ထိုင်း-မြန်မာနယ်စပ် မြဝတီမြို့ သောင်ရင်းမြစ်ရေသည် ယနေ့ အောက်တိုဘာ (၅)ရက်တွင် ပြန်လည်ကျဆင်းသွားပြီးဖြစ်သော်လည်း ရေဝင်ခဲ့သည့် အနိမ့်ပိုင်းရပ်ကွက်များ ရေတင်ကျန်ခဲ့ကြောင်း မြို့ခံသတင်းရင်းမြစ်တစ်ဦးက ပေါ်ပြူလာနယူးစ်သို့ ပြောသည်။
ယမန်နေ့ အောက်တိုဘာ (၄)ရက် ညနေ (၅)နာရီအချိန်ခန့်မှစတင်၍ သောင်ရင်းမြစ်ရေ မြင့်တက်လာပြီးနောက် အနိမ့်ပိုင်းရပ်နှင့် မြစ်ကမ်းဘေး ရပ်ကွက်အချို့ ရေဝင်ရောက်ခဲ့ကာ ယနေ့နံနက်အစောပိုင်းတွင် ရေပြန်လည်ကျဆင်းသွားကြောင်း ဆိုသည်။
“ရေက ဆက်မတက်တော့ ကျသွားပါပြီ။ ဒါပေမဲ့ ရေဝင်ခဲ့တဲ့ရပ်ကွက်တွေမှာ ရေတင်ကျန်ခဲ့တာပေါ့။ ရေထွက်ပေါက် မြောင်းတွေ ရေစီးရေလာမကောင်းတာကြောင့်ပါ။ ဖြည်းဖြည်းချင်းတော့ ကျနေပါတယ်။ အခု နှုန်းတွေ တင်ကျန်ခဲ့တော့ သန့်ရှင်းရေးထပ်လုပ်ရဦးမှာပေါ့”ဟု ၎င်းက ပြောသည်။
ယမန်နေ့က သောင်ရင်းမြင့်ရေ မြင့်တက်လာကာ မြစ်ကမ်းနဘေးရှိ ရပ်ကွက်များဖြစ်သည့် အမှတ်(၁)ရပ်ကွက် ခွန်ဆာဝန်း၊ အမှတ်(၂)ရပ်ကွက် သဲပုံဂိတ်၊ အမှတ်(၅)ရပ်ကွက် သရ က်ပင်ဂိတ်နှင့် ကျောက်ဖျာဂိတ်တို့ရှိ အနိမ့်ပိုင်းရကးပ်ကွက်များ ရေဝင်ရောက်ခဲ့ခြင်းလည်းဖြစ်သည်။
သောင်ရင်းမြစ်ရေသည် ပြီးခဲ့သည့်ဇူလိုင်လအတွင်း တစ်ကြိမ်၊ စက်တင်ဘာလအတွင်း တစ်ကြိမ် မြင့်တက်ခဲ့ကာရေ ကြီးရေလျှံဖြစ်ပွားခဲ့ပြီး ၊ ယခု တစ်ကြိမ်ဖြစ်ဆိုလျှင် (၃)ကြိမ်မြောက် ရှိပြီဖြစ်သည်။
-
ကုလဒုက္ခသည်အေဂျင်စီနှင့်WHO မှထောက်ပံ့ပစ္စည်းများ လက်ဘနွန်ရရှိ
-
လေဖိအားနည်းရပ်ဝန်းဖြစ်ပေါ်နေပြီး အောက်တိုဘာ ၅ ရက်အထိ စစ်ကိုင်းတိုင်းအထက်ပိုင်း၊ ကချင်၊ ချင်းနှင့် ရခိုင်ပြည်နယ်တို့တွင် နေရာကွက် မိုးကြီးပြီး လေပြင်းတိုက်ခြင်းများ ဖြစ်ပေါ်နိုင်
-
အောင်ပန်းမြို့တွင် စာသင်ကျောင်းအနီး ရပ်ထားသည့် ကားကို ဆိုင်ကယ်မှ အရှိန်ဖြင့်ဝင်တိုက်မိရာ ဆိုင်ကယ်မောင်းသူကို ဆေးရုံသို့ ပို့ဆောင်လိုက်ရ
-
တောင်တွင်းကြီးမြို့တွင် နေအိမ် တစ်အိမ် မီးလောင်ကျွမ်းမှုဖြစ်ပွားရာ အိမ်အတွင်း အိပ်ပျော်နေသည့် ကလေးငယ် (၂) ဦး မီးလောင်အသက်ဆုံးရှုံးခဲ့ရ
-
မြဝတီ သောင်ရင်းမြစ်ရေ ပြန်ကျ