ရှမ်းပြည်နယ်တောင်ပိုင်း၊ လင်းခေးခရိုင်၊ မောက်မယ်မြို့နယ်တွင် နမ့်ယွန်းချောင်းရေ ထပ်မံမြင့်တက်လာမှုကြောင့် ယနေ့ အောက်တိုဘာ (၆)ရက် နံနက်ပိုင်းတွင် မြို့တွင်းရပ်ကွက်အချို့နှင့် ချောင်းနဘေး အနိမ့်ပိုင်းရပ်ကွက်များ ရေကြီးရေလျှံ ဖြစ်ပွားနေကြောင်း ဒေသခံတစ်ဦးက ပေါ်ပြူလာနယူးစ်ကိုပြောသည်။
ယမန်နေ့ ညပိုင်းက ဒေသတွင်း မိုးအဆက်မပြတ်ရွာသွန်းမှုကြောင့် တောင်ကျချောင်းရေနှင့်အတူ နမ့်ယွမ်းချောင်း ပြန်လည်မြင့်တက်ပြီး ရေကြီးရေလျှံဖြစ်ပေါ်ခဲ့ခြင်းဖြစ်သည်ဟုဆို သည်။
“ညက မိုးတအားသည်းတော့ အခု ရေကြီးပြန်ပြီ။ အနိမ့်ပိုင်းရပ်ကွက်ကသူတွေ မနေ့နေ့လည်ကမှ ရေပြန်ကျသွားလို့ဆိုပြီး အိမ်ပြန်နေကြတုန်းရှိသေး အခုရေပြန်ကြီးတာ။ ပြန်ရွှေ့ရမှာပေါ့။ အနိမ့်ပိုင်းရပ်ကွက်မှာ ရင်ဘက်လောက်အထိ ရှိတယ်”ဟု ၎င်းက ဆိုသည်။
ရေကြီးရေလျှံမှုကြောင့် မြို့ပေါ်ရှိ မွေတော်ရပ်ကွက်၊ ဈေးတန်းအနိမ့်ပိုင်းရပ်ကွက်နှင့် နမ့်ယွမ်းချောင်းဘေးရှိ ကုန်းလမ်းရပ်ကွက်၊ ဆီဆုံရပ်ကွက်တို့၌ ရေဝင်ရောက်မှုများရှိကြောင်း ၎င်းကဆိုသည်။
ပြီးခဲ့သည့်စက်တင်ဘာလ(၁၀)ရက်နှင့် အောက်တိုဘာလ(၂)ရက်နေ့ ၌ ရေကြီးရေလျှံမှုဖြစ်ပေါ်ခဲ့သေးကာ မြို့တွင်း သစ်သားတံတား (၃) စင်း ရေထဲမျောပါသွားသလို စိုက်ခင်းများလည်း ရေလွမ်းမိုးမှုကြောင့် ပျက်စီး ဆုံးရှုံးမှု များပြားခဲ့ကြောင်း သိရသည်။
နမ့်ယွန်းချောင်းရေသည် မိုးသည်းထန်ရွာသွန်းပါက တောင်ကျချောင်းရေနှင့်ပေါင်းကာ မြင့်တက်လေ့ရှိပြီး၊ ယခု မောက်မယ်မြို့ရေကြီရေလျှံခြင်းသည် တတိယအကျော့ ဖြစ်သည်ဟု ဒေသခံများထံကသိရသည်။
ပုံစာ-မောက်မယ်မြို့တွင် ယနေ့ နံနက်ပိုင်းရေကြီးရေလျှံဖြစ်ပွားနေစဉ်
-
ဆေးတက္ကသိုလ် ကျောင်းသား/ ကျောင်းသူ (၅၀၀)ခန့်ကို အဆောင်စီစဉ်ပေးနိုင်မည့် ဆေးတက္ကသိုလ် (၂) ရန်ကုန်၊ မြသီလာကျောင်းဆောင်သစ် ဖွင့်လှစ်ပေး
-
ဘိုင်ယန်မြူးနစ်တိုက်စစ်မှူး ဟာရီကိန်းအနေဖြင့် ယူရိုသန်း ၁၀၀ နှင့် ထိုက်တန်သည့်ခြေစွမ်းမျိုး ပြသနိုင်ခြင်းမရှိသေးကြောင်း ဂျာမနီကွင်းလယ်လူဟောင်း ဟာမန်း ဝေဖန်
-
ဘယ်လင်ဂမ်၊ ဖိုဒန်နှင့် ပါလ်မာတို့ သုံးဦးစလုံးကို တစ်ပြိုင်တည်းအသုံးပြုရန် မဖြစ်နိုင်ကြောင်း အင်္ဂလန်အသင်း ယာယီနည်းပြ လီကာဆလေ ရှင်းလင်း
-
ကော်ဘက်တာမြို့တော်ဝန်၏ ကြိုဆိုမှုကြောင့် အိမ်ပြောင်းရတော့မည်ဟု မိုရာတာ တုံ့ပြန်
-
ရီးယဲလ်အသင်းနှင့်ပွဲတွင် နောက်ခံလူ လီနော်မန့် ဦးနှောက်ဒဏ်ရာရခဲ့ဟု အက်သလက်တီကိုအသင်း ထုတ်ပြန်
