ရတနာပုံအသင်းသည် ၂၀၁၈ ရာသီမှ စတင်ကာ ပြည်တွင်းကစားသမားများဖြင့် ဝင်ရောက်ယှဉ်ပြိုင်ခဲ့ပြီး သုံးရာသီဆက်တိုက် နိုင်ငံခြားသားကစားသမား မခေါ်ယူဘဲ ယှဉ်ပြိုင်နေခြင်းဖြစ်သည်။ ယခင်က ၂၀၂၀ ရာသီ ဝက်တွင် နိုင်ငံခြားသားကစားသမားခေါ်ယူရန် စီစဉ်ထားသော်လည်း ကိုရိုနာဗိုင်းရပ်စ် အခြေအနေကြောင့် မခေါ်ယူဖြစ်ဘဲ ပြည်တွင်းကစားသမားများဖြင့် ယှဉ်ပြိုင်နေခြင်း ဖြစ်သည်။
ရတနာပုံအသင်းနည်းပြချုပ် ဦးအောင်ကျော်မိုးက MNL ပြိုင်ပွဲတွင် ပြည်တွင်းကစားသမားများဖြင့်သာ ယှဉ်ပြိုင်နေသော်လည်း လက်ရွေးစင်အသင်းများကို အထောက်အကူ ဖြစ်စေရန် ပံ့ပိုးပေးနိုင်၍ ကျေနပ်မိကြောင်း ပြောကြားခဲ့သည်။
ရတနာပုံအသင်းသည် ၂၀၁၈ ရာသီမှ စတင်ကာ ပြည်တွင်းကစားသမားများဖြင့် ဝင်ရောက်ယှဉ်ပြိုင်ခဲ့ပြီး သုံးရာသီဆက်တိုက် နိုင်ငံခြားသားကစားသမား မခေါ်ယူဘဲ ယှဉ်ပြိုင်နေခြင်းဖြစ်သည်။ ယခင်က ၂၀၂၀ ရာသီ ဝက်တွင် နိုင်ငံခြားသားကစားသမားခေါ်ယူရန် စီစဉ်ထားသော်လည်း ကိုရိုနာဗိုင်းရပ်စ် အခြေအနေကြောင့် မခေါ်ယူဖြစ်ဘဲ ပြည်တွင်းကစားသမားများဖြင့် ယှဉ်ပြိုင်နေခြင်း ဖြစ်သည်။
" နိုင်ငံခြားသားကစားသမားတွေ ပါလာရင် အသင်းအနေနဲ့ ပိုကောင်းလာနိုင်ပေမယ့် လက်ရှိအနေအထားကလည်း လက်ရွေးစင်အသင်းတွေကို အထောက်အကူဖြစ်အောင် ပံ့ပိုးပေးနိုင်တဲ့အတွက် ကျေနပ်ပါတယ်။ နိုင်ငံခြားသားကစားသမားတွေခေါ်ရင် နောက်ခံလူ၊ ကွင်းလယ်နဲ့ တိုက်စစ်နေရာတွေ ခေါ်တာများပါတယ်။ နိုင်ငံခြားသား ကစားသမားမခေါ်ယူတဲ့အတွက် အသင်းမှာ ပြည်တွင်းကစားသမားတွေ ကစားခွင့်ပိုရပါ တယ်။ ကစားသမားတွေအနေနဲ့ ပွဲများများ ကစားခွင့်ရမှ တိုးတက်မှုရှိမှာပါ" ဟု ဦးအောင်ကျော်မိုးက ပြောကြားခဲ့သည်။
ရတနာပုံအသင်းသည် အသင်းစတင်တည်ထောင်ချိန်ကတည်းက ၂၀၁၇ ရာသီအထိ ကိုးရာသီဆက်တိုက် နိုင်ငံခြားသား ကစားသမားများ အသုံးပြုခဲ့ပြီး အောင်မြင်မှုများလည်း ရယူနိုင်ခဲ့သည်။ ရတနာပုံအသင်းသည် ပြည်တွင်းပြိုင်ပွဲများအနက် MNL အမှတ်ပေးချန်ပီယံဆု လေးကြိမ်၊ MNL CUP ပြိုင်ပွဲ ချန်ပီယံဆု တစ်ကြိမ်ရထားပြီး အမှတ်ပေးပြိုင်ပွဲတွင် ဒုတိယအအောင်မြင်ဆုံးအသင်းအဖြစ် ရပ်တည်နေသည်။
ရတနာပုံအသင်းသည် ပရိုလိဂ်ကူးပြောင်းပြီးနောက် ကျင်းပသည့်ပြိုင်ပွဲများအနက် ရှုံးထွက်ပြိုင်ပွဲ တွင်သာ ချန်ပီယံဆုမရယူနိုင်သေးခြင်းဖြစ်ပြီး ကျန်သည့်ပြိုင်ပွဲများတွင် ချန်ပီယံဆုရယူနိုင်ခဲ့သည်။ ရတနာပုံအသင်းတွင် လက်ရွေး စင်အဆင့် ကစားသမားအများစု ပါဝင်ကစားလျက်ရှိပြီး ထိုင်းကလပ်များတွင် အငှားသွားရောက်ကစားနေသည့် အောင်သူမှာလည်း အသင်းတွင် ပြန်လည်ကစားလျက်ရှိသည်။
-
နစက ဥက္ကဋ္ဌမှ အိန္ဒိယနိုင်ငံ၏ကူညီမှုဖြင့်တည်ဆောက်မည့် စာဆိုဗိမာန်သုံးထပ်အဆောက်အဦ မြေနေရာအား ရတနာပန္နက်တော်တင်ပေးခဲ့
-
MSME လုပ်ငန်းများအတွက် ချေးငွေစတင်လျှောက်ထားနိုင်ပြီဖြစ်
-
တနင်္သာရီမြို့နယ်တွင် လူဦးရေနှင့် သန်းခေါင်စာရင်း အချက်အလက်များကောက်ယူမှုပြီးစီး
-
ရေဘေးသင့်ခဲ့သည့် အခြေခံပညာကျောင်းများတွင်လိုအပ်သော ပရိဘောဂပစ္စည်းများနှင့် အ သုံးအဆောင်ပစ္စည်းများကိုလည်းလှူဒါန်းနိုင်ဟု နစက ဥက္ကဋ္ဌဖိတ်ခေါ်
-
ရန်ကုန်တိုင်းအစိုးရ ရင်းနှီးမြှုပ်နှံထားသည့် YUPT ကုမ္ပဏီ၏ ရှယ်ယာများပြန်လည်ဝယ်ယူမည့်အစီအစဉ်တွင် ရှယ်ယာရှင်၂၈၉ ဦးအနက် ၂၁၀ ကျော်က ရှယ်ယာများပြန်ရောင်းရန်ဆန္ဒရှိ