ပဲခူးတိုင်း၊ တောင်ငူခရိုင်၊ တောင်ငူမြို့တွင် ရေဘေးရှောင်စခန်း ၄၈ ခုဖွင့်ထားပြီး လက်ရှိတွင် မြို့အနီးရှိ ရွာများ၌ ရေနစ်မြုပ်နေဆဲ ဖြစ်ကြောင်း ရေဘေးရှောင်စခန်း တာဝန်ခံဖြစ်သည့် မြို့ခံတစ်ဦးက ပေါ်ပြူလာနယူးကို ပြောသည်။
“ဒီနေ့ တော့ ရေက ကျနေပြီ။ မြို့ပေါ်က အဲလောက်မဟုတ်ပေမယ့် ရွာတွေမှာ အခုထိ မြုပ်တုန်း၊ ဒါပြီးသွားရင်တောင် ပြန်လုပ်ကိုင်ဖို့က ပဲကွက်တွေလည်း ပျက်ကုန်ပြီ၊ မလုပ်
တတ်တော့ဘူး” ဟု ဒိုးတန်းရွာဘက်မှ ရေဘေးရှောင်နေရသူ အမျိုးသားတစ်ဦးက ပေါ်ပြူလာနယူးကို ဆိုသည်။
လက်ရှိတွင် တောင်ငူမြို့ပေါ်ရှိ စာသင်ကျောင်းများနှင့် ဘုန်းကြီးကျောင်းများ၌ ရေဘေးရှောင်ရသူများကို နေရာချပေးထားကာ ယာယီရွှေ့ပြောင်းနေရသူ သောင်းကျော်ရှိနိုင်ကြောင်း ဆုတောင်းပြည့် ညောင်ဝိုင်းဘုရားကြီး ရေဘေးရှောင်စခန်းမှ တာဝန်ခံတစ်ဦးက ပြောသည်။
ထို့အပြင် ရေနစ်မြုပ်နေသည့် ရွာများ၌ ရေစီးသန်နေသောကြောင့် ကယ်ဆယ်ရေးများ ခက်နေကြောင်း သိရပြီး ယမန်နေ့ စက်တင်ဘာ ၁၅ ရက်နေ့က ကယ်ဆယ်ရေးအဖွဲ့ဝင်တစ်ဦးကားပေါ်က ကျကာ ရေစီးနှင့် မျောပါ ေ-သဆုံးခြင်းလည်း ရှိခဲ့သည်ဟု သိရသည်။
မိုး/ဇလ၏ ထုတ်ပြန်ချက်အရ စစ်တောင်းမြစ်ရေသည် လက်ရှိတွင် တောင်ငူမြို့၌ စိုးရိမ်ရေမှတ်အထက် ၅ ပေတွင်ရှိနေသေးကာ နောက်တစ်ရက်အတွင်း ၁ ပေ ခွဲခန့် ထပ်ကျမည်ဖြစ်ကြောင်း သိရသည်။
-
ထုတ်ပယ်ခံရနိုင်သည့် နည်းပြများစာရင်းတွင် မန်ယူအသင်းနည်းပြ အဲရစ်တန်ဟက်ဂ် ထိပ်ဆုံးရောက်လာ
-
တစ်နှစ်လစာ ယူရို ၃၇ သန်း ရရှိခြင်းနှင့် ခြေချင်းဝတ်ဒဏ်ရာကို ခွဲစိတ်ကုသရန် ငြင်းပယ်သည့် သတင်းများအား ဒီယွန်း ငြင်းဆန်
-
အလွန်အားကောင်းသော စူပါတိုင်ဖွန်း ခရာသွန်း ဝင်ရောက်တော့မည်ဖြစ်၍ ထိုင်ဝမ်က စာသင်ကျောင်းများကို ပိတ်ထားပြီး မုန်တိုင်းလမ်းကြောင်းတစ်လျှောက်ရှိ ပြည်သူများကို ဘေးလွတ်ရာသို့ ရွှေ့ပြောင်းပေးထား
-
ရဲတပ်ဖွဲ့ဆိုင်ရာ စွမ်းရည်သတ္တိဂုဏ်ထူးဆောင်တံဆိပ်ရရှိသည့် ရဲတပ်ဖွဲ့ဝင်(၄)ဦးကို နစက ဥက္ကဋ္ဌမှ ဂုဏ်ထူးဆောင်ဆုများပေးအပ်ချီးမြှင့်
-
၁၁ လတာကာလအတွင်း တရားမဝင်နိုင်ငံခြားသား ၅ သောင်းခွဲခန့်ကို ပြည်နှင်ခဲ့ဟု နစက ဥက္ကဋ္ဌပြောကြား
