ပြည်ထောင်စုနယ်မြေ၊ နေပြည်တော် တပ်ကုန်းမြို့နယ်အတွင်း နဝင်းချောင်း ရေကြီး၊ ရေလျှံမှုကြောင့် ပျက်စီးခဲ့သည့် လမ်းပိုင်းများနှင့် နဝင်းချောင်းဖြတ်ကူး သံကူကွန်ကရစ်တံတား ကြံ့ခိုင်မှုအခြေအနေအား နေပြည်တော်ကောင်စီဝင် ဦးဇေယျာလင်းမှ တာဝန်ရှိသူများနှင့်အတူ ကြည့်ရှုစစ်ဆေးခဲ့ကြောင်း သိရသည်။
ထို့အပြင် တပ်ကုန်းမြို့နယ် ရှောက်ကုန်းကျေးရွာအဝင် ကတ္တရာလမ်းနှင့် ချဉ်းကပ်လမ်းပျက်စီးနေမှုအခြေအနေများ၊ မကျီးပင်ကျေးရွာနှင့် ချောင်းခြားကျေးရွာချင်းဆက်သံကူကွန်ကရစ်တံတား ချဉ်းကပ်ပျက်စီးနေမှုများအား ကြည့်ရှု၍ ဆက်လက်ဆောင်ရွက်ရမည့် လုပ်ငန်းစဉ်များအား ရှင်းလင်းမှာကြားခဲ့သည်။
တပ်ကုန်းမြို့နယ်အတွင်း စက်တင်ဘာ (၁၁) ရက်မှ (၁၂) ရက်ထိ မိုးအဆက်မပြတ်ရွာသွန်းမှုကြောင့် နဝင်းချောင်း ရေကြီး ရေလျှံဖြစ်ပေါ်ခဲ့ရပြီး လက်ရှိ ရေပြန်ကျသွားသောကြောင့် ပြန်လည် ထူထောင်ရေးလုပ်ငန်းများ ပြုလုပ်နေခြင်းဖြစ်သည်။
အလားတူ ပုဏ္ဏမာကျေးရွာအဝင် ကွန်ကရစ်လမ်းနှင့် ကျေးရွာအတွင်း တင်ကျန်ခဲ့သည့် ရွှံ့နွံများအား ရှင်းလင်းခြင်း၊ မကျီးပင်ကျေးရွာအတွင်း စက်ယန္တရားဖြင့် အမှိုက်၊ ဒိုက်များ သန့်ရှင်းရေးပြုလုပ်လျက်ရှိကြောင်းလည်း သိရသည်။
မြိုနယ်အထွေထွေအုပ်ချုပ်ရေးဦးစီးဌာနကလည်း တပ်ကုန်းမြို့နယ်အတွင်း နဝင်းချောင်း ရေကြီး၊ ရေလျှံမှုကြောင့် လူေ-သဆုံးမှု၊ တိရစ္ဆာန်ေ-သဆုံးမှုနှင့် လူနေအိမ်များ မျောပါမှုစာရင်းများကို ကောက်ယူလျက်ရှိကြောင်း သိရသည်။
နိုင်ငံတော်အစိုးရအနေဖြင့် ယခုဖြစ်ပွားခဲ့သည့် သဘာဝဘေးအန္တရာယ်များနှင့်ပတ်သက်၍ ကူညီကယ်ဆယ်ရေး၊ ပြန်လည်ထူထောင်ရေး လုပ်ငန်းများကို အမြန်ဆုံးနှင့် အကောင်းဆုံးဖြစ်အောင် စီစဉ်ဆောင်ရွက်နေပြီး လက်ရှိ ရေဘေးသင့်သူများ ကယ်ဆယ်ရေးစခန်းများတွင် နေထိုင်စဉ် စားသောက်မှုအတွက် စားသောက်ဖွယ်ရာများကို သတ်မှတ်နှုန်းထားအတိုင်း ထောက်ပံ့ပေးလျက်ရှိကြောင်း နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်းက ပြောဆိုထားသည်။
-
မြန်မာ့ကုန်ထုတ်လုပ်ငန်းကဏ္ဍ Lockdown ကန့်သတ်ချက်ဒဏ်ကြောင့် ဆိုးရွားစွာ ထိခိုက်နေဆဲဖြစ်ပြီး ဝယ်လိုအားနည်းပါးနေ၍ ထုတ်လုပ်မှုနှင့် အော်ဒါအသစ်များရရှိမှု ဆက်လက်ကျဆင်းနေ
-
COVID-19 ကာလအတွင်း တရုတ်နှင့် မြန်မာနိုင်ငံအတွင်း ဖရဲ၊ သခွားစိုက်ပျိုး ထုတ်လုပ်မှု ကျဆင်းခဲ့သောကြောင့် ဖရဲ၊ သခွားစျေးကွက် ရောင်းဝယ်မှု ၁၀ စုနှစ်အတွင်း စံချိန်တင် စျေးနှုန်းများရရှိ
-
ရန်ကုန်စတော့အိတ်ချိန်းတွင် စာရင်းဝင်ကုမ္ပဏီ ခြောက်ခု၏ ရှယ်ယာအရောင်းအဝယ်ပမာဏ လျော့နည်းလျက်ရှိပြီး ၂၀၂၀ နိုဝင်ဘာတွင် ကျပ် ၅၅၂ သန်းကျော်သာ အရောင်းအဝယ်ဖြစ်ပေါ်
-
အာဆီယံထုတ်လုပ်မှုကဏ္ဍ အခြေအနေများ နိုဝင်ဘာတွင် တည်ငြိမ်လာသော်လည်း စစ်တမ်း၌ပါဝင်သည့် ခုနစ်နိုင်ငံအနက် မြန်မာနိုင်ငံက ကုန်ထုတ်လုပ်ငန်းများ အဆိုးရွားဆုံး ဆုတ်ယုတ်နေသည့် အခြေအနေဖြင့် ရင်ဆိုင်နေရ
-
ကိုရီးယား-မြန်မာချစ်ကြည်ရေး (ရန်ကုန်-ဒလ) မြစ်ကူးတံတားတည်ဆောက်ရေးစီမံကိန်းလုပ်ငန်းများ ရာခိုင်နှုန်း ၂၀ ပြီးစီးနေပြီး လာမည့် ၂၀၂၂ ခုနှစ် အောက်တိုဘာတွင် ပြီးစီးနိုင်ရန်ဆောင်ရွက်နေ