အိမ်ခြံမြေနှင့် ကားများကို အထူးလျှော့ဈေးဖြင့် ရောင်းချသွားမည့် (၁၆) ကြိမ်မြောက် အိမ်ခြံမြေနှင့် ကား အရောင်းပြပွဲကို ရန်ကုန်မြို့ရှိ Lotte Hotel ၌ ယနေ့ အောက်တိုဘာ (၅) ရက်မှစတင်ကာ (၂)ရက်တိုင်တိုင် ကျင်းပနေကြောင်း သိရသည်။
အဆိုပါ အိမ်ခြံမြေနှင့် ကား အရောင်းပြပွဲအား i-Myanmar House နှင့် CARSDB တို့မှ ကြီးမှူးကျင်းပခြင်းဖြစ်ပြီး စုစုပေါင်း အရောင်းပြခန်း (၃၀)ကျော်ပါဝင်ကြောင်း သိရသည်။
” လာရောက်ကြည့်ရှု့တဲ့သူတွေအနေနဲ့ အိမ်၊ ခြံ၊ မြေ၊ကားတွေကို အထူးဈေးနှုန်းများ အရစ်ကျစနစ်များနဲ့ စီစဉ်ရောင်းချပေးမှာဖြစ်တဲ့အတွက် အများကြီးအဆင်ပြေလိမ့်မယ်လို့မျှော်လင့်ပါတယ်” ဟု i-Myanmar House ၏ CEO ဦးနေမင်းသူက ပြောသည်။
အဆိုပါ ပြပွဲ၌ တိုက်ခန်း၊ ကွန်ဒို၊ မြေကွက်၊ မော်တော်ကားများ၊ အရစ်ကျဝယ်ယူနိုင်ရန် ချိတ်ဆက်ထားသည့် ဘဏ်များ၏ ပြခန်းများလည်း ပါဝင်ကြောင်း သိရသည်။
ထို့ပြင် ရှမ်းပြည်နယ် (တောင်ပိုင်း)၊ မွန်ပြည်နယ်တို့မှ မြေကွက်များ၊ ရန်ကုန်မြို့ရှိ အဆင့်မြင့်ကွန်ဒိုနှင့် တိုက်ခန်းများကို ယင်းပြပွဲ၌ လာရောက်ပြသထားပြီး အမျိုးအစားအပေါ်မူတည်ကာ (၁၅) ရာခိုင်နှုန်းဝန်းကျင် ဈေးနှုန်းလျှော့ချ ရောင်းချပေးနေကြောင်းလည်း သိရသည်။
-
ဖီဖာ နိုင်ငံတကာခြေစမ်းပွဲများ ကစားမည့် ကစားသမားများစာရင်း ထုတ်ပြန်
-
မြို့သာစက်မှုဇုန်ရှိ မြန်မာ-တရုတ်ဖက်စပ် ဘီစကစ်စက်ရုံဓ-ားပြတိုက်ခံရပြီး ငွေကျပ်သိန်း (၃၀၀)နှင့်ကားတစ်စီးကို လုယက်ယူဆောင်သွား
-
ချင်းမိုင်မြို့လယ်ခေါင်တွင် ရေကြီးရေလျှံမှု အန္တရာယ်သတိပေးချက် ထုတ်ပြန်ခဲ့ပြီး ဆင်အကောင်ရေ ၁၀၀ ခန့်နှင့် ပိတ်မိနေသော ခရီးသွားဒါဇင်ချီကိုဘေးလွတ်ရာ ရွှေ့ပြောင်း
-
(၁၆) ကြိမ်မြောက် အိမ်ခြံမြေနှင့် ကား အရောင်းပြပွဲကျင်းပနေ
-
ဂျပန်ပြည်တွင်းသုံး စာတိုက် တံဆိပ်ခေါင်းတန်ဖိုးကို တိုးမြှင့်သည့်အတွက် စာအိတ်အမျိုးအစားအလိုက် ညီမျှသော စာအိတ်တံဆိပ်ခေါင်းများ အသုံးပြုရန် မြန်မာသံရုံး အသိပေး
