ရွေးကောက်ပွဲ၏ အရည်အသွေးကို ရွေးကောက်ပွဲကျင်းပသည့်နေ့ တစ်ရက်တည်းကို စောင့်ကြည့်အကဲဖြတ်ခြင်းထက် ရွေးကောက်ပွဲဖြစ်စဉ်တစ်ရပ်လုံးဖြစ်သည့် ရွေးကောက်ပွဲအကြိုကာလ၊ ရွေးကောက််ပွဲကာလနှင့် ရွေးကောက်ပွဲနှောင်းပိုင်းကာလ စသည့်လုပ်ငန်းစဉ်အဆင့်ဆင့်ကို အကဲဖြတ်ရန် လိုအပ်မည်ဟု ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးလှသိန်းက ပြောကြားသည်။
မတ် ၁၂ ရက်က နေပြည်တော်ရှိ Grand Amara Hotel တွင် ကျင်းပသည့် ပြည်တွင်းနှင့် နိုင်ငံတကာရွေးကောက်ပွဲ စောင့်ကြည့်လေ့လာသူများအတွက် ရွေးကောက်ပွဲ စောင့်ကြည့်လေ့လာခြင်းဆိုင်ရာ လုပ်ငန်းလမ်းညွှန်နှင့် စပ်လျဉ်းသည့် ဆွေးနွေးပွဲတွင် အထက်ပါအတိုင်း ပြောကြားခဲ့ခြင်းဖြစ်သည်။
အဆိုပါအခမ်းအနားကို ပြည်ထောင်စု ရွေးကောက်ပွဲကော်မရှင်နှင့် International Institude for Democracy and Electoral Assistance (International IDEA) တို့ ပူးပေါင်းကျင်းပခြင်းဖြစ်သည်။
ရွေးကောက်ပွဲ စောင့်ကြည့်လေ့လာသူများ ထားရှိိခြင်းကြောင့် တရားမဲ့ပြုကျင့်မှုနှင့် ရွေးကောက်ပွဲ မသမာမှုများကို လျှော့ချနိုင်ခြင်း၊ ရွေးကောက်ပွဲလုပ်ငန်းစဉ်နှင့် ရလဒ်များအပေါ် ယုံကြည်မှုရှိစေခြင်းတို့အပြင် စောင့်ကြည့်လေ့လာသူများ၏ အစီရင်ခံစာပါ အကြံပြုချက်များကို အသုံးပြု၍ နောင်ကျင်းပမည့် ရွေးကောက်ပွဲများကို ပိုမိုကောင်းမွန်စွာ ဆောင်ရွက်နိုင်ခြင်းစသည့် အကျိုးကျေးဇူးများရရှိစေမည်ဟု ကော်မရှင်ဥက္ကဋ္ဌ ဦးလှသိန်းက ပြောကြားသည်။
“ ရွေးကောက်ပွဲစောင့်ကြည့် လေ့လာအကဲဖြတ်သည့် လုပ်ငန်းသည် ရွေးကောက်ပွဲများ၏ ဂုဏ်သိက္ခာနှင့် အဆင့်အတန်းကို တိုးတက်မြင့်မားလာစေသကဲ့သို့ ဒီမိုကရေစီစနစ်ကို ခိုင်မာစွာတည်ဆောက်ရာတွင်လည်း အထောက်အကူဖြစ်စေပါသည်” ဟု ဦးလှသိန်းက ပြောကြားသည်။
ပြည်ထောင်စုရွေးကောက်ပွဲ ကော်မရှင်အနေဖြင့်လည်း ၂၀၂၀ ပြည့်နှစ် အထွေထွေရွေးကောက်ပွဲကို ချမှတ်ထားသည့် စံငါးချက်နှင့်အညီ အောင်မြင်စွာကျင်းပနိုင်ရေးအတွက် မဟာဗျူဟာစီမံကိန်း ၂၀၁၉-၂၀၂၂ ပါ လုပ်ငန်းစဉ်များအတိုင်း အကောင်အထည်ဖော် ဆောင်ရွက်လျက်ရှိသည်ဟု ဆွေးနွေးပွဲတွင် ပြည်ထောင်စုရွေးကောက်ပွဲ ကော်မရှင်ဥက္ကဋ္ဌက ပြောကြားသည်။
-
မိနစ်နှစ်ဆယ်နဲ့ ဖုန်းအားအပြည့်သွင်းနိုင်တဲ့ ခရီးဆောင်လေအားတာဘိုင်
-
ရေဘေးကြောင့် အသက်ဆုံးရှုံးခဲ့သူ (၃၀၀) နီးပါးနှင့် ပျောက်ဆုံးသူ (၈၀) ကျော်ရှိကြောင်းနစက ထပ်မံထုတ်ပြန်
-
အမျိုးသမီး (၁) ဦးကို တရုတ်မယားအဖြစ် ရော-င်းစားသူကို လူကု-န်ကူးမှုဖြင့် ထောင်ဒဏ် (၁၀)နှစ် ချမှတ်
-
ရေကြီးရေလျှံမှုကြောင့် ပျက်စီးခဲ့ရသည့် ရန်ကုန်-မန္တလေး ရထားလမ်းပိုင်း အမြန်ဆုံး ပြေးဆွဲနိုင်ရေး ရထားလမ်းနှင့် တံတားများ ပြန်လည် ပြုပြင်လျက်ရှိ
-
မကွေးတိုင်း မြို့နယ် (၅)ခုတွင် နေအိမ်နှင့် လမ်းများပေါ်သို့ သစ်ပင်လဲကျမှုနှင့် မြေပြိုမှုတို့ ဆက်တိုက်ဖြစ်ပွား