ထိုင်း-မြန်မာနယ်စပ် မြဝတီမြို့ သောင်ရင်းမြစ်ရေ ထပ်မံမြင့်တက်လာခြင်းကြောင့် အနိမ့်ပိုင်းနေဒေသခံအချို့ ညတွင်းချင်းပြောင်းရွှေ့နေကြရကြောင်း မြို့ခံသတင်းရင်းမြစ်တစ်ဦးက ပေါ်ပြူလာနယူးစ်သို့ ပြောသည်။
ယနေ့ အောက်တိုဘာ (၄)ရက် ညနေ(၅) နာရီအချိန်ခန့်တွင် သောင်ရင်းမြင့်ရေ မြင့်တက်လာကာ မြစ်ကမ်းနဘေးရှိ ရပ်ကွက်များဖြစ်သည့် အမှတ်(၁)ရပ်ကွက် ခွန်ဆာဝန်း၊ အမှတ် (၂)ရပ်ကွက် သဲပုံဂိတ်နှင့် အမှတ်(၅)ရပ်ကွက် သရက်ပင်ဂိတ်နှင့် ကျောက်ဖျာဂိတ်တို့တွင် ရေစတင်ဝင်ရောက်နေပြီဖြစ်ကြောင်း ၎င်းက ဆို သည်။
“အနိမ့်ပိုင်းရပ်ကွက်တွေ ရေစဝင်နေပြီ။ အခု ည (၇)နာရီခွဲကို နှစ်ပေလောက်ပေါ့။ နှစ်ပေလောက်ဆိုတော့ ဒူးဆစ်ကျော်ကျော်လောက်အထိ ဝင်နေပြီပေါ့။ အခု ပုံမှန်ရေဘေး အတွက် ကူညီကယ်ဆယ်နေတဲ့ ဘုန်းကြီးကျောင်းတွေမှာလူတွေတော်တော်ရောက်နေပြီ။ ရေကင်းတွေတော့ စောင့်ပြီးကြည့်နေတယ်”ဟု ၎င်းက ပြောသည်။
လက်ရှိတွင် အမှတ်(၅)ရပ်ကွက်အတွင်းရှိ ကိုနဝင်းဘုန်းကြီးကျောင်းနှင့် ဓမ္မာရုံတစ်ခုတွင် ကယ်ဆယ်ရေးစခန်း (၂)ခု ယာယီဖွင့်လှစ်ထားပြီဖြစ်သည်ဟုဆိုသည်။
သောင်ရင်းမြစ်ရေသည် ပြီးခဲ့သည့် ဇူလိုင်လအတွင်း တစ်ကြိမ်၊ စက်တင်ဘာလအတွင်း တစ်ကြိမ် မြင့်တက်ခဲ့ကာရေကြီးရေလျှံဖြစ်ပွားခဲ့ပြီး ယခု တစ်ကြိမ်ဖြစ်ဆိုလျှင် (၃) ကြိမ်မြောက် ရှိပြီဖြစ်ကြောင်း သိရသည်။
ဓာတ်ပုံ-CJ
-
ရှမ်း/မြောက် နောင်ပိန်ကျေးရွာ စစ်ရှောင်စခန်း(၄)ခုတွင် အလှူရှင် မရှိ၍ ဆေးဝါးနဲ့ စားနပ်ရိက္ခာလိုအပ်သည့် အခြေအနေကြုံတွေ့နေရ
-
အာဆီယံ-ဒါကာ ကော်မတီ၏ အလှည့်ကျ ဥက္ကဋ္ဌ တာဝန်ကို ဗီယက်နမ်သံအမတ်ကြီးမှ ဆက်လက်တာဝန်ယူသွားမည်
-
နိုင်ငံပိုင်ဘဏ်များအပါအဝင် ပုဂ္ဂလိကဘဏ် ၁၅ ဘဏ်နှင့် ချေးငွေဆိုင်ရာ ပူးပေါင်းဆောင်ရွက်မှု သဘောတူစာချုပ်များ လက်မှတ်ရေးထိုးခဲ့
-
SEAGP-SEAOP ၏ ၂၀၂၄ ခုနှစ် ချစ်ကြည်ရေး ပိုက်ကျော်ခြင်း ပြိုင်ပွဲကျင်းပပြီးစီး
-
ACD ထိပ်သီးအစည်းအဝေးအတွင်း ဝန်ကြီးဦးသန်းဆွေမှ ကာဂျစ်နိုင်ငံ ဒု-ဝန်ကြီးချုပ်၊ နီပေါ နိုင်ငံခြားရေးဝန်ကြီးတို့နှင့်သီးခြားစီတွေ့ဆုံခဲ့
