ရေဘေးအတွက် ကူညီမည့် ထွန်းထွန်းမင်း၏ မြန်မာ့ရိုးရာလက်ဝှေ့ ကမ္ဘာ့ချန်ပီယံခါးပတ်ကို လေလံတင်ရောင်းချမှု ကျပ်သိန်း(၅၀၀)ကြမ်းခင်းဈေးသတ်မှတ်ထားကာ အများဆုံးပေးနိုင်သူကို ပေးအပ်သွားမည်ဟု ထွန်းထွန်းမင်းက ယမန်နေ့တွင် ပြောကြားထားသည်။
လေလံတင်ရောင်းချမည့်ရက်အား စက်တင်ဘာ(၁၃)ရက်မှစက်တင်ဘာ(၂၀)ရက်အထိ သတ်မှတ်ထားပြီး အဆိုပါ ကြမ်းခင်းဈေးထက် ပိုပေးနိုင်သူအား စက်တင်ဘာ (၂၀)ရက်တွင် သိမ်ဖြူလက်ဝှေ့ရုံတွင် မီဒီယာများအရှေ့၌ ခါးပတ်အား ပေးအပ်သွားမည်ဖြစ်ကြောင်း ဆိုသည်။
” ကျွန်တော်ချန်ပီယံခါးပါတ် လေလံဈေး လာမေးကြတဲ့ညီကိုမောင်နှမတွေကို ကျွန်တော်အသက်နဲ့ ရင်းပြီး ကြိုးစားခဲ့တဲ့ ချန်ပီယံခါးပါတ်ကို ကျွန်တော်ကိုယ်တိုင်ဈေးမသတ်မှတ်ဘူး။ လူကြီးများနဲ့ တိုင်ပင်ပြီး လူကြီးတွေက ကြမ်းခင်း လေလံဈေးကို သိန်း (၅၀၀) သတ်မှတ်ထားတယ်။ သတ်မှတ်ထားတဲ့ လေလံ ဈေးထက်ကို အများဆုံးပေးနိုင်တဲ့ သူကို (၂၀)ရက် သောကြာနေ့ သိမ်ဖြူလက်ဝှေ့ရုံမှာမနက် (၁၀) နာရီချိန်မှာ မီဒီယာများရှေ့မှာပေးအပ်သွားပါမယ်”ဟု ဆိုထားသည်။
ရိုးရာလက်ဝှေ့ကျော် ထွန်းထွန်းမင်းက သူ၏ မြန်မာ့လက်ဝှေ့ ကမ္ဘာ့ချန်ပီယံခါးပတ်ကို လေလံတင်ရောင်းချ၍ ရရှိလာသည့် ငွေကြေးအား တစ်ပြားတချပ်မကျန်ရေဘေးသင့်ပြည်သူများကို ကူညီမည်သွားမည်ဖြစ်ကြောင်း ဆိုထားသည်။
ရိုးရာလက်ဝှေ့ကျော် ထွန်းထွန်းမင်းအနေဖြင့် ယခုလ စက်တင်ဘာ (၂၂)ရက် မွန်းလွဲပိုင်းတွင် ရိုးရာလက်ဝှေ့ကျော် ကျော်စွာဝင်းနှင့် မြန်မာပြည်အလွတ်တန်းချန်ပီယံ ခါးပတ် စိန်ခေါ်ပွဲအတွက် ယှဉ်ပြိုင်ထိုးသ-တ်ရန် ရှိနေသည်။
-
ပြည်တွင်း ဈေးကွက်၌ ယမန်နှစ်ထက် EV ဝယ်လိုအား မြင့်တက်လာဟုဆို
-
ရေဝင်ရောက်မှုကြောင့် ပျက်စီးခဲ့သော ထမ်းစမ်းဂူပြန်လည်ပြုပြင်ရန် အလှူငွေကျပ်(၃၂၅)သိန်းရရှိ
-
မန္တလေးတိုင်း ဝန်ကြီးချုပ်ဟောင်း ဒေါက်တာ ဇော်မြင့်မောင် ကျန်းမာရေးအခြေအနေကြောင့် ICU ၌ စောင့်ကြည့်ကုသနေရ
-
ကျောက်မဲ ဒေသခံစစ်ရှောင်များ တုပ်ကွေးရောဂါဖြစ်ပွားမှု များလာ၊ ဆေးဝါးလိုအပ်ချက်များရှိနေဟုဆို
-
လိုအပ်လာပါက အစ္စရေးကိုထပ်မံတိုက်ခိုက်မည်ဟု အီရန်ဘာသာရေးခေါင်းဆောင် ခါမေနီပြောကြား