ရီးယဲလ်မက်ဒရစ်နည်းပြ ဇီဒန်းသည် ကိုရိုနာဗိုင်းရပ်စ်ကူးစက်ခံခဲ့ရသည့် အသင်း၏အဓိကကစားသမား (၃)ဦးဖြစ်သော ဟာဇက်၊ ကက်စီမီရို နှင့် မီလီတိုတို့အား ဗီလာရီးယဲလ်နှင့် လာလီဂါပွဲစဉ်မတိုင်မီ ပြန်လည်သက်သာပြီး ကြံ့ခိုင်မှုပြည့်ဝစေရန် မျှော်လင့်နေကြောင်း သိရသည်။
အဆိုပါကစားသမား (၃)ဦးအနေဖြင့် လက်ရှိတွင် တစ်ဦးချင်းသီးခြား နေထိုင်ကုသမှုများ ပြုလုပ်နေပြီး ထပ်မံဆေးစစ်ဆေးမှုတွင် ကိုရိုနာဗိုင်းရပ်စ် Negative ဖြစ်ပါက အသင်းနှင့် အမြန်ဆုံးပြန်လည်ပူးပေါင်းနိုင်မည်ဖြစ်သည်။
ပြီးခဲ့သည့် နိုဝင်ဘာ (၂)ရက်နေ့ တွင် ဘရာဇီးလ်နောက်ခံလူ မီလီတိုသည် ကိုရိုနာဗိုင်းရပ်စ် ကူးစက်ခံရကြောင်း အတည်ပြုခဲ့ပြီး နောက် (၅) ရက်အကြာတွင် ဟာဇက်နှင့် ကက်စီမီရိုတို့ ထပ်မံကူးစက်ခံခဲ့ရခြင်းဖြစ်သည်။
လက်ရှိတွင် ကစားသမား (၃) ဦးစလုံးအနေဖြင့် အခြေအနေကောင်းမွန်နေပြီဖြစ်သော်လည်း လာမည့်ရက်သတ္တပတ်အတွင်း ပွဲကစားရန် သင့်၊ မသင့်ကို စစ်ဆေးရဦးမည်ဖြစ်သည်။
ရီးယဲလ်အသင်းသည် နိုင်ငံတ ကာပွဲစဉ်များအပြီး ပြန်လည်ကစားမည့် လာလီဂါပွဲစဉ် (၁၀)တွင် အမှတ်ပေးဇယားအဆင့် (၂)နေရာမှ ဗီလာရီးယဲလ်အသင်းနှင့် ယှဉ်ပြိုင်ရမည်ဖြစ်ပြီး ယင်းပွဲအပြီး (၅)ရက်အကြာတွင် ချန်ပီယံလိဂ် အုပ်စုပွဲစဉ် (၄)အဖြစ် အင်တာမီလန်အသင်းအား အဝေးကွင်းတွင် သွားရောက်ယှဉ်ပြိုင်ရမည် ဖြစ်သည်။
-
ယူကရိန်းက ရုရှားလက်နက်တိုက်ကိုပစ်ခတ်၊ အရေးပေါ်အခြေအနေထုတ်ပြန်ထားရ
-
ညောင်ရွှေ အင်းလေးဒေသရှိ ရေဘေးသင့် ကျေးရွာ(၄)ရွာသို့ ဝေဠုဝန်ဆရာတော်ဦးဆောင်၍ စားနပ်ရိက္ခာများ ကူညီထောက်ပံ့
-
နေပြည်တော် ကောင်စီနယ်မြေအတွင်းရှိ ဆက်သွယ်ရေးစနစ်များ ပြန်လည်ကောင်းမွန်စေရေး စက်ပစ္စည်းများနှင့် မြေစိုက် ကြိုးစနစ်များကို စစ်ဆေးလုပ်ဆောင်နေ
-
ရေဘေးသင့် ပြည်သူများအတွက် ရန်ကုန်တိုင်းဒေသကြီးရှိ အလှူရှင်များ၏ လှူဒါန်းမှု ပစ္စည်းနှင့် အလှူငွေ စုစုပေါင်း ကျပ်သန်း (၈၀၀) ကျော်ရရှိ
-
မိုင်းဆတ်မြို့၊ ပိန်းခမ်းကျေးရွာ တစ်ရွာလုံး ရေနစ်မြှုပ်ခဲ့ပြီး အရေးပေါ် အကူအညီများလိုအပ်နေ
