မြန်မာ့ပင်လယ်ပြင် သီးသန့်စီးပွားရေးဇုန် (ရေမိုင်၂ဝဝအထိ) တွင် ကုမ္ပဏီသုံးခုမှ ထိုင်းငါးဖမ်းလှေ ၈၀၀ ဖြင့် ငါးဖမ်းခွင့်တင်ပြလာမှုအား ခွင့်ပြုချက်မပေးသင့်ကြောင်း ဇန်နဝါရီ ၈ ရက်က နေပြည်တော်တွင်ပြုလုပ်သည့် မြန်မာ့ပင်လယ်ပြင်သီးသန့် စီးပွားရေးဇုန်တွင် ငါးဖမ်းခွင့်နှင့် ပတ်သက်သည့် ဆွေးနွေးပွဲတွင် ပညာရှင်များနှင့် ပြည်တွင်းလုပ်ငန်းရှင်များ တညီတညွတ်ထောက်ပြခဲ့ကြောင်း ငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းကြိုင်က ပြောကြားသည်။
“ခုအစိုးရလက်ထက်မှာ ကုမ္ပဏီသုံးခုကနေပြီးတော့ ငါးဖမ်းခွင့်အစီးပေါင်း ၈၀၀ လောက်ကို ငါးဖမ်းခွင့်ပေးဖို့ ပြန်ပြီးတင်ပြလာတယ်။ နော်ဝေးက သုတေသနသင်္ဘော Dr. Fridjof Nanse ကလည်း ဒီနှစ်အတွင်းမှာလဲ သုတေသနလုပ်သွားတယ်။၂၀၁၃ မှာလဲ သုတေသန လုပ်ခဲ့ပြီးပြီး။ ရလဒ်အရလဲ မြန်မာ့ပင်လယ်ပြင်ဟာ သယံဇာတတွေက ဟိုအရင်ထက်စာရင်အများကြီး လျော့နေတယ်ဆိုတဲ့ အဖြေတွေလည်း တွေ့ပြီးပြီး ဒီဘက်မှာလည်း ပြည်တွင်းနိုင်ငံသားပိုင် ကမ်းနီးကမ်းဝေး ငါးဖမ်းသင်္ဘောတွေကလည်း အများကြီး တိုးလာတဲ့အတွက် ပညာရှင်တွေရော၊ လုပ်ငန်းရှင်တွေရော အဲဒီဆွေးနွေးပွဲနေ့က နိုင်ငံခြားငါးဖမ်းခွင့်တောင်းတဲ့ ခွင့်ပြုချက် ဆက်မပေးသင့်ဘူးဟု တညီတညွတ်တည်း ဆွေးနွေးတင်ပြခဲ့တယ်” ဟု ဦးဝင်ကြိုင်က ဆိုသည်။
မြန်မာနိုင်ငံတွင် နိုင်ငံခြားငါးဖမ်းခွင့် အခွင့်အရေး Fishing Right ကို စစ်အစိုးရလက်ထက်တွင်၂၀၀၃ မှစတင်ကာ၂၀၁၄ ခုနှစ် မတ်လအထိ နိုင်ငံခြားသင်္ဘောများဆိုင်ရာ ဥပဒေပြဋ္ဌာန်းကာ ခွင့်ပြုခဲ့ပြီး နိုင်ငံခြားဝင်ငွေရရှိသော်လည်း ပင်လယ်ကြမ်းခင်းပျက်စီးမှုများနှင့် ငါးသယံဇာတလျော့ပါးလာမှုများကြောင့် ဦးသိန်းစိန်အစိုးရလက်ထက်တွင် နိုင်ငံခြားငါးဖမ်းသင်္ဘောများ သက်တမ်းတိုးခွင့်ရပ်ဆိုင်းခဲ့ကြောင်း ဦးဝင်းကြိုင်က ဆက်လက်ပြောကြားသည်။
