သရုပ်ဆောင် အကယ်ဒမီ အိန္ဒြာကျော်ဇင်၏ တူမအရင်းဖြစ်ပြီး ငယ်စဉ်ကတည်းက လှပကာ ဖက်ရှင်ကျနသည့်ဟန်ပန်များဖြင့် တွေ့မြင်ရလေ့ရှိသည့် သရုပ်ဆောင်မေတိုးခိုင်မှာ ပထမဆုံးရုပ်ရှင်ဇာတ်ကားအဖြစ် ‘ရူးအောင်ချစ်မယ့်လူ’ ရုပ်ရှင်ဇာတ်ကားတွင် သရုပ်ဆောင်အကယ်ဒမီနေတိုး၊ အကယ်ဒမီအိန္ဒြာကျော်ဇင်တို့နှင့်အပြိုင် သရုပ်ဆောင်ထားကာ မကြာမီရုံတင်ပြသတော့မည်ဖြစ်သည်။ လတ်တလောတွင် သက်ငယ်မုဒိမ်းပညာပေးဇာတ်ကားတွင် ပါဝင်သရုပ်ဆောင်လျက်ရှိသည့် သရုပ်ဆောင်မေတိုးခိုင်နှင့် တွေ့ ဆုံ၍ ရူးအောင်ချစ်မယ့်လူဇာတ်ကားရိုက်ကူးခဲ့သည့် အတွေ့အကြုံများ၊ လတ်တလော လုပ်ဆောင်လျက်ရှိသည့် အနုပညာလုပ်ငန်းများအကြောင်းကို မေးမြန်းဖြစ်ခဲ့ပါသည်။
မေး- ရူးအောင်ချစ်မယ့်လူ ဇာတ်ကားရုံတင်တော့မယ်ဆိုတော့ ဘယ်လိုခံစားရလဲ။
ဖြေ- အရမ်းပျော်နေသလို စိတ်လှုပ်ရှားနေပါတယ်။ အနုပညာ လောကထဲကို ပထမဆုံးဝင်ရောက်လာတဲ့ အလုပ်လည်းဖြစ်တယ်။ ကြားထဲမှာ သုံးနှစ်လည်း စောင့်ခဲ့ရတယ်။ အခုပြသခွင့်ရတော့မယ်ဆိုတော့ အတိုင်းထက်အလွန် ဝမ်းသာမိပါတယ်။
မေး- အဲဒီဇာတ်ကားရိုက်ဖြစ်ခဲ့တာကရော ဘာကြောင့်လဲ။
ဖြေ-ပြောရမယ်ဆိုရင် ၂၀၁၆ တုန်းက ကျောင်းတစ်နှစ်နားမယ်ဆိုပြီး မြန်မာနိုင်ငံပြန်လာတုန်းမှာ မခင်စန္ဒာမြင့်က လာဆက်သွယ်တယ်။ အသစ်တစ်ယောက်ကို အခုလိုကမ်းလှမ်းတယ်ဆို တော့ကိုယ်တိုင်လည်း လုပ်ချင်စိတ်ရှိတဲ့အတွက် လက်ခံဖြစ်တယ်။ သိသိချင်းမှာ ဇာတ်ညွှန်းကို အရင်တောင်းတယ်။ ဖူးဖူးနဲ့လည်း လိုက်မယ်လို့ပြောကြသလို တီအူဝဲကလည်း လုပ်ကြည့်ပါလို့ပြောတယ်။ ပြင်ဆင်ချိန်နှစ်လလောက်ပဲ ရခဲ့တယ်။ အစိမ်းသက်သက်တစ်ယောက်အနေနဲ့ ရုပ်ရှင်ကားကြီး ရိုက်ရတာဆိုတော့ကြောက်လည်း ကြောက်တယ်။ အများကြီး ကြိုးစားခဲ့ပါတယ်။
မေး- ဒီဝတ္ထုက အရမ်းကောင်းတဲ့ဇာတ်လမ်း လည်းဖြစ်နေတော့ ဖူးဖူးအတွက် ပိုပြီးပြင်ဆင်ခဲ့ရလား။
ဖြေ- ဒီဇာတ်ကားမှာပါတဲ့ အဓိက ဇာတ်ရုပ်သုံးခုက လုံးဝမတူကြဘူး။ ကြည့်ရင်တော့ တွေ့မှာပါ။ ညီမက ဘာမှမသိဘူး။ အဒေါ်ကို အရမ်းချစ်တဲ့ ကလေးဆိုးတစ်ယောက်အနေနဲ့ သရုပ်ဆောင်ရတော့ ပေါ့ပေါ့ပါးပါးတော့ရှိတယ်။ နောက်ပိုင်း Scene တွေကတော့ ဒရာမာပေါ့နော်။ ပြောရရင်ပထမပိုင်းချွဲနွဲ့ပြီးနေ ရတဲ့အပိုင်းမှာက ပိုခက်သလိုဖြစ်နေတယ်။ ဖူးဖူးက အဲဒီလိုအပြင်မှာ သိပ်မနေတတ်တော့ နောက်ပိုင်း Scene တွေက ပိုအဆင်ပြေတယ်။
