ပြီးခဲ့သည့် ဇွန် ၂၂ ရက်က တပ်မတော် စစ်ကြောင်းနှင့်တွေ့ဆုံစဉ် ဖမ်းဆီးခံခဲ့ရသည့် ဘီးလင်းမြို့နယ် အမျိုးသားဒီမိုကရေစီအဖွဲ့ ချုပ်ပါတီ ဥက္ကဋ္ဌနှင့် ပြည်နယ်လွှတ်တော် ကိုယ်စားလှယ်ဟောင်းဖြစ်သူ ဦးကျော်မျိုး မင်း၏ ရုပ်အလောင်းကို ဇူလိုင်လ ၆ ရက်က ပြန်လည်တွေ့ရှိခဲ့ကြောင်း ဒေသခံများ၏ပြောကြားချက်များအရ သိရသည်။
ဦးကျော်မျိုးမင်းနှင့် ရပ်ကျေးပါတီဝင် များဖြစ်ကြသည့် ဦးပန်းမြင့်၊ ဦးကိုကိုမောင်း နှင့် ဒေသခံတစ်ဦးမှာ ဇွန်လ ၂၂ ရက် လယ်က တဲကျေးရွာဘက်သို့ ဆိုင်ကယ်နှစ်စီးဖြင့် သွားရောက်စဉ် တပ်မတော်စစ်ကြောင်းနှင့် တွေ့ဆုံခဲ့ပြီး ပစ်ခတ်ဖမ်းဆီးခံရခြင်းဖြစ် ကြောင်းနှင့် ဒေသခံတစ်ဦးမှာ သေနတ်ဖြင့် ပစ်ခတ်ခံရပြီး သေဆုံးခဲ့ကြောင်း၊ ဦးကျော်မျိုး မင်းနှင့်အတူ ဖမ်းဆီးခံခဲ့ရသည့် ဦးပန်းမြင့် နှင့် ဦးကိုကိုမောင် တို့၏ ရုပ်အလောင်းများကို ပြီးခဲ့သည့် ဇူလိုင်လ ၂ ရက် ၎င်းင်းတို့အား ဖမ်း ဆီးထိန်းသိမ်းခဲ့သည့်ဆိုသည့် ကျေးရွာအနီး တွင် တွေ့ရှိခဲ့ပြီးနောက် ဇူလိုင်လ ၆ ရက်တွင် ဦးကျော်မျိုးမင်း၏ ရုပ်အလောင်းအား ထပ်မံ တွေ့ရှိခဲ့ခြင်းဖြစ်ကြောင်း ဒေသခံတစ်ဦးက ပြောကြားသည်။
“ ဦးကျော်မျိုးမင်းရဲ့ရုပ်အလောင်းကို အရင် ဦးကိုကိုမောင်တို့၊ ဦးပန်းမြင့်တို့ကို မြေ မြှုပ်ခဲ့တဲ့နေရာရဲ့ မလှမ်းမကမ်းမှာ တွေ့ခဲ့ရ တာ။ အလောင်းက တော်တော်ကြာနေပြီး ဖြစ်လို့ ရုပ်ပျက်နေပြီလို့ သိရတယ်” ဟု ၎င်းင်း ဒေသခံက ပြောကြားသည်။
ဦးကျော်မျိုးမင်းမှာ ဘီးလင်းမြို့နယ် အမျိုးသားဒီမိုကရေစီအဖွဲ့ချုပ်ပါတီ ဥက္ကဋ္ဌ ဖြစ်သည့်အပြင် ပြီးခဲ့သည့် ၂၀၂ဝပြည့်နှစ်အထွေထွေရွေးကောက်ပွဲ၌ ဘီးလင်းမြို့နယ် ပြည်နယ်လွှတ်တော်မဲဆန္ဒနယ် အမှတ် (၂) တွင် ရွေးကောက်တင်မြှောက်ခြင်း ခံခဲ့ရသူ ဖြစ်ကြောင်း၊ ပြီးခဲ့သည့် ဒုတိယအကြိမ် မွန် ပြည်နယ်လွှတ်တော် တိုင်ကြားစာကော်မတီ ဝင်တစ်ဦးအနေဖြင့်လည်း ဆောင်ရွက်ခဲ့ဖူး ကြောင်းနှင့် ၂၀၂၁ခုနှစ် ဖေဖော်ဝါရီ ၁ ရက် နောက်ပိုင်း ဦး ကျော်မျိုးမင်းမှာ ပုဒ်မ (၅၀၅) အပါအဝင် အကြမ်းဖက်မှုဆိုင်ရာ ဥပဒေပုဒ်မ များဖြင့် အမှုဖွင့်ခံထားရသည့်အတွက် တိမ်း ရှောင်နေရကြောင်း သိရသည်။
-
ရေပြန်ကျသွားသည့် တာချီလိတ်မြို့ရှင်းလင်းရေးအတွက် ယာဥ်၊ ယန္တရားများဖြင့်ဆောင်ရွက်လျက်ရှိ
-
ကျောက်ဖြူမြို့နယ်ရှိ ဝက်အင်းနဂါးရွှံ့မီးတောင် ပေါက်ကွဲ မီးတောင်ပတ်လည် ပေ ၃၀၀ ခန့်တွင် ရွှံ့ချော်ရည်များဖုံးလွှမ်းသွား
-
ရေကြီးနေသည့်ချင်းမိုင်ပြည်နယ်မှ ဆင်သဘာဝဥယျာဉ်တွင် ဆင်လှောင်အိမ်ထဲ၌ နာရီ ၃၀ ကျော်ကြာပိတ်မိနေသော ဆင်ခုနစ်ကောင်ကိုကယ်တင်ရန် ထိုင်းတာဝန်ရှိသူများ အလျင်အမြန်ကြိုးစား
-
ဂါဇာစစ်ပွဲ နှစ်ပတ်လည်နေ့မတိုင်မီ အစ္စရေးက ဘေရွတ်မြို့တော်တွင် ပြင်းထန်သည့် လေကြောင်းတိုက်ခိုက်မှုများ ပြုလုပ်
-
ဗီလာရီးယဲလ်နှင့်ပွဲမှ ကာဗာဟယ်လ်၏ ဒူးဒဏ်ရာမှာ ပြင်းထန်ဖွယ်ရှိပြီး ဗင်နီစီယပ်စ်လည်း ပခုံးဒဏ်ရာရရှိ