ဒါရိုက်တာ အယ်လ်ဖွန်ဆိုကာရွန်၏ အော်စကာဆုရဇာတ်ကား Roma ကို တရုတ်ရှိ ရုပ်ရှင်ရုံများတွင် ဖြန့်ချိရန် တရုတ်အာဏာပိုင်များက ခွင့်ပြုခဲ့သည်ဟု National Art- house Film Alliance က မတ် ၆ ရက်တွင် အတည်ပြုခဲ့သည်။
အော်စကာဆုပေးပွဲတွင် အကောင်းဆုံး ဇာတ်ကားဆုရရှိခဲ့သည့် Green Book ဇာတ်ကားနှင့် အကောင်းဆုံး အမျိုးသား သရုပ်ဆောင်ဆုအပါအဝင် အော်စကာဆု လေးဆု ဆွတ်ခူးခဲ့သည့် Bohemian Rhapsody ဇာတ်ကားတို့ကို တရုတ်တွင် ဖြန့်ချိခွင့်ပေးခဲ့ပြီး ရက်အနည်းငယ်အကြာတွင် Roma ဇာတ်ကားကိုလည်း ဖြန့်ချိခွင့်ပေးခဲ့ခြင်းဖြစ်သည်။
အော်စကာဆုပေးပွဲတွင် အကောင်းဆုံးဒါရိုက်တာဆု၊ ရုပ်ရှင်အတတ်ပညာဆုနှင့် နိုင်ငံခြားဘာသာစကားပြော ဇာတ်ကားဆု ဆွတ်ခူးခဲ့သည့် ဇာတ်ကားဟုု အမွှမ်းတင်ထားသည့် Roma ဇာတ်ကား၏ ပိုစတာတစ်ခုကို Sina ဝက်ဘ်ဆိုက်တွင် ဖော်ပြခဲ့သော်လည်း ဇာတ်ကားဖြန့်ချိမည့်ရက်ကို အတိအကျ မထုတ်ပြန်ခဲ့ပေ။
ဒါရိုက်တာ အယ်လ်ဖွန်ဆိုကာရွန်၏ ငယ်ဘဝအကြောင်း ရိုက်ကူးထားသည့် အဖြူအမည်းဇာတ်ကား Roma သည် မက္ကဆီကို နိုင်ငံအတွက် အကောင်းဆုံး နိုင်ငံခြားဘာသာစကားပြော ဇာတ်ကားဆုကို ပထမဆုံးရရှိခဲ့သည့် ဇာတ်ကားလည်းဖြစ်သည်။
Netflix သည် Roma ဇာတ်ကားအတွက် ကမ္ဘာတစ်ဝန်း မူပိုင်ခွင့် ထိန်းချုပ်ထားသော်လည်း တရုတ်ရုပ်ရှင်ရုံများတွင် ဖြန့်ချိမှုအတွက် မချိတ်ဆက်ခဲ့ပေ။ အွန်လိုင်းရုပ်သံ Netflix က Roma ဇာတ်ကားကို အမေရိကန်ရှိ ရုပ်ရှင်ရုံ ၁၀၀ ကျော်နှင့် နိုင်ငံ ၄၀ ရှိ ရုပ်ရှင်ရုံ ၅၀၀ ကျော်တွင် ပြီးခဲ့သည့်နှစ် နိုဝင်ဘာက ဖြန့်ချိခဲ့သော်လည်း လက်မှတ်ရောင်းချမှုဝင်ငွေကို ထုတ်ပြန်ခဲ့ခြင်းမရှိပေ။
-
သရုပ်ဆောင် မေမီကိုကိုရဲ့ ငယ်ဘဝအမှတ်တရ ဖြတ်သန်းရာ
-
မာဗယ်၏ ပထမဦးဆုံး ရုပ်ပြစာစောင်ကို လေလံတင်ရောင်းချရာ ဒေါ်လာ ၁.၃ သန်း ရရှိ
-
သရုပ်ဆောင် ခရစ္စတင်းဘဲလ်နှင့် အဆိုတော်၊ သရုပ်ဆောင် အဒီးနားမန်ဇယ်တို့ ဟောလိဝုဒ် Walk of Fame တွင် ကြယ်ပွင့်ဖြင့် ဂုဏ်ပြုခံရ
-
တစ်ရှိန်ထိုးအောင်မြင်လာသည့် ရက်ပ်အဆိုတော် လစ်ဇိုက (၆၂) ကြိမ်မြောက် ဂရမ်မီဆန်ခါတင်စာရင်းတွင် ဦးဆောင်
-
ပိုင်တံခွန် ပါဝင်ခွင့်ရရှိခဲ့သည့် ထိုင်းရုပ်သံအစီအစဉ် Farang Day ၏ Host ဖြစ်သူ Sunny Burns မြန်မာနိုင်ငံသို့ လာရောက်မည်