မေး- တခြားတွဲဖက်ပါဝင်ခဲ့တဲ့သူတွေက ကိုနေတိုးတို့ မအူဝဲတို့လို ၀ါရင့်တွေဖြစ်နေတော့ ဖူးဖူးအတွက် ဘယ်လိုစိန်ခေါ်မှုတွေရှိလဲ။
ဖြေ- ဖူးဖူးကသူတို့နဲ့ယှဉ်ရင်တော့ ဘာမှမဟုတ်ဘူးပေါ့။ ကိုယ်က အများကြီးလည်း မလုပ်နိုင်သေးဘူး။ သူတို့နှစ်ယောက်လုံးရဲ့ Support က ဖူးအတွက် အများကြီးအထောက်အကူပြုတယ်။ ဦးနေတိုးဆိုရင် သူမပါတဲ့ Scene တွေမှာတောင် ဖူးဖူးကို Support ပေးတယ်။ တီတီဝဲဆိုရင်တော့ မပြောတော့ဘူးပေါ့နော်။ ဒီဇာတ်ကား ရိုက်မယ်ဆိုကတည်းက Scene Test တွေ လုပ်ပေးတယ်။ အများကြီးပြင်ဆင်ပေးတယ်။ သူတို့နဲ့ရိုက်လို့ ရှိန်တာမျိုးထက် ခွန်အားတွေပိုရပါတယ်။
မေး- အပြိုင်သရုုပ်ဆောင်တဲ့အခါ ကိုယ်တစ်ယောက်တည်း ကျန်နေတာမျိုး မဖြစ်အောင်ရော ဘယ်လိုပြင်ဆင်ခဲ့လဲ။
ဖြေ- အဓိကတော့ ဇာတ်ညွှန်းကိုသေချာနိုင်အောင်ဖတ်တယ်။ ကိုယ်က ဘာမှမသိတဲ့ အသက် ၁၈ နှစ်အရွယ် ကောင်မလေးတစ်ယောက်ပေါ့နော်။ ခဏခဏ ပြန်လုပ်ရတာလည်းရှိတယ်။ အခုပြန်ကြည့်တဲ့အခါ အများကြီးပြန် လုပ်လို့ရမယ့် အရာတွေလည်းမြင်တယ်။ ဘာပဲဖြစ်ဖြစ် အဲဒီအချိန်တုန်းက အသစ်တစ်ယောက်အနေနဲ့တော့ အများကြီးအားရပါတယ်။
မေး-ဒီဇာတ်ကားနဲ့ပတ်သက်တဲ့ အမှတ်တရဆိုရင်ရော။
ဖြေ- အမှတ်တရဆိုရင်တော့ တီတီအူဝဲက ကားအစကနေ အဆုံးထိပါပဲ။ ဦးနေတိုးကကျတော့ သုဝဏ္ဏလမ်းဆုံမှာရိုက်တဲ့ Scene ပေါ့။ အရမ်းလည်း ပူနေတဲ့အချိန်မှာ ဟဲဗီး Scene ရိုက်ရတယ်။ မျက်ရည်က မထွက်တော့ဘူး။ အဲဒီချိန်မှာ ဦးနေတိုးက ဘေးကနေ ဖူးဖူးငိုလို့ရအောင် စိတ်ခံစားမှုကိုပြောပြ ပေးခဲ့တယ်။ အဲဒါလေးက အမှတ်တရပါ။
မေး- မအူဝဲကျတော့ ဇာတ်ရုပ်တိုင်းကို အပြည့်စိတ်နှစ်ပြီးလုပ်တတ်တဲ့သူဆိုတော့ သူသရုပ် ဆောင်တာကိုကြည့်ပြီး Inspiration ရတာမျိုးရှိလား။
ဖြေ- အဲဒါတော့အများကြီးပေါ့။ တီဝဲနဲ့က ငယ်ငယ်တည်းက ရှုတင်တွေလိုက် ဖြစ်တယ်။ ဒီကားမတိုင်ခင်မှာလည်း ရှုတင်တွေလိုက်လေ့လာဖြစ်တယ်။ ဒီကားရိုက်တဲ့အချိန်မှာလည်း ဦးနေတိုးနဲ့ တီတီဝဲတို့မုဒ်တွေကို ကြည့်ရင်းနဲ့ပဲ ကိုယ်ပါလိုက်စီးမျောပြီး သရုပ်ဆောင်နိုင်ခဲ့တယ်။ ခံစားမှုတွေ အသက်သွင်းလို့ ရစေခဲ့တယ်ပေါ့။ ပရိသတ်တွေကိုလည်း ရုံတင်တဲ့အခါ ကြည့်စေချင်ပါတယ်။
