ကချင်ပြည်နယ် ၊ ဖားကန့်မြို့၊ ဆိုင်းတောင်ကျေးရွာတွင် ဖြစ်ပွားနေသော တိုက်ပွဲကြောင့် မှော်ရှန်ဘုန်းကြီးကျောင်းသို့ လာရောက်ခိုလှုံနေသည့် ဒေသခံ စစ်ရှောင်များမှာ စားသောက်ရေးအတွက်အခက်အခဲများဖြစ်ပေါ်နေကြရကြောင်း စစ်ရှောင်အရေး ကူညီနေသူ သတင်းရင်းမြစ်တစ်ဦးက ပြောသ ည်။
တိုက်ပွဲကြောင့် ဖားကန့်ဒေသအတွင်း လမ်းပိုင်းဖြတ်သန်းသွားလာမှုများ အပါအဝင် ဆက်သွယ်ရေး ကွန်ရက်များပါ ပြတ်တောက်နေသည့်အတွက် အကူအညီတောင်းခံရန်ခက်ခဲနေပြီး၊ ဒေသတွင်း ကုန်ဈေးနှုန်းမှာလည်း အဆမတန်မြင့်တက်နေမှုကြောင့် အဆိုပါ စစ်ရှောင်များ၏ နေ့စဉ်စားသောက်ရေးအခက်အခဲဖြစ်ပေါ်နေခြင်းဖြစ်သည်။
“စစ်ဘေးရှောင်လာတဲ့ ဒေသခံတစ်ထောင်ကျော်အတွက် စားနပ်ရိက္ခာ၊ ကျန်းမာရေးစောင့်ရှောက်မှု အရမ်းလိုအပ်နေပါတယ်။ဆက်သွယ်ရေးလိုင်းမရတော့ ပိုအခက်ကြုံနေရတယ်။ ကုန်ဈေးနှုန်းကလဲ အဆမတန်ကြီးမားတာကြောင့် တော်တော်လေးခက်ခဲနေပါတယ်”ဟု ၎င်းက ပြောသည်။
ထို့အပြင် အခြားနီးစပ်ရာ ဘုန်းကြီးကျောင်းနှင့် ခရစ်ယာန်သာသနပြုကျောင်းများတွင် ခိုလှုံနေသူများရှိနေကာ စာရင်းအတိအကျမှာ ကောက်ယူနိုင်သေးခြင်းမရှိကြောင်း သိရသည်။
ဆိုင်းတောင်တိုက်ပွဲစတင်ဖြစ်ပွားသည့်အခြေအနေမှာ ယခုလ စက်တင်ဘာလ (၇) ရက် ၊ နံနက်အစောပိုင်း(၁)နာရီဝန်းကျင်အချိန်တွင် တပ်မတော်ဘက်မှ ဆိုင်းတောင်ရွာအတွင်းသို့ စစ်ကြောင်း (၃)ကြောင်းခွဲ၍ Luky Man Hotel နှင့် KTV အတွင်းရှိနေသည့် KIA၊ KPDF လက်နက်ကိုင်အဖွဲ့ကို ဝင်ရောက်စီးနင်းရာမှတစ်ဆင့် အပြန်လှန်ပစ်ခတ်မှု စတင်ခဲ့ပြီး တိုက်ပွဲရှိန်မြင့်တက်လာခြင်းဖြစ်ကြောင်း ဒေသတွင်းသတင်းများ၏ ဖော်ပြချက်အရ သိရသည်။
ထို့ကြောင့် စက်တင်ဘာ (၈) ရက် မွန်းလွဲပိုင်းအချိန်၌ ဆိုင်းတောင်ဒေသခံပြည်သူများ အလံဖြူထောင်ကာ ကျေးရွာကိုစွန့်၍ နီးစပ်ရာဘုန်းကြီးကြောင်းများသို့တိမ်းရှောင်မှုများရှိခဲ့ကြောင်း သိရသည်။
-
မြန်မာ့ကုန်ထုတ်လုပ်ငန်းကဏ္ဍ Lockdown ကန့်သတ်ချက်ဒဏ်ကြောင့် ဆိုးရွားစွာ ထိခိုက်နေဆဲဖြစ်ပြီး ဝယ်လိုအားနည်းပါးနေ၍ ထုတ်လုပ်မှုနှင့် အော်ဒါအသစ်များရရှိမှု ဆက်လက်ကျဆင်းနေ
-
COVID-19 ကာလအတွင်း တရုတ်နှင့် မြန်မာနိုင်ငံအတွင်း ဖရဲ၊ သခွားစိုက်ပျိုး ထုတ်လုပ်မှု ကျဆင်းခဲ့သောကြောင့် ဖရဲ၊ သခွားစျေးကွက် ရောင်းဝယ်မှု ၁၀ စုနှစ်အတွင်း စံချိန်တင် စျေးနှုန်းများရရှိ
-
ရန်ကုန်စတော့အိတ်ချိန်းတွင် စာရင်းဝင်ကုမ္ပဏီ ခြောက်ခု၏ ရှယ်ယာအရောင်းအဝယ်ပမာဏ လျော့နည်းလျက်ရှိပြီး ၂၀၂၀ နိုဝင်ဘာတွင် ကျပ် ၅၅၂ သန်းကျော်သာ အရောင်းအဝယ်ဖြစ်ပေါ်
-
အာဆီယံထုတ်လုပ်မှုကဏ္ဍ အခြေအနေများ နိုဝင်ဘာတွင် တည်ငြိမ်လာသော်လည်း စစ်တမ်း၌ပါဝင်သည့် ခုနစ်နိုင်ငံအနက် မြန်မာနိုင်ငံက ကုန်ထုတ်လုပ်ငန်းများ အဆိုးရွားဆုံး ဆုတ်ယုတ်နေသည့် အခြေအနေဖြင့် ရင်ဆိုင်နေရ
-
ကိုရီးယား-မြန်မာချစ်ကြည်ရေး (ရန်ကုန်-ဒလ) မြစ်ကူးတံတားတည်ဆောက်ရေးစီမံကိန်းလုပ်ငန်းများ ရာခိုင်နှုန်း ၂၀ ပြီးစီးနေပြီး လာမည့် ၂၀၂၂ ခုနှစ် အောက်တိုဘာတွင် ပြီးစီးနိုင်ရန်ဆောင်ရွက်နေ
