ယာဂီမုန်တိုင်းအရှိန်ကြောင့် စက်တင်ဘာလ ဒုတိယပတ်အတွင်း နိုင်ငံတစ်ဝန်း တိုင်းနှင့်ပြည်နယ်အချို့တွင် ရေကြီးမှုများ ကြုံတွေ့ခဲ့ရကာ အသက်ဆုံးရှုံးမှုများလည်း ဖြစ်နေပြီး လက်ရှိ စက်တင်ဘာ (၁၆) ရက် ညနေ (၄)နာရီအထိ အသက်ဆုံးရှုံးသူ (၂၂၆)ဦးရှိကြောင်း နစက သတင်းထုတ်ပြန်ရေးအဖွဲ့က ထုတ်ပြန်သည်။
ထုတ်ပြန်ချက်တွင် နေပြည်တော်ကောင်စီနယ်မြေအပါအဝင် ရှမ်းပြည်နယ်၊ ကရင်ပြည်နယ်၊ ကယားပြည်နယ်၊ မွန်ပြည်နယ်၊ ရှမ်းပြည်နယ်၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး နှင့် ဧရာဝတီတိုင်းဒေသကြီးအတွင်းရှိ မြို့နယ် (၅၆)ခုနှင့် ရပ်ကွက်၊ ကျေးရွာများတွင် ရေကြီးရေလျှံမှုဖြစ်ကာ ပျောက်ဆုံးသူလည်း (၇၇) ဦးရှိနေကြောင်း သိရသည်။
ထို့ပြင် လူနေအိမ် (၂၁၁၆) လုံး ထိခိုက်ပျက်စီးခဲ့ပြီး (၁၅၈၃၇၃) လုံး ရေဝင်နစ်မြုပ်ခဲ့ကာ ရေဘေးကယ်ဆယ်ရေးစခန်း (၄၃၈) ခု ဖွင့်လှစ်၍ အိမ်ထောင်စု (၄၂၈၅၈) စု၊ လူဦးရေ (၁၆၃၇၁၀) ကို ကူညီကယ်ဆယ်ရေးလုပ်ငန်းများ ဆောင်ရွက်ခဲ့ရကြောင်းလည်း နစကထုတ်ပြန်ရေးအဖွဲ့က ထုတ်ပြန်ချက်တွင် ပြောသည်။
ယမန်နေ့ စက်တင်ဘာ (၁၆) ရက်၊ ညနေ (၄) နာရီအထိ စာရင်းများအရ ရုံး/ဌာန အဆောက်အဦ (၁၁၇) လုံး၊ စာသင်ကျောင်း (၁၀၄၀) ကျောင်း၊ ဘာသာရေးအဆောက်အဦ (၃၈၆) လုံး၊ လမ်း/ တံတား အချို့ ၊ လျှပ်စစ်မီးတိုင် နှင့် ဆက်သွယ်ရေးတိုင်များ ရေဝင်နစ်မြုပ်ထိခိုက်ပျက်စီးမှုတွေ ဖြစ်ပေါ်ခဲ့ကာ တိရစ္ဆာန် (၁၃၀၀၀၀) နီးပါး ေ-သဆုံး၍ စပါး နှင့် သီးနှံမျိုးစုံ ဧက ခြောက်သိန်းခွဲ နီးပါး ရေဝင်နစ်မြုပ်ခဲ့ကြောင်းလည်း ထုတ်ပြန်အသိပေးထားသည်။
-
နောက်ထပ် ၅ ရက်အတွင်း ရန်ကုန်အပါအဝင် တိုင်းနှင့်ပြည်နယ် အများစု၌ မိုးသည်းထန်စွာရွာသွန်းမည်
-
ယာယီပိတ်ထားရသည့် အ.ထ.က(ဆန်ဆိုင်း)ပြန်လည်ဖွင့်လှစ်
-
ရန်ကုန်တိုင်းဒေသကြီးအတွင်း ရေကြီးနစ်မြုပ်ခဲ့သည့် မိုးစပါးစိုက်ခင်း (၄၆၇၉၆ )ဧက ပြန်လည်စိုက်ပျိုးထား
-
မြန်မာ-ထိုင်းနယ်စပ်ကုန်သွယ်ရေး ပုံမှန်အတိုင်းသွားလာနေပြီဖြစ်ဟုဆို
-
ထိုင်းတွင် မုန်တိုင်းသတိပေးချက် ထုတ်ပြန်ထား
