မြစ်ဆုံစီမံကိန်းနှင့်ပတ်သက်၍ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီအနေဖြင့် ပြည်သူလူထု၏ အသံ၊ ပြည်သူလူထု၏ သဘောထားအတိုင်းရှိကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ဗဟိုပြော ရေးဆိုခွင့်ရှိသူ ဒေါ်ယမင်းမြင့်သိန်းက ပြောကြားသည်။
ဇန်နဝါရီ ၁၉ ရက်က နေပြည်တော်ရှိ ပြည်ခိုင်ဖြိုးပါတီ၏ ပြည်ထောင်စုနယ်မြေရုံးတွင် ပြည်ထောင်စုနယ်မြေအတွင်းပါတီမှ ဆန်ရောင်းနေမှု၊ ကျေးရွာများသို့သွားရောက် ဆေးကုသခြင်း စသည့်လုပ်ငန်းများနှင့်ပတ်သက်၍ သတင်းစာရှင်းလင်းပွဲပြုရာတွင် သတင်းထောက်တစ်ဦးက မြစ်ဆုံစီမံကိန်းနှင့် စပ်လျဉ်းပြီး ပါတီ၏ သဘောထားအား မေးမြန်းရာတွင် ပါတီပြောရေးဆိုခွင့်ရှိသူ ဒေါ် ယမင်းမြင့်သိန်းက အထက်ပါကဲ့သို့ ပြန်လည် ဖြေကြားခဲ့ခြင်း ဖြစ်သည်။
“တရုတ်ဘက်ကလည်း မြစ်ဆုံအပေါ်မှာ ဖိဖိစီးစီးနဲ့ ဆောင်ရွက်စေချင်တယ်ဆိုတဲ့ သဘောတွေလည်း ရှိတယ်။ အဲတော့ ကျွန်မတို့ ပြည်ခိုင်ဖြိုးရဲ့သဘောထားကို မေးလာတဲ့အခါကျတော့ ပြည်ခိုင်ဖြိုးသဘောထားက တော့ ကျွန်မတို့ သမ္မတကြီး ဦးသိန်းစိန်ကလည်း ပြည်ခိုင်ဖြိုးအစိုးရကနေ တက်လာတာဆိုတော့ ကျွန်မတို့တွေ တိုင်းရင်းသားအရေးတွေ ဦးစားပေးတယ်။ ပြည်သူလူထုရဲ့အသံကို နားထောင်တယ်။ ကျွန်မတို့ သဘောထား ဆိုရင်တော့ ပြည်သူ့အသံအတိုင်းပဲလို့ပဲ ဖြေပါရစေ”ဟု ဒေါ်ယမင်းမြင့်သိန်းက ဆိုသည်။
မြစ်ဆုံစီမံကိန်းအား သမ္မတဦးသိန်းစိန်လက်ထက်တွင် ပြည်သူလူထုအသံ နားထောင်ကာ ရပ်ဆိုင်းခဲ့ပြီး လက်ရှိအစိုးရအနေဖြင့် မြစ်ဆုံအပေါ် ပြန်လုပ်မည်ဆိုသည့် အသံများ ကြားလာရကြောင်း ဒေါ်ယမင်းမြင့်သိန်းက ပြောကြားသည်။
တရုတ်နိုင်ငံသံရုံး၏ မြစ်ဆုံစီမံကိန်းအား ကချင်ပြည်နယ်ရှိ တိုင်းရင်းသားများ၊ နိုင်ငံရေးပါတီနှင့် လူမှုအဖွဲ့အစည်းများက ဆန့်ကျင်ကန့်ကွက်မှုမရှိကြောင်း ထုတ်ပြန်ချက်နှင့်ပတ်သက်၍ တရုတ်သံအမတ်ကြီးနှင့် တွေ့ဆုံဆွေးနွေးရာတွင် ပါဝင်ခဲ့သည့် ကချင်ဒီမိုကရက်တစ်ပါတီဥက္ကဋ္ဌ ဦးကွမ်ဂေါင်ခမ်းက ကချင်ဒီမိုကရက်တစ်ပါတီအနေနှင့် မြစ်ဆုံစီမံကိန်းအား အစဉ်အမြဲဆန့်ကျင်ကန့် ကွက်ပြီးသားဖြစ်ကြောင်း၊ ၎င်းတို့အနေဖြင့် ပြီးခဲ့သည့် အချိန်များကလည်း သဘောတူကြောင်း၊ လက်ရှိအချိန်နှင့် နောင်တွင်လည်း သဘောတူမည် မဟုတ်ကြောင်း ပြောကြားထားသည်။
-
ရေဘေးအလှူပြီးဆုံးပြီဖြစ်သလို ပြိုင်ပွဲအတွက်လည်း အဆင်သင့်ဖြစ်နေပြီဟု ထွန်းထွန်းမင်း ပြော
-
5 Digits အွန်လိုင်းထီကို Aung Bar Lay အပလီကေးရှင်းတွင် ဝယ်ယူကံစမ်းနိုင်
-
အင်အားကြီးနိုင်ငံများ၏ ပြိုင်ဆိုင်မှုများအကြားတွင် ပြည်တွင်း စည်းလုံးညီညွတ်မှု ယိုင်နဲ့နေပါက နိုင်ငံ ပျောက်သွားနိုင်သည်အထိ အန္တရာယ်ကြီးမားသဖြင့် EAO များနှင့် PDF များအား နိုင်ငံရေးနည်းလမ်းဖြင့် ဖြေရှင်းနိုင်ရန် ကမ်းလှမ်းခြင်းဖြစ်ဟု နစက ပြောရေးဆိုခွင့်ရှိသ
-
သောက်သုံးရေ အခက်အခဲ ဖြစ်နေသည့် အင်းလေးဒေသ ရေဘေးသင့် ပြည်သူများထံ သောက်ရေသန့်စက်ကြီးများနှင့် အိမ်သုံး သောက်ရေသန့်စက်များကို ကမ္ဘောဇဘဏ်မှ လှူဒါန်း
-
မြစ်ဆုံနှင့်ပတ်သက်၍ ပြည်ခိုင်ဖြိုးပါတီ သဘောထားမှာ ပြည်သူလူထု၏အသံအတိုင်းဖြစ်ကြောင်း ပါတီပြောရေးဆိုခွင့်ရှိသူ ပြောကြား