မြောက်ကိုရီးယားနိုင်ငံခြားရေးဝန်ကြီး ချိုးဆွန်ဟွီသည် စိန့်ပီတာစဘတ်မြို့တွင် ပြုလုပ်မည့် Eurasian အမျိုးသမီးဖိုရမ်နှင့် BRICS အမျိုးသမီးဖိုရမ်များကို တက်ရောက်ရန်အတွက် ရုရှားနိုင်ငံသို့ လေကြောင်းခရီးဖြင့် ထွက်ခွာသွားခဲ့သည်ဟု မြောက်ကိုရီးယားရှိ ရုရှားသံရုံးက တနင်္လာနေ့(စက်တင်ဘာ ၁၆) တွင် ပြောဆိုသည်။
ရုရှားသံအမတ်ကြီး အလက်ဇန်းဒါး အိုင်ဗန်နိုဗစ် မတ်ဆီဂိုရာက မြောက်ကိုရီးယား နိုင်ငံခြားရေးဝန်ကြီး ချိုးဆွန်ဟွီကို ပြုံယမ်းအပြည်ပြည်ဆိုင်ရာလေဆိပ်သို့ ပို့ဆောင်နှုတ်ဆက်ခဲ့သည်ဟု သံရုံးက ၎င်း၏ Vkontakte လူမှုကွန်ရက်တွင် ရေးသားဖော်ပြခဲ့သည်။
စက်တင်ဘာ ၁၈ ရက်မှ ၂၄ ရက်အထိ ကျင်းပမည့် ဖိုရမ်တွင် ဝန်ကြီးသည် မိန့်ခွန်းပြောရန်နှင့် ဆွေးနွေးရန် စီစဉ်ထားသည်ဟုလည်း သံရုံးက ပြောသည်။
အဆိုပါဖိုရမ်သို့ နိုင်ငံပေါင်း ၁၀၀ နီးပါးမှ ကိုယ်စားလှယ်အဖွဲ့များ တက်ရောက်မည်ဟု မျှော်လင့်ကြောင်း ရုရှားအထက်လွှတ်တော် ဖက်ဒရေးရှင်းကောင်စီဥက္ကဋ္ဌ ဗယ်လင်တီနာ မတ်ဗီယန်ကိုက ဇွန်လအတွင်း ပြောဆိုထားခဲ့သည်။
ရုရှားသမ္မတ ဗလာဒီမာပူတင်သည် ယခင်က ဖိုရမ် အစည်းအဝေးများသို့ တက်ရောက်ခဲ့သော်လည်း ယခုနှစ် ဖိုရမ်သို့ သူ ပါဝင်တက်ရောက်မည်လားဆိုသည်ကိုမူ ခရမ်မလင်က လက်ရှိအထိ သတင်း ထုတ်ပြန်ကြေညာခြင်း မရှိသေးပေ။
ပူတင်သည် ပြုံယမ်းသို့ သွားရောက်ခဲ့သော ခရီးစဉ်အတွင်း မြောက်ကိုရီးယားခေါင်းဆောင် ကင်မ်ဂျုံအန်နှင့် နှစ်နိုင်ငံ အပြန်အလှန် အကာအကွယ်ပေးရေး ကတိကဝတ်များပါဝင်သည့် သဘောတူညီချက်ကို လက်မှတ်ရေးထိုးခဲ့သဖြင့် နှစ်နိုင်ငံအကြား နွေးထွေးသော ဆက်ဆံရေးသည် ယခုနှစ်တွင် အမြင့်ဆုံးသို့ ရောက်ရှိခဲ့သည်။
Ref: အာရပ်နူးစ်
-
ထုတ်ပယ်ခံရနိုင်သည့် နည်းပြများစာရင်းတွင် မန်ယူအသင်းနည်းပြ အဲရစ်တန်ဟက်ဂ် ထိပ်ဆုံးရောက်လာ
-
တစ်နှစ်လစာ ယူရို ၃၇ သန်း ရရှိခြင်းနှင့် ခြေချင်းဝတ်ဒဏ်ရာကို ခွဲစိတ်ကုသရန် ငြင်းပယ်သည့် သတင်းများအား ဒီယွန်း ငြင်းဆန်
-
အလွန်အားကောင်းသော စူပါတိုင်ဖွန်း ခရာသွန်း ဝင်ရောက်တော့မည်ဖြစ်၍ ထိုင်ဝမ်က စာသင်ကျောင်းများကို ပိတ်ထားပြီး မုန်တိုင်းလမ်းကြောင်းတစ်လျှောက်ရှိ ပြည်သူများကို ဘေးလွတ်ရာသို့ ရွှေ့ပြောင်းပေးထား
-
ရဲတပ်ဖွဲ့ဆိုင်ရာ စွမ်းရည်သတ္တိဂုဏ်ထူးဆောင်တံဆိပ်ရရှိသည့် ရဲတပ်ဖွဲ့ဝင်(၄)ဦးကို နစက ဥက္ကဋ္ဌမှ ဂုဏ်ထူးဆောင်ဆုများပေးအပ်ချီးမြှင့်
-
၁၁ လတာကာလအတွင်း တရားမဝင်နိုင်ငံခြားသား ၅ သောင်းခွဲခန့်ကို ပြည်နှင်ခဲ့ဟု နစက ဥက္ကဋ္ဌပြောကြား