မလေးရှားနိုင်ငံ၏ တစ်ခုတည်းသော ကာစီနိုရုံရှိရာ ပြည်နယ်တွင် အနိုင်ရထိန်းချုပ်နိုင်ခဲ့ပါက အဆိုပါ ကာစီနိုရုံကို ပိတ်ပစ်ရန် ပြင်ဆင်ထားသည်ဟု အရှေ့တောင်အာရှနိုင်ငံတွင် သြဇာတည်ဆောက်ရန် ကြိုးပမ်းနေသော အစ္စလာမ်မစ်ပါတီတစ်ခုက ပြောကြားလိုက်သည်။
Genting Bhd ၏ ကာစီနိုရုံတည်ရှိရာ အလယ်ပိုင်း ပါဟန်းပြည်နယ်ရှိ မဲဆန္ဒရှင်များအနေဖြင့် လောင်းကစားကို ရပ်တန့်စေလိုပါက အစ္စလာမ်မစ်ပါတီကို ရွေးချယ်ကြရန် Parti Islam Se-Malaysia (PAS) ပါတီ၏ အကြီးတန်းအရာရှိတစ်ဦးက ပြောဆိုခဲ့သည်။ ပါတီသည် ကိုရမ်ကျမ်းက တားမြစ်ထားသော လောင်းကစားခြင်းနှင့်ပတ်သက်၍ နိုင်ငံ၏ အများစုသော မွတ်ဆလင်များကဲ့သို့ပင် စိုးရိမ်ပူပန်မှုရှိနေသည်ဟု ဆိုခဲ့သည်။
PAS သည် ၂၀၂၂ ခုနှစ် ရွေးကောက်ပွဲတွင် ပြည်ထောင်စုလွှတ်တော်၌ အင်အားအကြီးဆုံးပါတီ ဖြစ်လာခဲ့ပြီးနောက် သြဇာလွှမ်းမိုးမှု ကြီးထွားလာခဲ့သည်။ ယင်းပါတီသည် မလေးရှား၏ ပြည်နယ် ၁၃ ခုအနက် လေးပြည်နယ်ကို ထိန်းချုပ်ထားနိုင်ခဲ့ပြီဖြစ်ကာ ၂၀၂၈ ခုနှစ်အစောပိုင်းတွင် ကျင်းပမည့် နိုင်ငံလုံးဆိုင်ရာ ရွေးကောက်ပွဲတွင် ပါဟန်းပြည်နယ်ကို ထိန်းချုပ်နိုင်ရန် မျှော်လင့်ထားသည်။
“လောင်းကစားက ထိခိုက်နစ်နာမှုတွေဖြစ်စေတာကြောင့် ကျွန်တော်တို့ ပိတ်ရပါမယ်” ဟု PAS ပါဟန်းပြည်နယ်ဆိုင်ရာ လက်ထောက်ကော်မရှင်နာ အန်ဒန်ဆူရာ ရာဘူက ပြောဆိုသည်။ “ဒါပေမဲ့ ဥပဒေနဲ့အညီတော့ ဖြစ်ရပါမယ်” ဟုလည်း သူက ဆိုခဲ့သည်။
မလေးရှားနိုင်ငံတွင် ကာစီနိုနှင့် ဂိမ်းလုပ်ငန်း ပါမစ်များကို ခွင့်ပြုရန် ပြည်ထောင်စုအစိုးရက ဆုံးဖြတ်ခဲ့ပြီး ဂိမ်းကစားခြင်းသည် နိုင်ငံ၏ စည်းကမ်းအတင်းကြပ်ဆုံး ကဏ္ဍများထဲမှ တစ်ခုဖြစ်သည်။ မလေးရှားနိုင်ငံတွင် ဒုတိယမြောက် ကာစီနိုအပန်းဖြေစခန်းတစ်ခု ဖွင့်လှစ်သွားနိုင်ခြေရှိသည်ဟု Bloomberg သတင်းဌာနက ဖော်ပြခဲ့ပြီးနောက် ဝန်ကြီးချုပ် အန်ဝါအီဘရာဟင်က ယင်းကိစ္စကို ပယ်ချသွားခဲ့သည်။
Ref: ဘန်ကောက်ပို့စ်
-
ထုတ်ပယ်ခံရနိုင်သည့် နည်းပြများစာရင်းတွင် မန်ယူအသင်းနည်းပြ အဲရစ်တန်ဟက်ဂ် ထိပ်ဆုံးရောက်လာ
-
တစ်နှစ်လစာ ယူရို ၃၇ သန်း ရရှိခြင်းနှင့် ခြေချင်းဝတ်ဒဏ်ရာကို ခွဲစိတ်ကုသရန် ငြင်းပယ်သည့် သတင်းများအား ဒီယွန်း ငြင်းဆန်
-
အလွန်အားကောင်းသော စူပါတိုင်ဖွန်း ခရာသွန်း ဝင်ရောက်တော့မည်ဖြစ်၍ ထိုင်ဝမ်က စာသင်ကျောင်းများကို ပိတ်ထားပြီး မုန်တိုင်းလမ်းကြောင်းတစ်လျှောက်ရှိ ပြည်သူများကို ဘေးလွတ်ရာသို့ ရွှေ့ပြောင်းပေးထား
-
ရဲတပ်ဖွဲ့ဆိုင်ရာ စွမ်းရည်သတ္တိဂုဏ်ထူးဆောင်တံဆိပ်ရရှိသည့် ရဲတပ်ဖွဲ့ဝင်(၄)ဦးကို နစက ဥက္ကဋ္ဌမှ ဂုဏ်ထူးဆောင်ဆုများပေးအပ်ချီးမြှင့်
-
၁၁ လတာကာလအတွင်း တရားမဝင်နိုင်ငံခြားသား ၅ သောင်းခွဲခန့်ကို ပြည်နှင်ခဲ့ဟု နစက ဥက္ကဋ္ဌပြောကြား