေသူပါ။ ရိုးသား ကြိုးစားတဲ့ကလေးဘဲ။ နာမည်ကဖိုးဝလို့ခေါ်တယ်။ အသက်လည်း ၃၀ လောက်ရှိပါပြီ”ဟု ပြောကြားသည်။
သေဆုံးသူနှင့်ပတ်သက်၍ လုယက်သတ်ဖြတ်ခံရခြင်း(သို့မဟုတ်) ရန်ငြိုးကြောင့် သတ်ဖြတ်ခံရခြင်းဆိုသည်ကိုမူ စုံစမ်းနိုင်ခြင်း မရှိသေးပေ။
မြစ်ကြီးနားမြို့ ရမ်ပူရပ်ကွက်တွင် မတ် ၂၄ ရက် မွန်းလွဲပိုင်းကလည်း သံတို၊သံစနှင့် ရေသန့်ဘူးကောက်သည့် အမျိုးသမီးတစ်ဦး ဓါးထိုးလုယက်ခံရပြီး ဆေးရုံတွင် ကုသမှုခံယူနေစဉ်အတွင်း သေဆုံးခဲ့သည်။
ကချင်ပြည်နယ်ရှိ မြို့ကြီးအချို့တွင် ဆိုင်ကယ်စီးနေစဉ် ပိုက်ဆံအိတ်လုခြင်း၊ ဖုန်းလုခြင်း၊ လမ်းပိတ်ကာဆိုင်ကယ်လုခြင်း၊ ရိုက်နှက်လုယက်ဖြစ်စဉ်များ ဖောက်ထွင်းခိုးယူခြင်းများ မကြာခဏ ဖြစ်ပွားနေပြီး၊ အသက်ဆုံးရှုံးမှုများလည်းရှိနေဆဲဖြစ်သည်။
မြစ်ကြီးနားမြို့တွင် လုယက်ခိုးယူမှုများသည် ဦးသိန်းစိန်အစိုးရလက်ထက်တွင် ရှေ့ဦးပိုင်းတွင်များပြားခဲ့သော်လည်း အစိုးရ ဆင်းခါနီးတွင် နည်းပါးခဲ့သည်ကို တွေ့ရသည်။ NLDအစိုးရလက်ထက်တွင် လုယက်မှုများသည်၂၀၁၇ အထိ များပြားခဲ့ပြီး လွှတ်တော်တွင်တင်ပြခြင်း၊ မူးယစ်ဆေးဝါးရောင်းဝယ်မှုများကို နှိမ်နှင်းခြင်းများကြောင့် နောက်ပိုင်းနှစ်များ၌ လျော့နည်းခဲ့သည်ကို တွေ့ရသည်။
-
အသက်မွေးဝမ်းကျောင်း ပညာရေးကို အားပေးကြရန်နှင့် ပြည်နယ်နှင့် တိုင်းဒေသကြီး အစိုးရအဖွဲ့များအနေဖြင့် ပြည်သူများနှင့် မကြာခဏတွေ့ဆုံရန် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား
-
ရန်ကုန်မြို့အတွင်း ဆိုင်ကယ်စီးနင်းခွင့် မရှိသည့် မြို့နယ် ၃၃ မြို့နယ်၌ ဒေသန္တရ လိုအပ်ချက်အရ ဆိုင်ကယ်စီးနင်းခွင့် ပြုသင့် မပြုသင့် ဆွေးနွေးနေဆဲ ဖြစ်ကြောင်း သိရ
-
စမ်းချောင်းမြို့နယ် ဗဟိုလမ်းပေါ်ရှိ လက်ဖက်ရည်ဆိုင်မီးလောင်မှုတွင် လူသုံးဦးသေဆုံးပြီး ဂက်စ်အိုးပေါက်ကွဲမှုကြောင့်ဟု မှတ်ချက်ပြု
-
ပဲခူးရိုးမကိုဖြတ်၍ ဖောက်လုပ်ထားသော ကားလမ်းမကြီးများ၏ လမ်းဘေးဝဲယာတွင် လမ်းသွယ်များ ပြုပြင်ဖောက်လုပ်ပြီး သစ်ခိုးထုတ်မှုများ ပြုလုပ်နေဟုဆို
-
နိုင်ငံတော် အကြည်ညိုပျက်စေမှု ပုဒ်မ၅၀၅ (ခ) အပါအဝင် ပုဒ်မ ငါးခုဖြင့် ဖမ်းဆီးပြီး တရားစွဲဆို ခံထားရသော ရတနာပုံ တက္ကသိုလ်ကျောင်းသားများ၏ ဒုတိယအကြိမ်မြောက် ရုံးထုတ်တွင် ဖမ်းဆီးခံ ကျောင်းသားများ ပြန်လွှတ်ပေးရေးအတွက် ဆန္ဒထုတ်ဖော်