မြန်မာ့ရေပိုင်နက်တွင် ပြည်တွင်းလုပ်ငန်းရှင်များ ငါးဖမ်းဆီးခွင့်ရရန် ရန်ကုန်တိုင်းအတွင်း အစင်း ၁၀၀ နှင့် တနင်္သာရီတိုင်း အစင်း ၁၀၀ ဖြင့် စုစုပေါင်း ၂၀၀ ဖမ်းဆီးခွင့်ကို ၂၀၁၇ ခုနှစ် ခြောက်လပိုင်းတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနကို လုပ်ကိုင်ခွင့်ပြုရေးတင်ထားရာမှ လက်ရှိအချိန်ထိ ရေရေရာရာမရှိသေးကြောင်း မြန်မာနိုင်ငံ ငါးဖမ်းလုပ်ငန်းရှင်များအသင်းဥက္ကဋ္ဌ ဦးမောင်မောင်စိုးက ပြောကြားသည်။
“လက်ရှိသယံဇာတအခြေအနေရယ်၊ ပြည်တွင်းငါးဖမ်းသင်္ဘောများရဲ့ စွမ်းရည်နဲ့တိုးလာတဲ့ အစင်းရေကို တွက်ချက်ပြီးတော့ သင်္ဘောတွေ တိုးသင့်မတိုးသင့်ကို ပထမဆုံး စဉ်းစားရမယ်” ဟု ဦးဝင်းကြိုင်က ဆိုသည်။
မြန်မာ့ကမ်းလွန်ပင်လယ်ပြင်အတွင်း နိုင်ငံခြားငါးဖမ်းသင်္ဘောများ၏ ဝင်ရောက်ငါးခိုးဖမ်းမှု မကြာခဏရှိနေသည်ဟု မြိတ်ဒေသခံများကပြောကြားသည်။ ကမ်းနီးငါးဖမ်းခွင့်ကို ကမ်းနှင့် ၁၀ မိုင် မှ မိုင် ၅၀ အထိ သတ်မှတ်ထားပြီး ရေနက်ပိုင်းကိုမိုင် ၅၀ မှ ၁၀၀ ထိ သတ်မှတ်ထားကာ မိုင်၂ဝဝအထိကို သီးသန့်စီးပွားရေးဇုန်ဟု သတ်မှတ်ထားသည်ဟု သိရသည်။
-
ထုတ်ပယ်ခံရနိုင်သည့် နည်းပြများစာရင်းတွင် မန်ယူအသင်းနည်းပြ အဲရစ်တန်ဟက်ဂ် ထိပ်ဆုံးရောက်လာ
-
တစ်နှစ်လစာ ယူရို ၃၇ သန်း ရရှိခြင်းနှင့် ခြေချင်းဝတ်ဒဏ်ရာကို ခွဲစိတ်ကုသရန် ငြင်းပယ်သည့် သတင်းများအား ဒီယွန်း ငြင်းဆန်
-
အလွန်အားကောင်းသော စူပါတိုင်ဖွန်း ခရာသွန်း ဝင်ရောက်တော့မည်ဖြစ်၍ ထိုင်ဝမ်က စာသင်ကျောင်းများကို ပိတ်ထားပြီး မုန်တိုင်းလမ်းကြောင်းတစ်လျှောက်ရှိ ပြည်သူများကို ဘေးလွတ်ရာသို့ ရွှေ့ပြောင်းပေးထား
-
ရဲတပ်ဖွဲ့ဆိုင်ရာ စွမ်းရည်သတ္တိဂုဏ်ထူးဆောင်တံဆိပ်ရရှိသည့် ရဲတပ်ဖွဲ့ဝင်(၄)ဦးကို နစက ဥက္ကဋ္ဌမှ ဂုဏ်ထူးဆောင်ဆုများပေးအပ်ချီးမြှင့်
-
၁၁ လတာကာလအတွင်း တရားမဝင်နိုင်ငံခြားသား ၅ သောင်းခွဲခန့်ကို ပြည်နှင်ခဲ့ဟု နစက ဥက္ကဋ္ဌပြောကြား
