ရုပ်ရှင်ဒါရိုက်တာ ပေါလ်ဟက်ဂစ်သည် အီတလီနိုင်ငံတောင်ပိုင်းတွင် အမျိုးသမီးတစ်ဦးအား လိင်ပိုင်းဆိုင်ရာ တိုက်ခိုက်ခဲ့သည်ဟု စွပ်စွဲချက်များကြောင့် စုံစမ်းစစ်ဆေးရန် ဖမ်းဆီးထိန်းသိမ်းခံခဲ့ရသည်ဟု ဒေသခံအစိုးရရှေ့နေများ၏ ပြောကြားချက်များကို အီတလီမီဒီယာတွင် ဖော်ပြထားသည်။
ကနေဒါနိုင်ငံဖွား အော်စကာဆုရ အသက် ၆၉ နှစ်အရွယ် ဟက်ဂစ်သည် အိုစတန်နီမြို့တွင် ဇွန် ၁၄ ရက်မှစ၍ ပြုလုပ်သည့် ရုပ်ရှင်ပွဲတော်တစ်ခုအတွက် အီတလီနိုင်ငံသို့ ရောက်ရှိနေခြင်းဖြစ်သည်။
ငယ်ရွယ်သော ပြည်ပနိုင်ငံသူတစ်ဦးက ၎င်းသည် နှစ်ရက်ကျော်အတွင်း မိမိသဘောဆန္ဒမပါဝင်ဘဲ လိင်ပိုင်းဆိုင်ရာဆက်ယှက်မှု အတင်းအကျပ်စေခိုင်းခံရသည်ဟူသည့် စွပ်စွဲမှုများကို စုံစမ်းစစ်ဆေးနေသည်ဟု အနီးအနားရှိ ဘရင်ဒီဇီမြို့မှ အစိုးရရှေ့နေ များ၏ လက်ရေးဖြင့်ထုတ်ပြန်ချက်ကို LaPresse သတင်းနှင့် အခြားအီတလီသတင်းမီဒီယာများတွင် ဖော်ပြခဲ့သည်။
နှစ်ရက်ကျော်ကြာ သဘောဆန္ဒမပါဝင်ဘဲ လိင်ပိုင်းဆိုင်ရာ ဆက်ယှက်မှုပြီးနောက် အမျိုးသားသည် ဇွန် ၁၉ ရက်တွင် ထိုအမျိုးသမီးအား ဘရင်ဒီဇီလေဆိပ်တွင် ချန်ထားရစ်ခဲ့ပြီး လေဆိပ်ဝန်ထမ်းနှင့်ရဲတစ်ဦးက ထိုအမျိုးသမီး၏ အခြေအနေကို သတိထားမိခဲ့ပြီးနောက် ကနဦးကုသမှုများပြုလုပ်ပေးခဲ့ပြီး ဘရင်ဒီဇီရဲဌာနချုပ်သို့ ပို့ဆောင်ကာ ဒေသတွင်း ဆေးရုံတွင် ဆေးဘက်ဆိုင်ရာစစ်ဆေးမှု လုပ်ဆောင်စေခဲ့သည်။
ရဲတပ်ဖွဲ့က ဟက်ဂစ်ကို ရဲစခန်း သို့မဟုတ် ဟိုတယ် သို့မဟုတ် အခြားနေရာတွင် ဖမ်းဆီးထိန်းသိမ်းထားခြင်း ရှိ၊ မရှိအပါအဝင် ယင်းဖြစ်စဉ်နှင့်ပတ်သက်၍အသေးစိတ် ထုတ်ပြန်ခွင့်မရှိကြောင်း ပြောကြားခဲ့သည်။
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
