အဲဗာတန်အသင်း၏ နည်းပြ ဖြစ်သူ အန်ဆယ်လော့တီက ဆောက်သမ်တန်အသင်းကို (၂-၀)ဂိုးဖြင့် ရှုံးနိမ့်ခဲ့သည့်ပွဲတွင် အသင်း၏နောက်ခံလူ ဒစ်ဂ်နေး အနီကတ်အပြခံခဲ့ရခြင်းအပေါ် အယူခံဝင်မည်ဟု ပြောကြားခဲ့သည်။
ထို့ပြင် ၎င်းက ယင်းအနီကတ်သည် ပစ်ဖို့ဒ်၊ ရစ်ချာလီဆန်ဖြစ်ရပ်များ၏ အကျိုးဆက်ကို ခံခဲ့ရခြင်းဖြစ်သည်ဟု ပြောကြားသွားခဲ့သည်။
အန်ဆယ်လော့တီက '' ဒီအနီကတ်က ဟာသပဲ။ ရည်ရွယ်ချက်လည်းမပါဘူး။ အဝါလောက်ပဲ ဖြစ်သင့်ပါတယ်။ တကယ်တော့ တစ်ပတ်လုံးလိုလို ပစ်ဖို့ဒ်ရဲ့ကိစ္စကို ၀ိုင်းပြောခဲ့ကြတာတွေ၊ ရစ်ချာလီဆန်ကို ၀ိုင်းဝေဖန်ခဲ့ကြတာတွေက ဒီဆုံးဖြတ်ချက်အပေါ်မှာ သက်ရောက်မှုရှိပါတယ်။ ဒီလိုသာ တကယ်လုပ်တယ်ဆိုရင် ဒါမမှန်ပါဘူး။ မျှလည်းမမျှတပါဘူး။ ကျွန်တော်တို့က ဒီဖြစ်ရပ်အတွက် အယူခံဝင်သွားမှာပါ။ လုံးဝသေချာပါတယ်''ဟု ပြောကြားခဲ့သည်။
Sky Sports ၏ ဘောလုံးသုံးသပ်သူတစ်ဦးဖြစ်သည့် ဂျေမီရက်နက်ပ်ကလည်း ''ဘောလုံးကစားရင်တော့ ပြေးရမှာပဲ။ ပြေးနေရင်း တစ်ယောက်ယောက်နဲ့ ထိမိရင်လဲနိုင်တာပဲ။ ဒါအဝါကတ်ပါ။ အနီကတ်လို့ တစ်ဦးဦးက ပြောရင် ကျွန်တော် သဘောမတူပါဘူး။ တာဝန်ရှိသူတွေ ပြန်စစ်ဆေးမယ်လို့ မျှော်လင့်ပါတယ်။ ဒါသာ တကယ်အနီကတ်ဆိုရင်တော့ ဘောလုံးလောကက သွားပါပြီ''ဟု ပြောကြားသွားခဲ့သည်။
-
မိနစ်နှစ်ဆယ်နဲ့ ဖုန်းအားအပြည့်သွင်းနိုင်တဲ့ ခရီးဆောင်လေအားတာဘိုင်
-
ရေဘေးကြောင့် အသက်ဆုံးရှုံးခဲ့သူ (၃၀၀) နီးပါးနှင့် ပျောက်ဆုံးသူ (၈၀) ကျော်ရှိကြောင်းနစက ထပ်မံထုတ်ပြန်
-
အမျိုးသမီး (၁) ဦးကို တရုတ်မယားအဖြစ် ရော-င်းစားသူကို လူကု-န်ကူးမှုဖြင့် ထောင်ဒဏ် (၁၀)နှစ် ချမှတ်
-
ရေကြီးရေလျှံမှုကြောင့် ပျက်စီးခဲ့ရသည့် ရန်ကုန်-မန္တလေး ရထားလမ်းပိုင်း အမြန်ဆုံး ပြေးဆွဲနိုင်ရေး ရထားလမ်းနှင့် တံတားများ ပြန်လည် ပြုပြင်လျက်ရှိ
-
မကွေးတိုင်း မြို့နယ် (၅)ခုတွင် နေအိမ်နှင့် လမ်းများပေါ်သို့ သစ်ပင်လဲကျမှုနှင့် မြေပြိုမှုတို့ ဆက်တိုက်ဖြစ်ပွား