မေး-ပရိသတ်တွေကို အကြိုပြောချင်တာများ ရှိမလား။
ဖြေ-အစိမ်းသက်သက် တစ်ယောက်အဖြစ်ကနေ စပြီးရိုက်ခဲ့တဲ့ဇာတ်ကားလည်းဖြစ်ပါတယ်။ သင်ယူလေ့လာထားတာ အများကြီးမရှိပေမယ့် အခရာဆိုတဲ့ ကာရိုက်တာလေးဖြစ်အောင် အတတ်နိုင်ဆုံးကြိုးစားထားလို့ အဲဒီကာရိုက်တာလေးအဖြစ်မြင်စေချင်ပါတယ်။ မေတိုးခိုင်မဟုတ်ဘဲ အခရာဆိုတဲ့ ကာရိုက်တာလေးနဲ့သရုပ်ဆောင်ထားတာကို လာကြည့်ဖို့ ဖိတ်ခေါ်ပါတယ်။
မေး-သက်ငယ်မုဒိမ်း ပညာပေးဇာတ်ကား ရိုက်နေတဲ့အကြောင်းလေး ပြောပေးပါဦး။
ဖြေ- ကလေးအသား ခါးသည်ဇာတ်ကားနဲ့ပတ်သက်ပြီး ဇာတ်ကားမှာအတူ ပါဝင်တဲ့ မင်းဆက်သစ်ကလာပြီး ပြောပြတယ်။ ကိုယ်တိုင်လည်း တစ်ထောင့်တစ်နေရာက ပါဝင်လှုပ်ရှားချင်တယ်။ ကိုယ်တတ်စွမ်းတဲ့ အနုပညာနဲ့ ကြည့်လိုက်ရတဲ့သူတွေအတွက် အသိပညာလေး တစ်ခုခုရသွားစေချင်တယ်။ ဒါကြောင့် လက်ခံရိုက်ကူးဖြစ်တာပါ။ ကိုယ်တိုင်လည်း ကလေးတွေအရမ်းချစ်တဲ့အတွက် ဒီလိုဖြစ်ရပ်မျိုးတွေကို ဘယ်ကလေးမှာမှ မကြုံစေချင်ဘူး။ ဒါ ကြောင့်လည်း တတ်နိုင်သလောက် လုပ်ဆောင်ပေးဖြစ်တဲ့သဘောပါ။
မေး-ပရိသတ်တွေကိုပြောချင်တဲ့စကား လက်ဆောင်ရှိရင် ပြောပေးပါဦး။
ဖြေ-ဖူးကိုချစ်တဲ့ ပရိသတ်တွေအတွက် ဖူးအများကြီးကြိုးစားနေပါတယ်။ အားပေးစေချင်ပါတယ်။
-
၂၀၂၄ ခုနှစ် တောင်ကြီးတန်ဆောင်တိုင် မီးပုံးပျံပွဲတော်ဖွင့်ပွဲ ကျင်းပ
-
ဇလွန်မြိုရှိ မာရ်အောင်မြင်ပြည်တော်ပြန်ဘုရားကြီး၊ တန်ဆောင်တိုင်ပွဲတော်၌ မသိုးသင်္ကန်းရက်ချုပ်ပြိုင်ပွဲနှင့် ရောင်စုံမီးအလှဆင်ပုံဖော်မှုများ ပါဝင်မည်
-
ဇူလိုင် ၂၆ ရက်တွင် ကမ္ဘာ့ဒေါ်လာစျေးအညွှန်းကိန်း ၁၀၆ ပွိုင့်ဝန်းကျင်ရှိပြီး ပြင်ပစျေးကွက်တွင်မူ နိုင်ငံခြားငွေလဲနှုန်း တစ်ဒေါ်လာ ကျပ် ၂၄၉၀ ဝန်းကျင်ရှိနေ
-
၂၀၂၁-၂၀၂၂ ဘဏ္ဍာနှစ် တတိယသုံးလပတ်အတွင်း စတော့ရှယ်ယာတန်ဖိုးစုစုပေါင်း ကျပ်သန်း ၇၉၀ ကျော် အရောင်းအဝယ်ဖြစ်မြောက်ခဲ့ပြီး ဒုတိယသုုံးလပတ်ထက် ၁၅ ရာခိုင်နှုန်းကျဆင်း
-
ဇူလိုင် ၂၈ ရက်တွင် ရွှေလုပ်ငန်းရှင်များအသင်းက ပြည်တွင်းရွှေစျေးနှုန်း တစ်ကျပ်သားလျှင် ကျပ် ၂၀၆၀၀၀၀ ဖြင့် စျေးပိတ်ခဲ့သော်လည်း ပြင်ပစျေးကွက်တွင် ကျပ် ၂၂၈၀၀၀၀ ဝန်းကျင်ရှိနေ
