PSG အသင်းနည်းပြ တူဟယ်လ်သည် အသင်းတွင်း ပြဿနာများရှိနေပြီး ရာထူးမှထုတ်ပယ်ခံရဖွယ်ရှိနေသည်ဟု သတင်းများထွက်ပေါ်နေသည်။
သို့သော် ပြင်သစ်သတင်းစာ Le Parisien ကမူ တူဟယ်ကို ရာထူးမှ ထုတ်ပယ်ပါက ယူရို (၁၀)သန်း ပေးချေရမည်ဖြစ်၍ PSG အသင်းအနေဖြင့် ယင်းကဲ့သို့ ပြုလုပ်မည်မဟုတ်ကြောင်း ဖော်ပြခဲ့သည်။
PSG အသင်းနည်းပြ တူဟယ်လ်သည် ပြီးခဲ့သည့်နွေရာသီအပြောင်းအရွှေ့ကာလတွင် ၎င်းအလိုရှိသည့်ကစားသမားများကို ခေါ်ယူခဲ့ခြင်းမရှိသည့်အတွက် အသင်းကို ဝေဖန်မှုများပြုလုပ်ခဲ့သည်။
ယင်းအချက်ကို PSG အသင်းပိုင်ရှင်က ကြိုက်နှစ်သက်ခြင်းမရှိကြောင်း အသင်းအားကစား ဒါရိုက်တာ လီယိုနာဒိုက ပြောကြားခဲ့ပြီး တူဟယ်လ်အနေဖြင့် အဆင်မပြေသည့်ကိစ္စများရှိလျှင် ဆွေးနွေးနိုင်ကြောင်းနှင့် လူသိရှင်ကြား ပြောဆိုနေခြင်းမှာ မမှန်ကြောင်း ဆိုခဲ့သည်။
ထို့ပြင် လီယိုနာဒိုက တူဟယ်လ်အနေဖြင့် အသင်း၏ စီမံကိန်းကို လိုက်နာရမည်ဖြစ်ပြီး မဟုတ်ပါက ရာထူးမှထွက်ခွာသွားရမည်ဟုလည်း ပြောကြားခဲ့သည်။
PSG အသင်းသည် ချန်ပီယံလိဂ်အုပ်စုအဖွင့်ပွဲတွင် အိမ်ကွင်း၌ မန်ယူအသင်းကို ရှုံးနိမ့်ခဲ့ပြီးနောက် တူဟယ်လ်၏ အနာဂတ်မှာ လှုပ်ခတ်လာပြီဟု မီဒီယာများက ဖော်ပြခဲ့ခြင်းဖြစ်သည်။
သို့သော် Le Parisien သတင်းစာက ''PSG အသင်းအနေဖြင့် ကိုရိုနာဗိုင်းရပ်စ်ကပ်ဘေးကြောင့် ဘဏ္ဍာရေးအကျပ်အတည်းကို ကြုံတွေ့ခဲ့ရပြီး ကစားသမား ခေါ်ယူမှုနှင့် နည်းပြကို ထုတ်ပယ်မှု ပြုလုပ်နိုင်ဦးမည်မဟုတ်ကြောင်း၊ တူဟယ်လ်၏ စာချုပ်မှာ သက်တမ်း (၈)လသာ ကျန်ရှိတော့သော်လည်း PSG အသင်းအနေဖြင့် တူဟယ်လ်နှင့် နည်းပြအဖွဲ့ကို ထုတ်ပယ်မည်ဆိုပါက ယူရို (၁၀)သန်း လျော်ကြေးပေးရမည်ဖြစ်ကြောင်း၊ ယင်းအတွက် PSG အနေဖြင့် တူဟယ်လ်ကို ရာထူးမှ ထုတ်ပယ်မည်မဟုတ်ကြောင်း''ဖော်ပြခဲ့သည်။
ထို့ပြင် Le Parisien က အသင်းအားကစားဒါရိုက်တာ လီယိုနာဒိုအနေဖြင့်လည်း လက်ရှိတွင် အပြောင်းအလဲ ပြုလုပ်နိုင်မည်မဟုတ်သည့်အတွက် နည်းပြ တူဟယ်လ်နှင့် အဆင်ပြေအောင် ပေါင်းသင်းပြီး အောင်မြင်ရရှိအောင် ကြိုးပမ်းရမည် ဖြစ်ကြောင်းလည်း ရေးသားခဲ့သည်။
တူဟယ်လ်ကလည်း မိမိအနေဖြင့် ရာထူးအတွက် စိုးရိမ်ပူပန်မှု မရှိကြောင်း ပြောကြားခဲ့သည်။
ဘာရှက်ဆီဟီနှင့် ပွဲမတိုင်မီပြုလုပ်သည့် သတင်းစာရှင်းလင်းပွဲတွင် တူဟယ်လ်က ''ရာထူးအတွက် ကျွန်တော် မစိုးရိမ်သလို၊ အန္တရာယ်ရှိတယ်လို့လည်း မခံစားရပါဘူး။ ပွဲအပေါ်မှာပဲ အာရုံစိုက်ပါတယ်။ ကျန်တာ စိတ်မဝင်စားပါဘူး''ဟု ပြောကြားခဲ့သည်။
-
ပြည်ပရောက်အလုပ်သမားများ၏လွှဲပို့ငွေ မပြနိုင်သည့် အေဂျင်စီ ၈၁ခု ကို အလုပ်ခေါ်စာအသစ် တင်ခွင့်ခေတ္တဆိုင်းငံ့
-
“ဝ”ဒေသ ဟိုပန်ခရိုင်အတွင်း ဖျော်ဖြေရေးလုပ်ငန်း၊ အနှိပ်ခန်း အပါအဝင် လုပ်ငန်း(၈)ခုတွင် လုပ်ကိုင်သူများအား ကူးစက် ရောဂါပိုးစစ်ဆေးမည်
-
ဒဏ်ရာပြဿနာကြောင့် အော်ဒီဂွါကို အချိန်တစ်ခုကြာလက်လွှတ်ရမည်ဟု အာတီတာ ဝန်ခံခဲ့ပြီး ဒီဘရိုင်းနားလည်း အာဆင်နယ်နှင့်ပွဲတွင် ပါဝင်နိုင်ရန် မသေချာ
-
နေမာ၏သတိပေးချက်သတင်းများ ထွက်ပေါ်နေမှုကို အမ်ဘာပေနှင့် ဆက်ဆံရေးကောင်းမွန်ကြောင်း ပြောကြားပြီး ရိုဒရီဂို တုံ့ပြန်
-
အယ်လ်ဗာရက်ဇ်ကို အချိန်ပေးရမည်ဟု ဆီမြွန်နီ ဆို
