ရန်ကုန်-မန္တလေး အမြန်လမ်းမကြီးပေါ်တွင် ဖြတ်သန်းသွားလာနေသည့် ခရီးသည်တင်ယာဉ်များအနေဖြင့် တယ်လီမက်တစ်စနစ် တပ်ဆင်ထားခြင်းမရှိပါက အောက်တိုဘာ (၁၆) ရက်မှစတင်ပြီးဖြတ်သန်းခွင့်ပြုမည်မဟုတ်ကြောင်း ဆောက်လုပ်ရေးဝန်ကြီးဌာန၊ လမ်းဦးစီးဌာန၊ အမြန်လမ်းမကြီးထိန်းသိမ်းပြုပြင်ရေးနှင့် ကြီးကြပ်ရေးအဖွဲ့မှ သိရသည်။
ရန်ကုန်-မန္တလေးအမြန်လမ်းမကြီးပေါ်တွင် ဖြတ်သန်းသွားလာလျက်ရှိသော ခရီးသည်တင်မော်တော်ယာဉ်ကြီးများအား အမြန်လမ်းမကြီးများ ဥပဒေနှင့်အညီ မောင်းနှင်ရန်နှင့် ခရီးသွားမိဘပြည်သူများ ယာဉ်အန္တရာယ် ကင်းဝေးစေရန်အတွက် တယ်လီမက်တစ်စနစ်တပ်ဆင်၍ (၂၄)နာရီပတ်လုံး စောင့်ကြည့်သွားမည်ဖြစ်ကြောင်း သိရသည်။
ရန်ကုန်-မန္တလေးအမြန်လမ်းမကြီးပေါ်တွင် ဖြတ်သန်းသွားလာလျက်ရှိသော ခရီးသည်တင်မော်တော်ယာဉ်ကြီးများ၌ တယ်လီမက်တစ်စနစ်အား စက်တပ်ဆင်ခြင်းနှင့် ပညာပေးကာလ ရက်ပေါင်း (၁၂၀) သတ်မှတ်၍ ဇွန်လ (၁၈) ရက်မှ အောက်တိုဘာ (၁၅) ရက်အထိ ဆောင်ရွက်ထားခြင်းဖြစ်သည်။
စက်တပ်ဆင်ခြင်းနှင့် ပညာပေးကာလ ပြီးဆုံးသည့် အောက်တိုဘာ (၁၆) ရက်မှစပြီး စက်တပ်ဆင်ထားခြင်းမရှိသည့် ခရီးသည်တင် ယာဉ်ကြီးများကို အမြန်လမ်းသုံးစွဲခွင့်ပြုမည်မဟုတ်ကြောင်း အသိပေးကြေညာထားသည်။
-
အင်းလေးဒေသနှင့် ကယားစစ်ဘေးရှောင်များကို ရွှေဆံပင်အဖွဲ့ သွားရောက်ကူညီ
-
၂၃၀ ကေဗွီ ရွှေမြို့-နေပြည်တော် (၂) ဓာတ်အားလိုင်းရှိ တာဝါတိုင်များအား အောက်တိုဘာလ ဒုတိယပတ်အတွင်း ပြီးစီးနိုင်အောင် လုပ်ဆောင်နေ
-
ရှမ်း/တောင် မောက်မယ်မြို့နယ်တွင် တတိယအကျော့ ရေကြီးပြန်
-
သီတင်းကျွတ်လပြည့်နေ့အတွက် ကျိုက်ထီးရိုးစေတီတော်တွင် တောင်တက်မော်တော်ယာဉ်များကို ကြံ့ခိုင်မှုပြင်ဆင်နေ
-
ကာတာနိုင်ငံတွင်ကျင်းပသည့် အာရှပူးပေါင်းဆောင်ရွက်ရေးဆိုင်ရာဆွေးနွေးပွဲအဖွဲ့(အေစီဒီ) ထိပ်သီးအစည်းအဝေးသို့ နိုင်ငံခြားရေးဝန်ကြီးတက်ရောက်ခဲ့ပြီး ရွေးကောက်ပွဲကျင်းပရေး ဆောင်ရွက်နေမှုအပါအဝင် နိုင်ငံ့အခြေအနေများကို ရှင်းလင်းပြောကြား
