မန်ချက်စတာယူနိုက်တက် ၅-၀ လိုက်ပ်ဇစ်
မန်ယူအသင်းအတွက် ဒီရာသီ ပထမဆုံးအိမ်ကွင်းနိုင်ပွဲက မထင်မှတ်ဘဲ ဂိုးပြတ်သွင်းပြီး အောင်ပွဲခံနိုင်ခဲ့ပါတယ်။ မန်ယူအနေနဲ့ အုပ်စုတွင်းအဓိကပြိုင်ဘက်တွေဖြစ်တဲ့ PSG၊ လိုက်ပ်ဇစ်အသင်းတွေကို (၂)ပွဲဆက် အနိုင်ယူခဲ့တာဖြစ်လို့ ရှုံး ထွက်အဆင့်တက်ရောက်ဖို့လည်း အခြေအနေကောင်းသွားခဲ့တယ်။ ပရီးမီးယားလိဂ်ပွဲကျပ်တွေအကြားမှာ ကစားရတာဖြစ်လို့ နည်းပြ ဆိုးလ်ရှားရဲ့ပွဲထွက်လူစာရင်းမှာ အပြောင်းအလဲအနည်းငယ်ရှိခဲ့တယ်။ မန်ယူအသင်းက ပေါ့ဘာကို No.10 Role ထားပြီး ခင်းကျင်းခဲ့ပေမဲ့ ပေါ့ဘာက Box to Box ကစားခဲ့လို့ ၄-၃-၃ ပိုဆန်ခဲ့ပါတယ်။
အခုပွဲမတိုင်မီ လိဂ်ဖလားပွဲတစ်ပွဲသာ ပွဲထွက်ခွင့်ရထားတဲ့ ဗန်ဒယ်ဘိခ်က အံ့အားသင့်စရာတွေ လုပ်မပြနိုင်ခဲ့ပေမဲ့ အထိုက်အလျောက်တော့ အသင်းအတွက် အကျိုးဖြစ်ထွန်းစေခဲ့တယ်။ ကစားခွင့်ရတဲ့ (၆၇)မိနစ်အတွင်းမှာ အခွင့်အရေး (၂)ကြိမ် ဖန်တီးပေးခဲ့ပြီး ဘောလုံးပေးပို့တဲ့ (၂၈)ကြိမ်မှာ အောင်မြင်မှု (၈၉%)ရှိခဲ့ကာ ဘောလုံးပြန်ရရှိမှုကလည်း (၆)ကြိမ်ရှိခဲ့ပါတယ်။ အချက်အလက်တွေအရတော့ ဗန်ဒယ်ဘိခ်ရဲ့ခြေစွမ်းက သိပ်တော့မဆိုးခဲ့ပါဘူး။ မန်ယူအသင်းက (၂၁)မိနစ် မှာ ပေါ့ဘာရဲ့ဖန်တီးပေးပို့မှုကနေ ဂရင်းဝုဒ်သွင်းယူတဲ့ဂိုးနဲ့ ဦးဆောင်ခဲ့တာပါ။ ပထမပိုင်းကျန်မိနစ်တွေမှာ ဘွန်ဒစ်လီဂါဇယားထိပ်ဆုံးရောက် လိုက်ပ်ဇစ်အသင်းက ပိုလွှမ်းမိုးထားနိုင်ခဲ့တယ်။ ဒါပေမဲ့ လိုက်ပ်ဇစ်အသင်းရဲ့ Forward Line က မန်ယူနောက်တန်းကို သိပ်ဖိအားမပေးနိုင်ခဲ့ဘူး။ ဒီဟေးယားကလည်း အန်ကန်ကူရဲ့အပိုင်ကန်ချက်၊ ကိုနာတေရဲ့ခေါင်းတိုက်ချက်တွေကို ကာကွယ်သွားနိုင်ခဲ့တယ်။
မန်ယူအတွက်အပြောင်းအလဲက (၆၃)မိနစ်မှာ ဂရင်းဝုဒ်နဲ့ ဗန်ဒယ်ဘိခ်တို့နေရာမှာ ရပ်ရှ်ဖို့ဒ်၊ ဘရူနိုဖာနန်ဒက်စ်တို့ကို တစ်ပြိုင်နက် လူစားလဲခဲ့တာပါ။ ရပ်ရှ်ဖို့ဒ်ရဲ့ကြောက်ခမန်းလိလိတိုးအားကြောင့် လိုက်ပ်ဇစ်နောက်တန်း ပြိုဆင်းခဲ့ပြီး (၇၄၊ ၇၈၊ ၉၂)မိနစ်တွေမှာ (၃)ဂိုးသွင်းကာ Clinical Hat-trick ကို ရယူသွားခဲ့ပါတယ်။ ရပ်ရှ်ဖို့ဒ်အနေနဲ့ ပထမဆုံးဟက်ထရစ် ရယူနိုင်ခဲ့တာဖြစ်သလို၊ ၁၉၉၉ ခုနှစ် ဖေဖော်ဝါရီက နော်တင်ဟမ်နဲ့ပွဲမှာ ဆိုးလ်ရှား လူစားဝင်ကာ (၄)ဂိုးသွင်းယူခဲ့ပြီးနောက် မန်ယူအသင်းရဲ့လူစားဝင်ကစားသမားတွေထဲက ပထမဆုံးဟက်ထရစ်ရှင်အဖြစ် မှတ်တမ်းဝင်ခဲ့ပါတယ်။ မန်ယူအသင်းရဲ့စတုတ္ထ မြောက်ဂိုးကိုတော့ မာစီယဲလ်က သူ့ကြောင့်ရတဲ့ ပယ်နယ်တီကို (၈၇)မိနစ်မှာ ကိုယ်တိုင်ကန်သွင်းခဲ့တာပါ။ လိုက်ပ်ဇစ်အသင်းကတော့ အခုရာသီ ပြိုင်ပွဲစုံ(၈)ပွဲမြောက်မှာ ပထမဆုံးရှုံးပွဲနဲ့ ရင်ဆိုင်ခဲ့ရပါတယ်။
-
ပြည်ပရောက်အလုပ်သမားများ၏လွှဲပို့ငွေ မပြနိုင်သည့် အေဂျင်စီ ၈၁ခု ကို အလုပ်ခေါ်စာအသစ် တင်ခွင့်ခေတ္တဆိုင်းငံ့
-
“ဝ”ဒေသ ဟိုပန်ခရိုင်အတွင်း ဖျော်ဖြေရေးလုပ်ငန်း၊ အနှိပ်ခန်း အပါအဝင် လုပ်ငန်း(၈)ခုတွင် လုပ်ကိုင်သူများအား ကူးစက် ရောဂါပိုးစစ်ဆေးမည်
-
ဒဏ်ရာပြဿနာကြောင့် အော်ဒီဂွါကို အချိန်တစ်ခုကြာလက်လွှတ်ရမည်ဟု အာတီတာ ဝန်ခံခဲ့ပြီး ဒီဘရိုင်းနားလည်း အာဆင်နယ်နှင့်ပွဲတွင် ပါဝင်နိုင်ရန် မသေချာ
-
နေမာ၏သတိပေးချက်သတင်းများ ထွက်ပေါ်နေမှုကို အမ်ဘာပေနှင့် ဆက်ဆံရေးကောင်းမွန်ကြောင်း ပြောကြားပြီး ရိုဒရီဂို တုံ့ပြန်
-
အယ်လ်ဗာရက်ဇ်ကို အချိန်ပေးရမည်ဟု ဆီမြွန်နီ ဆို