ဖနွမ်းပင်၊အောက်တိုဘာ ၁
ကမ္ဘောဒီးယားနိုင်ငံ၌ ယခုနှစ် ပထမကိုးလအတွင်း ဖမ်းဆီးရမိသည့် မူးယစ်ဆေးဝါးပမာဏနှင့် ဖမ်းမိသူ အရေအတွက် သိသိသာသာတိုးလာကြောင်း မူးယစ်ဆေးဝါးတိုက်ဖျက်ရေးဌာန (ADP) ၏ထုတ်ပြန်ချက်အရသိရသည်။
အာဏာပိုင်များသည် ဇန်နဝါရီလမှ စက်တင်ဘာလအတွင်း မူးယစ်ဆေးဝါးနှင့် ဆက်နွယ်သည့် သံသယရှိသူ ၁၉,၆၅၅ ဦးကိုဖမ်းဆီးခဲ့ပြီး ယမန်နှစ်အလားတူကာလကဖမ်းဆီးခဲ့သည့် ၁၄,၇၂၂ ဦးထက် ၃၃ ဒသမ ၅ ရာခိုင်နှုန်းတိုးမြင့်လာကာ သံသယရှိသူ ၆၄၀ သည်နိုင်ငံခြားသားများဖြစ်ကြောင်း အစီရင်ခံစာအရသိရသည်။
၂၀၂၄ ခုနှစ် ပထမကိုးလအတွင်း သံသယရှိသူများ၏ လက်ဝယ်မှ တရားမဝင်မူးယစ်ဆေးဝါး စုစုပေါင်း ၆ ဒသမ ၁ တန်ကို သိမ်းဆည်းရမိခဲ့ပြီး ယမန်နှစ် အလားတူကာလကဖမ်းမိခဲ့သည့် ၂ ဒသမ ၆၈ တန်ထက် ၁၂၇ ရာခိုင်နှုန်းအထိတိုးလာသည်ဟုလည်း အစီရင်ခံစာ၌ဖော်ပြထားသည်။
ဖမ်းဆီးရမိသည့် မူးယစ်ဆေးဝါးအများစုမှာ ကက်တမင်း၊ခရစ်စတယ်မက်သာဖက်တမင်း၊မက်သာဖက်တမင်းစိတ်ကြွဆေးပြား၊ဘိန်းဖြူနှင့် ကိုကင်းများဖြစ်သည်ဟုဆိုသည်။
ဇွန်လတွင်ကျရောက်သည့် အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့အထိမ်းအမှတ် သဝဏ်လွှာတွင် တရားမဝင်မူးယစ်ဆေးဝါးတိုက်ဖျက်ရေးသည် အစိုးရ၏ ထိပ်တန်းဦးစားပေးဖြစ်ကြောင်း ဟွန်မာနက်ကပြောကြားခဲ့သည်။
ပြည်နယ်နှင့် ဒေသဆိုင်ရာအာဏာပိုင်များအနေဖြင့်လည်း နိုက်ကလပ်များနှင့် အခြားဖျော်ဖြေရေးနေရာများတွင် မူးယစ်ဆေးဝါးဖြန့်ဖြူးမှုနှင့် သုံးစွဲမှုတိုက်ဖျက်ရန် အမိန့်ပေးခဲ့သည်။
ကမ္ဘောဒီးယား၌ မူးယစ်ဆေးဝါးရောင်းဝယ်ဖောက်ကားမှုနှင့်ပတ်သက်၍ အပြစ်ရှိသူများကို ေ-သဒဏ်ပေးလေ့မရှိပေ။သို့သော် ၎င်း၏ဥပဒေအရ မူးယစ်ဆေးဝါး ၈၀ ဂရမ်ထက်ပိုသော ရောင်းဝယ်ဖောက်ကားမှုဖြင့် အပြစ်ရှိကြောင်း တွေ့ရှိပါက တစ်သက်တစ်ကျွန်းအထိထောင်ဒဏ်ချမှတ်နိုင်သည်ဟုလည်းသိရသည်။
Source : ရှင်းဟွာ
-
အရှေ့အလယ်ပိုင်း ပဋိပက္ခကို ကျယ်ပြန့်သည်ထက် ကျယ်ပြန့်အောင် ပြုလုပ်နေမှု ဂူတားရက်စ် ရှုတ်ချ
-
ချင်းတွင်းမြစ်ကူး(ထမံသီ) တံတားကြီး တည်ဆောက်ရေးလုပ်ငန်းတစ်ခုလုံး၏ (၆၆) ရာခိုင်နှုန်းပြီးစီး
-
ကျောက်ဆည်တွင် ကားတစ်စီး တောင်ကျရေနှင့် မျောပါသွားမှု ဖြစ်ပွား
-
ရန်ကုန်တိုင်းဒေသကြီးရှိ မြို့နယ်အချို့တွင် အထွေထွေရွေးကောက်ပွဲအတွက် သန်းခေါင်စာရင်းများ စတင်ကောက်ယူ
-
နိုင်ငံတစ်ဝန်း လူဦးရေနှင့် အိမ်အကြောင်းအရာ သန်းခေါင်စာရင်း စတင်ကောက်ယူလျက်ရှိပြီး သန်းခေါင်စာရင်းဆိုင်ရာ မေးခွန်း ၆၈ ခုကို မေးမြန်း ကောက်ယူသွားမည်