နယူးကာဆယ်အသင်းတွင် COVID-19 ရောဂါကာကွယ်ရေးအတွက် ယခုထက် ငွေကြေးပိုမိုသုံးစွဲရန် အသင်းထိပ်တန်းတာဝန်ရှိသူများအား နည်းပြစတိဗ်ဘရုစ်က တိုက်တွန်းပြောကြားခဲ့သည်။
နယူးကာဆယ်အသင်းတွင် ပြီးခဲ့သည့်ရက်သတ္တပတ်အတွင်း ကစားသမားများနှင့် အသင်းတာဝန်ရှိသူအနည်းဆုံး (၁၀)ဦးခန့် ကိုရိုနာဗိုင်းရပ်စ်ရောဂါပိုးကူးစက်ခံခဲ့ရပြီး ပြီးခဲ့သည့် ဗုဒ္ဓဟူးနေ့က ကစားခဲ့သော လိဒ်စ် - နယူးကာဆယ်ပွဲတွင်လည်း ကစားသမားနှင့် နည်းပြအဖွဲ့ဝင် အတော်များများမပါဝင်နိုင်ဘဲ လွဲချော်ခဲ့သည်။
နယူးကာဆယ်အသင်းသည် ယခုလ အစောပိုင်းက ကစားရန်ရှိသည့် အက်စတွန်ဗီလာအသင်းနှင့် ပရီးမီးယားလိဂ်ပွဲစဉ်ကိုလည်း ကိုရိုနာဗိုင်းရပ်စ်ပြဿနာကြောင့် ရွှေ့ဆိုင်းခဲ့ရသည်။
ပရီးမီးယားလိဂ်တွင် ယခင်က တစ်ပတ်လျှင် (၂)ကြိမ် ရောဂါပိုး ပုံမှန်စစ်ဆေးခဲ့သော်လည်း ယခုရာသီတွင် (၁)ကြိမ်သို့ လျှော့ချခဲ့ပြီး ယင်းကဲ့သို့ လျှော့ချခဲ့ခြင်းအတွက် စတိဗ်ဘရုစ်သည် ရာသီအစကပင် ပရီးမီးယားလိဂ်တာဝန်ရှိသူများကို သတိပေးမှုများ ပြုလုပ်ခဲ့ဖူးသည်။
လက်ရှိ၌ နယူးကာဆယ်အသင်းမှာ ရောဂါပိုးကူးစက်မှုရှိနေ၍ အသင်းရှိလူပုဂ္ဂိုလ်များကို တစ်ပတ် (၃)ကြိမ်အထိ တိုးမြှင့်စစ်ဆေးလျက်ရှိနေသည်။
နယူးကာဆယ်အသင်းတွင် ကိုရိုနာဗိုင်းရပ်စ်ကူးစက်ခံရသူ ကင်းရှင်းသွားသည့်တိုင် ယခင်ကဲ့သို့ တစ်ပတ်တစ်ကြိမ်မဟုတ်ဘဲ ယင်းထက်ပိုမိုသော အကြိမ်အရေအတွက်ဖြင့်စစ်ဆေးစေရန် စတိဗ်ဘရုစ်က ဆန္ဒရှိနေခြင်းဖြစ်သည်။
-
ရေဘေးသင့် ဒေသများသို့ ဆေးဝါးလှူဒါန်းမည့် အလှူရှင်များကို အထူးကိစ္စရပ်အနေဖြင့် ရောင်းချပေးနေ
-
ရန်ကုန်တွင် အိမ်၊ တိုက်ခန်းငှါးခများ မြင့်တက်ဆဲဖြစ်
-
ရေကြီးရေလျှံခဲ့သည့် ကလောတွင် နုန်းများရှင်းယူရန် အထူးလိုအပ်နေ
-
ရေဘေးသင့်ပြည်သူများအား ကယ်ဆယ်ရာတွင် အသုံးပြုနိုင်ရန် ကမ္ဘောဇဘဏ်မှ အသက်ကယ်လှေ (၁၈)စီး လှူဒါန်း
-
တညင်းကုန်း ဂေါက်ကွင်းအနီး လိုက်ထရပ်ယာဉ်နှင့် ဘိလပ်မြေတင်ကားတို့ တိုက်မိမှု ဖြစ်ပွားရာ အမျိုးသား (၆)ဦး ထိခိုက်ဒဏ်ရာရ
