နာမည်ကျော် Aquaman ရုပ်ရှင်သရုပ်ဆောင် ဂျေဆင်မာမိုအာက ဇွန် ၂၆ ရက်၌ ကာလအတန်ကြာ နှောင့်နှေးနေသည့် ကုလသမဂ္ဂညီလာခံတွင် ကမ္ဘာတစ်ဝန်းရှိ သမုဒ္ဒရာများကိုကာကွယ်ကြရန် တိုက်တွန်းပြောကြားခဲ့သည်။
“ကျွန်တော်တို့ သမုဒ္ဒရာတွေကိုလိုအပ်ပါတယ်။ ကျန်းမာတဲ့ သမုဒ္ဒရာဘဝတစ်ခု မရှိဘူးဆိုရင် ကျွန်တော်တို့ရဲ့ ဂြိုဟ်ကြီးဟာကျွန်တော်တို့ သိထားတဲ့အတိုင်း တည်ရှိတော့မှာ မဟုတ်ပါဘူး” ဟု မာမိုအာက ဆိုသည်။
“ကျွန်တော်တို့ရဲ့ သား၊သမီးတွေနဲ့ မြေးမြစ်တွေအပေါ် ကျူးလွန်ခဲ့တဲ့ လုပ်ရပ်တွေထဲမှာ ဘယ်ဟာက အမှန်၊ ဘယ်ဟာကအမှားလဲဆိုတာ ရှာဖွေပြီး လူသားတွေဟာ သဘာဝနဲ့ သဟဇာတဖြစ်အောင် ပြန်လည်နေထိုင်နိုင်တဲ့ အနာဂတ်ကို တည်ဆောက်ရမယ့်အခိုက်အတန့်ဖြစ်ပါတယ်” ဟုလည်း ၎င်းက ဆိုသည်။
DC Eztended Universe ရုပ်ရှင်ဖြစ်သည့် Aquaman ၏အဓိကသရုပ်ဆောင် မာမိုအာက ပေါ်တူဂီနိုင်ငံ လစ်ဘွန်းမြို့တော် အပြင်ဘက်ရှိ လူငယ်စုဝေးမှုတွင် ယင်းကဲ့သို့ ပြောကြားခဲ့ခြင်းဖြစ်သည်။
Carcavelos ကမ်းခြေတွင်စုဝေးမှု၌ ပေါ်တူဂီသမ္မတ မာဆယ်လိုရီဘယ်လိုဒီဆော်ဆာနှင့် ပေါ်တူဂီနိုင်ငံသား ကုလအတွင်းရေးမှူးချုပ် အန်တိုနီယိုဂူတာရက်စ်တို့လည်း တက်ရောက်ခဲ့သည်။
“ကမ္ဘာကြီးဟာ သမုဒ္ဒရာတွေကို ပြန်လည်ထူထောင်ဖို့ အရမ်းကိုနှေးကွေးလှပါတယ်။ ဒီအပြုအမူတွေအတွက် ပြင်းပြင်းထန်ထန်ရှုတ်ချရမယ့် အချိန်ရောက်ပါပြီ” ဟု ဂူတာရက်စ်က ပြောကြားခဲ့သည်။
ပေါ်တူဂီနှင့် ကင်ညာတို့က ပူးပေါင်းစီစဉ်သည့် လစ်ဘွန်းမြို့တော်တွင် ပြုလုပ်သော ကုလသမဂ္ဂသမုဒ္ဒရာညီလာခံ၌ ဂူတာရက်စ်က ဇွန် ၂၇ ရက်တွင် မိန့်ခွန်းပြောကြားခဲ့သည်။
၂၀၂၀ ခုနှစ် ဧပြီတွင် ပြုလုပ်ရန် မူလက စီစဉ်ထားသော်လည်း COVID-19 ကပ်ရောဂါကြောင့် ယင်းစုဝေးမှုများကို နောက်ဆုတ်ခဲ့ရသည်။
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
