ထိုင်းနိုင်ငံတွင် ကျောင်းကားမီးလောင်မှုဖြစ်စဉ်နှင့်ပတ်သက်၍ ရဲတပ်ဖွဲ့က ယာဉ်မောင်းကို ဖမ်းဆီးထိန်းသိမ်းခဲ့သည်ဟု သိရသည်။
ကျောင်းကားသည် ဘန်ကောက်မြို့တော်မြောက်ပိုင်းရှိ အဝေးပြေးလမ်းမပေါ်တွင် အတားအဆီးတစ်ခုကို ဝင်တိုက်ခဲ့ပြီးနောက် မီးလောင်ကျွမ်းခဲ့ကာ ကလေးများနှင့် ၎င်းတို့၏ဆရာမများ စုစုပေါင်း ၂၃ ဦး သေဆုံးခဲ့သည်။
ကလေးအယောက် ၂၀ နှင့် ဆရာမသုံးဦးတို့၏ ရုပ်အလောင်းများသည် ဆိုးဆိုးရွားရွား မီးလောင်ထားသောကြောင့် ၎င်းတို့၏အလောင်းများကို ဖော်ထုတ်နိုင်ရန် ဒီအန်အေစစ်ဆေးမှုများ လုပ်ဆောင်ခဲ့ပြီးနောက် ရုပ်ကြွင်းများကို ၎င်းတို့၏မိသားစုထံပြန်လည် ပို့ဆောင်ပေးခဲ့သည်။
ယူထိုင်းဌာနီပြည်နယ်ရှိ ဝက်ခေါင်ဖရာဆန်ခရမ်ကျောင်းမှ ဘန်ကောက်မြို့တော်မြောက်ပိုင်းရှိ သိပ္ပံပြတိုက်တစ်ခုသို့ လေ့လာရေးခရီးသွားရောက်ခဲ့သော ကလေးများလိုက်ပါလာသည့် ကျောင်းကား သုံးစီးတွင် တစ်စီးက ယင်းကဲ့သို့ဖြစ်ပွားခဲ့ခြင်းဖြစ်သည်။
ဝန်ကြီးချုပ် ပေတုန်တန်ရှင်နာဝပ်ထရာက ဆေးရုံရှိ အသက်ရှင်ကျန်ရစ်သူများထံ သွားရောက်ခဲ့ပြီး အစိုးရအနေဖြင့် ဆေးကုသစရိတ်ပေးသွားမည်ဖြစ်ကာ သေဆုံးသူများ၏ ကျန်ရစ်သူမိသားစုကို နစ်နာကြေးပေးမည်ဟု ဆိုသည်။
စာသင်ကျောင်းတွင်မူ သေဆုံးခဲ့သူများအတွက် ငါးရက်ကြာအသုဘအခမ်းအနားကို ပြင်ဆင်မှုများ စတင်လုပ်ဆောင်ခဲ့သည်။
-
အိန္ဒိယသံအမတ်အပါအဝင် သံအမတ်ငါးဦးကို ဘင်္ဂလားဒေ့ရှ်က ပြန်ခေါ်
-
မြန်မာ့ပြည်တွင်း ပဋိပက္ခကြောင့် နယ်စပ်ဖြတ်ကျော် မူးယစ်ကုန်ကူးမှု မြင့်တက်လာဟု ထိုင်း ပြော
-
မြစ်သားမြို့နယ်အတွင်း ဆည်ရေလွှတ်မှုကြောင့် ပန်းလောင်မြစ်ကမ်းဘေးရှိ ကျေးရွာအုပ်စု (၂၀)ခန့် ရေကြီးရေလျှံ ဆက်လက်ဖြစ်ပွားနေ
-
ပုံဂံရှေးဟောင်းယဉ်ကျေးမှု အမွေအနှစ်ဒေသအတွင်းမှ ဘုရား(၉)ဆူအား မိုးကြိုးလွှဲတပ်ဆင်လျက်ရှိရာ(၄)ဆူပြီးစီး
-
ကမ္ဘာအေး ဘုရားလမ်းပေါ်တွင် ဓါတ်ကြိုးများနှင့်မလွတ်ဘဲ မောင်းနှင်သည့် ကွန်တိန်နာယာဉ်ကြောင့် ဓါတ်တိုင် (၅)တိုင်ခန့် ပြိုလဲပြီး လမ်းပိတ်ဆို့မှုများ ဖြစ်ပေါ်
