မိုးလေဝသအခြေအနေများကို အမြဲမပြတ်စောင့်ကြည့်ခန့်မှန်းကာ အသိပေးချက်များ ထုတ်ပြန်ပေးနေသော မစုစုစံ (Su Su San)က ဝမ်းတွင်းဒေသ ရေဘေးသင့် ကျေးရွာများအတွက် ယနေ့တွင် အလှူငွေ ပေးအပ်လှူဒါန်းခဲ့ကြောင်း ဝမ်းတွင်းအခြေစိုက် သန္တိသုခ ပရဟိတလူမှုကူညီရေးအသင်းတာဝန်ခံက ပေါ်ပြူလာနယူးစ်ကို ပြောသည်။
မစုစုစံအနေဖြင့် ဝမ်းတွင်းဒေသရေဘေးသင့်ကျေးရွာများရှိ ဒေသခံပြည်သူများအတွက် ထောက်ပံ့လှူဒါန်းငွေ ကျပ်ဆယ်သိန်းကို အသင်းသို့ လှူဒါန်းခဲ့ခြင်းဖြစ်ကြောင်း သိရသည်။
“လှူဒါန်းတဲ့ငွေကို လောလောဆယ် ဘယ်နေရာအတွက်အသုံးပြုမယ်ဆိုတာမသိရသေးဘူး။ ကျန်အလှူရှင်တွေလှူဒါန်းတဲ့ဟာနဲ့ပေါင်းပြီး လိုအပ်တာကို ဝယ်ပြီး လှူဒါန်းပေးသွားမှာပါ။”ဟု ၎င်းက ဆိုသည်။
လတ်တလော မန္တလေးတိုင်း၊ မိတ္ထီလာခရိုင် ၊ ဝမ်းတွင်းဒေသအတွင်းရှိ စမုံချောင်းရေကြီးရေလျှံဖြစ်ပွားကာ စက်တင်ဘာ(၁၀)ရက်ညပိုင်းမှစတင်၍ ကျေးရွာ(၁၅)ရွာကျော်ရှိ ဒေသခံများ ဘေးလွတ်ရာသို့ရွှေ့ပြောင်းခဲ့ကြရခြင်း ဖြစ်ကြောင်း သိရသည်။
“လောလောဆယ်တော့ (၁၃)ရွာက ရေလွတ်လွတ်ကျွတ်ကျွတ် ကင်းစင်သွားပါပြီ။ ပြန်လည်ထူထောင်ရေးတွေ ရေဘေးသင့်သူတွေအတွက် ထပ်ပြီးထောက်ပံ့ကူညီနေတာတွေရှိပါတယ်။ ကျေးရွာသုံးရွာကတော့ရေနစ်
မြုပ်နေဆဲပါ။ ကျွန်တော်တို့ အသုတ်လိုက်ထောက်ပံ့မှုတွေ လုပ်ဆောင်ပေးနေပါတယ်”ဟု ဖြည့်စွက် ရှင်းပြသည်။
ဝမ်းတွင်းဒေသရေကြီးရေလျှံ ဖြစ်ပွားခဲ့သည့် ကျေးရွာများမှာ ကင်းရွာ၊ ရိုးစုံ၊ သပြေသာ၊ အလယ်ကန်၊ ကြွယ်ကန် စသည့် ကျေးရွာပေါင်း (၁၅)ရွာ၌ ရေဘေးသင့်ခဲ့ကြခြင်းဖြစ်ကြောင်း သိရသည်။
ဓာတ်ပုံ-သန္တိသုခ ပရဟိတလူမှုကူညီရေးအသင်း(ဝမ်းတွင်း)
-
ထုတ်ပယ်ခံရနိုင်သည့် နည်းပြများစာရင်းတွင် မန်ယူအသင်းနည်းပြ အဲရစ်တန်ဟက်ဂ် ထိပ်ဆုံးရောက်လာ
-
တစ်နှစ်လစာ ယူရို ၃၇ သန်း ရရှိခြင်းနှင့် ခြေချင်းဝတ်ဒဏ်ရာကို ခွဲစိတ်ကုသရန် ငြင်းပယ်သည့် သတင်းများအား ဒီယွန်း ငြင်းဆန်
-
အလွန်အားကောင်းသော စူပါတိုင်ဖွန်း ခရာသွန်း ဝင်ရောက်တော့မည်ဖြစ်၍ ထိုင်ဝမ်က စာသင်ကျောင်းများကို ပိတ်ထားပြီး မုန်တိုင်းလမ်းကြောင်းတစ်လျှောက်ရှိ ပြည်သူများကို ဘေးလွတ်ရာသို့ ရွှေ့ပြောင်းပေးထား
-
ရဲတပ်ဖွဲ့ဆိုင်ရာ စွမ်းရည်သတ္တိဂုဏ်ထူးဆောင်တံဆိပ်ရရှိသည့် ရဲတပ်ဖွဲ့ဝင်(၄)ဦးကို နစက ဥက္ကဋ္ဌမှ ဂုဏ်ထူးဆောင်ဆုများပေးအပ်ချီးမြှင့်
-
၁၁ လတာကာလအတွင်း တရားမဝင်နိုင်ငံခြားသား ၅ သောင်းခွဲခန့်ကို ပြည်နှင်ခဲ့ဟု နစက ဥက္ကဋ္ဌပြောကြား
