လက်စတာအသင်းနည်းပြ ဘရန်ဒန်ရော်ဂျာက သူ၏အသင်းမှာ တစ်ဆင့်ပြီးတစ်ဆင့် တိုးတက်လာသည်ဟု ထုတ်ဖော်ပြောကြားခဲ့သည်။
လက်စတာအသင်းသည် တနင်္ဂနွေနေ့ကယှဉ်ပြိုင်ကစားခဲ့သော ပရီးမီးယားလိဂ်ပွဲတွင် အာဆင်နယ်အသင်းကို အဝေးကွင်း၌ အနိုင်ရခဲ့ခြင်းမှာ နှစ်ပေါင်း(၄၇)နှစ်အတွင်း ပထမဆုံးအဖြစ်မှတ်တမ်းဝင်ခဲ့ကြောင်း သိရသည်။
လက်စတာအသင်းသည် ယခုပွဲမတိုင်မီက အာဆင်နယ်အသင်းကို အဝေးကွင်း၌ (၄)ပွဲအနိုင်ရခဲ့ဖူးသော်လည်း နောက်ဆုံးအနိုင်ရခဲ့သည်မှာ ၁၉၇၃ ခုနှစ်တွင် ဖြစ်သည်။
အဆိုပါ (၄၇)နှစ်အတွင်း အာဆင်နယ်ကွင်း၌ ပြိုင်ပွဲစုံ(၂၇)ပွဲယှဉ်ပြိုင်ကစားခဲ့ရာတွင် နိုင်ပွဲပျောက်ဆုံးနေခဲ့ခြင်းဖြစ်ပြီး ယခုမှ နိုင်ပွဲပြန်လည်ရယူနိုင်ခဲ့ခြင်း ဖြစ်သည်။
ထို့ကြောင့် လက်စတာ နည်းပြ ဘရန်ဒန်ရော်ဂျာက ''(၄၇)နှစ်ကြာစောင့်ခဲ့ရတဲ့ နိုင်ပွဲဖြစ်တာကြောင့် ကျေနပ်မိပါတယ်။ ကျွန်တော်တို့ရဲ့ ပရိသတ်တွေလည်း ပျော်ရွှင်ကြမယ်ထင်ပါတယ်။ အကောင်းဆုံးစွမ်းဆောင်ပြနိုင်ခဲ့တဲ့ ကစားသ မားတွေကိုလည်း ချီးကျူးချင်ပါတယ်''ဟု ပြောကြားခဲ့သည်။
ထို့ပြင် ယခုနိုင်ပွဲမှာ ဘရန်ဒန်ရော်ဂျာအတွက် နည်းပြဘဝ နိုင်ပွဲ(၃၀၀)ပြည့်အဖြစ် မှတ်တမ်းဝင်ခဲ့သလို၊ အနိုင်ဂိုးသွင်းခဲ့သည့် တိုက်စစ်မှူး ဗာဒီမှာလည်း ပရီးမီးယားလိဂ်ပြိုင်ပွဲတွင် အာဆင်နယ်အသင်းကို ဂိုးအများဆုံးသွင်းယူနို်င်သူ ဖြစ်လာရန် နီးစပ်လာကြောင်း သိရသည်။
ဗာဒီသည် ပရီးမီးယားလိဂ်၌ အာဆင်နယ်အသင်းကို (၁၁)ဂိုးမြောက် သွင်းယူနိုင်ခဲ့ခြင်းဖြစ်ပြီး အာဆင်နယ်အသင်းကို ၎င်းထက်ပိုသွင်းထားသူမှာ မန်ယူတိုက်စစ်မှူးဟောင်း ရွန်နီ(၁၂ ဂိုး)သာရှိကြောင်း သိရသည်။
-
မိနစ်နှစ်ဆယ်နဲ့ ဖုန်းအားအပြည့်သွင်းနိုင်တဲ့ ခရီးဆောင်လေအားတာဘိုင်
-
ရေဘေးကြောင့် အသက်ဆုံးရှုံးခဲ့သူ (၃၀၀) နီးပါးနှင့် ပျောက်ဆုံးသူ (၈၀) ကျော်ရှိကြောင်းနစက ထပ်မံထုတ်ပြန်
-
အမျိုးသမီး (၁) ဦးကို တရုတ်မယားအဖြစ် ရော-င်းစားသူကို လူကု-န်ကူးမှုဖြင့် ထောင်ဒဏ် (၁၀)နှစ် ချမှတ်
-
ရေကြီးရေလျှံမှုကြောင့် ပျက်စီးခဲ့ရသည့် ရန်ကုန်-မန္တလေး ရထားလမ်းပိုင်း အမြန်ဆုံး ပြေးဆွဲနိုင်ရေး ရထားလမ်းနှင့် တံတားများ ပြန်လည် ပြုပြင်လျက်ရှိ
-
မကွေးတိုင်း မြို့နယ် (၅)ခုတွင် နေအိမ်နှင့် လမ်းများပေါ်သို့ သစ်ပင်လဲကျမှုနှင့် မြေပြိုမှုတို့ ဆက်တိုက်ဖြစ်ပွား
