နေပြည်တော်ကောင်စီနယ်မြေ ဇေယျာသီရိမြို့နယ်အတွင်းရှိ ၂၃၀ ကေဗွီ ရွှေမြို့- နေပြည်တော် (၂) ဓာတ်အားလိုင်းရှိ တာဝါတိုင်များအား အောက်တိုဘာလ ဒုတိယပတ်အတွင်း ဓာတ်အား အမြန်ပို့လွှတ်ပေးနိုင်ရေး ကြိုးပမ်းဆောင်ရွက်လျက်ရှိကြောင်း လျှပ်စစ်စွမ်းအားဝန်ကြီးဌာနမှ သိရသည်။
နေပြည်တော် ကောင်စီနယ်မြေအတွင်း မိုးသည်းထန်စွာ ရွာသွန်း၍ ရေကြီးရေလျှံမှုကြောင့် ၂၃၀ ကေဗွီ ရွှေမြို့ – နေပြည်တော် (၂) ဓာတ်အားလိုင်းရှိ တာဝါတိုင် (၄) တိုင်နှင့် ၂၃၀ ကေဗွီ သာစည်-ရွှေမြို့ ဓာတ်အားလိုင်းရှိ တာဝါတိုင် (၅) တိုင် ပြိုလဲပျက်စီးခဲ့ရကြောင်း သိရသည်။
ထိုသို့ ပြိုလဲပျက်စီးခဲ့ရာ ပြန်လည်ပြုပြင် တည်ဆောက်ခြင်းလုပ်ငန်းများအား အရှိန်အဟုန်မြှင့်တင် ဆောင်ရွက်ခဲ့ရာ ၂၃၀ ကေဗွီ သာစည်- ရွှေမြို့ ဓာတ်အားလိုင်းရှိ တာဝါတိုင်များ တည်ဆောက်ပြီးစီး၍ ဓာတ်အားပြန်လည် ပို့လွှတ်ဖြန့်ဖြူးပေးနိုင်ခဲ့ပြီဖြစ်ကြောင်း သိရသည်။
ထို့ပြင် ၂၃၀ ကေဗွီ ရွှေမြို့-နေပြည်တော် (၂) ဓာတ်အားလိုင်းရှိ တာဝါတိုင်များ ပြန်လည်ပြုပြင်ခြင်း၊ ဓာတ်အားလိုင်းအူကြောင်း ပြောင်းလဲတည်ဆောက်ခြင်းလျက်ရှိရာ ၂၀၂၄ ခုနှစ်၊ အောက်တိုဘာလ ဒုတိယပတ်အတွင်း ပြီးစီးနိုင်ရေးနှင့် ဓာတ်အား အမြန်ပို့လွှတ်ပေးနိုင်ရေး ကြိုးပမ်းဆောင်ရွက်လျက်ရှိကြောင်း သိရသည်။
အဆိုပါ ၂၃၀ ကေဗွီ ရွှေမြို့- နေပြည်တော် (၂) ဓာတ်အားလိုင်း တည်ဆောက်ခြင်း လုပ်ငန်းများ ဆောင်ရွက်နေသည့် စီမံကိန်းလုပ်ငန်းခွင်သို့ လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးဉာဏ်ထွန်းက အောက်တိုဘာ (၅)ရက်က ရောက်ရှိပြီး ဖောင်ဒေးရှင်းလုပ်ငန်းများ ဆောင်ရွက်ပြီးစီးမှု၊ တာဝါတိုင်များ စိုက်ထူနိုင်ရန် တာဝါသံဘောင်များ တပ်ဆင်တည်ဆောက်နေမှုနှင့် ဓာတ်အားလိုင်း ကြိုးဆွဲခြင်းလုပ်ငန်းများ ဆောင်ရွက်နေမှုကို လှည့်လည်ကြည့်ရှုစစ်ဆေးခဲ့သည်။
-
ဆေးတက္ကသိုလ် ကျောင်းသား/ ကျောင်းသူ (၅၀၀)ခန့်ကို အဆောင်စီစဉ်ပေးနိုင်မည့် ဆေးတက္ကသိုလ် (၂) ရန်ကုန်၊ မြသီလာကျောင်းဆောင်သစ် ဖွင့်လှစ်ပေး
-
ဘိုင်ယန်မြူးနစ်တိုက်စစ်မှူး ဟာရီကိန်းအနေဖြင့် ယူရိုသန်း ၁၀၀ နှင့် ထိုက်တန်သည့်ခြေစွမ်းမျိုး ပြသနိုင်ခြင်းမရှိသေးကြောင်း ဂျာမနီကွင်းလယ်လူဟောင်း ဟာမန်း ဝေဖန်
-
ဘယ်လင်ဂမ်၊ ဖိုဒန်နှင့် ပါလ်မာတို့ သုံးဦးစလုံးကို တစ်ပြိုင်တည်းအသုံးပြုရန် မဖြစ်နိုင်ကြောင်း အင်္ဂလန်အသင်း ယာယီနည်းပြ လီကာဆလေ ရှင်းလင်း
-
ကော်ဘက်တာမြို့တော်ဝန်၏ ကြိုဆိုမှုကြောင့် အိမ်ပြောင်းရတော့မည်ဟု မိုရာတာ တုံ့ပြန်
-
ရီးယဲလ်အသင်းနှင့်ပွဲတွင် နောက်ခံလူ လီနော်မန့် ဦးနှောက်ဒဏ်ရာရခဲ့ဟု အက်သလက်တီကိုအသင်း ထုတ်ပြန်