ယူအေအီးနိုင်ငံ၊ အဘူဒါဘီမြို့တွင် အလုပ်လုပ်ကိုင်စဉ် အခက်အခဲ ကြုံတွေ့ခဲ့ရသည့် မြန်မာနိုင်ငံသူ (၁)ဦးအား မြန်မာကောင်စစ်ဝန်ချုပ်ရုံးမှ ဒူဘိုင်းမြို့ လူဝင်မှုကြီးကြပ်ရေးဌာနဖြင့် ညှိနှိုင်းဆောင်ရွက်မှုဖြင့် မြန်မာနိုင်ငံသို့ ပြန်လည်ခေါ်ဆောင်နိုင်ခဲ့ကြောင်း စက်တင်ဘာ(၁၆)ရက် ညပိုင်းက နစက ၏ သတင်းထုတ်ပြန်ချက်အရ သိရသည်။
ထိုသို့ မြန်မာနိုင်ငံသို့ ပြန်လည်ခေါ်ဆောင်နိုင်ခဲ့သည့် မြန်မာနိုင်ငံသူ မမိုးစန္ဒာထွန်း မှာ စက်တင်ဘာ (၁၅)ရက်တွင် ဒူဘိုင်း – ရန်ကုန်လေကြောင်း ခရီးစဉ်ဖြင့် ထွက်ခွာခဲ့ရာ ည (၁၀) နာရီ (၁၅)မိနစ်တွင် ရန်ကုန်မြို့သို့ ပြန်လည်ရောက်ရှိခဲ့ကြောင်း သိရသည်။
အလားတူ အီရတ်နိုင်ငံ၊ အာဘေးမြို့တွင် အခက်အခဲ ကြုံတွေ့နေရသည့် မြန်မာနိုင်ငံသူ ချင်းတိုင်းရင်းသူ Lal Lawm Tluangi နှင့် ရခိုင်တိုင်းရင်းသူ မစန္ဒီလင်းတို့အား ပြီးခဲ့သည့် စက်တင်ဘာ (၁၄) ရက်က အမိနိုင်ငံသို့ ပြန်လည်ခေါ်ဆောင်နိုင်ခဲ့ကြောင်း သိရသည်။
နိုင်ငံတော်အစိုးရအနေဖြင့် ပြည်ပတွင် အလုပ်လုပ်ကိုင်စဉ် အခက်အခဲ ကြုံတွေ့ရသည့် မြန်မာနိုင်ငံသားများအား မြန်မာသံရုံးနှင့် မြန်မာကောင်စစ်ဝန်ချုပ်ရုံးတို့မှ ညှိနှိုင်းကူညီဆောင်ရွက်မှုဖြင့် မြန်မာနိုင်ငံသို့ ပြန်လည်ခေါ်ဆောင်ပေးလျက်ရှိကြောင်း သိရသည်။
-
ထိုင်းနိုင်ငံ ကော့စမွေကျွန်းမှ တရားမဝင်ဇိမ်ခံအိမ်များမှထွက်ခွာရန် နိုင်ငံခြားသားများကိုတိုက်တွန်း
-
ပြင်ဦးလွင်မြို့ရှိ DSA နှင့် DSTA စစ်လက်ရုံးရွေးချယ်ပွဲများသို့ ကာချုပ် တက်ရောက် စိစစ်ရွေးချယ်
-
ရေဘေးသင့်ကျောင်းများကို အမြန်ဆုံးပြင်ဆင်၍ အောက်တိုဘာလအတွင်း ပြန်လည်ဖွင့်လှစ်ရန် ပညာရေးဝန်ကြီးမှာကြား
-
မြန်မာ-ဘယ်လာရုစ် သံတမန်ဆက်ဆံရေး (၂၅) နှစ်ပြည့် ဂုဏ်ပြုသဝဏ်လွှာများ အပြန်အလှန်ပေးပို့၊ ဘယ်လာရုစ်သမ္မတက နစကဥက္ကဋ္ဌနှင့်တွေ့ဆုံရန် ဆန္ဒရှိကြောင်းပါဝင်
-
ပြင်ဦးလွင် သုမင်္ဂလာဈေး(ညံတောဈေး) ၆ ထပ်အဆင့်မြင့်ဈေးသစ်၏ ဓာတ်လှေကားအတွက် ဆိုလာစနစ်ထားရှိရန် နစက ဥက္ကဋ္ဌ မှာကြား
