ကာဒစ်ရှန် - ဂျန်နာညီအစ်မများထဲမှ တစ်ဦးဖြစ်သည့် ကင်ဒဲဂျန်နာသည် Forbes မဂ္ဂဇင်းက ထုတ်ပြန်သည့် ၂၀၁၈ ခုနှစ် ဝင်ငွေအများဆုံးရ မော်ဒယ်စာရင်း၏ နံပါတ် ၁ နေရာ၌ ဖော်ပြခံခဲ့ရသည်။
Keeping Up with the Kardashians အစီအစဉ်တွင် ပါဝင်သည့် အသက် ၂၃ နှစ်အရွယ်ရှိ ဂျန်နာသည် ၂၀၁၇ ခုနှစ်ဇွန်နှင့် ၂၀၁၈ ခုနှစ် ဇွန်အတွင်း ဝင်ငွေဒေါ်လာ ၂၂ ဒသမ၅ သန်း ရရှိခဲ့သည်ဟု Forbes ဖော်ပြချက်အရ သိရသည်။ ဂျန်နာ၏ ဝင်ငွေအများစုသည် Estee Lauder, Adidas, Calvin Klein တို့နှင့် စာချုပ်ချုပ်ဆိုမှုများမှ ရရှိခဲ့သည်ဟု ဆိုသည်။ ကင်ဒဲဂျန်နာ၏ ညီမဖြစ်သည့် မော်ဒယ်ခိုင်လီဂျန်နာသည် ယင်းကာလအတွင်း ဝင်ငွေဒေါ်လာ ၁၆၆ ဒသမ ၅ သန်း ရရှိခဲ့သော်လည်း ဝင်ငွေအများစုသည် ၎င်း၏ Kylie တံဆိပ် အလှပြင်ပစ္စည်းများ ရောင်းချမှုမှ ရရှိခဲ့သောကြောင့် အဆိုပါ စာရင်းတွင် မပါဝင်ခဲ့ပေ။
၂၀၁၇ ခုနှစ်တွင် ဝင်ငွေအများဆုံးရ မော်ဒယ်အဖြစ် ဖော်ပြခံခဲ့ရသည့် ကာလီကလော့စ်သည် ယခုနှစ်တွင် ဒေါ်လာ ၁၃ သန်းဖြင့် ဒုတိယနေရာ၌သာ ဖော်ပြခံခဲ့ရသည်။ အသက် ၂၆ နှစ်အရွယ်ရှိ ကလော့စ်သည် လက်ဝတ်ရတနာ၊ နာရီနှင့် အသုံးအဆောင် ပစ္စည်းများ ထုတ်လုပ်သည့် Swarovski ကုမ္ပဏီနှင့် စာချုပ်ချုပ်ဆိုမှုမှ ရရှိခဲ့သည်ဟု Forbes က ဖော်ပြခဲ့သည်။
ခရစ်စီတိုင်ဂန်နှင့် ရိုစီဟန်တင်တန်ဝိုက်တလီတို့က ဒေါ်လာ ၁၁ ဒသမ ၅ သန်းစီဖြင့် Forbes ၏ ၂၀၁၈ ခုနှစ် ဝင်ငွေအများဆုံးရ မော်ဒယ်စာရင်း၏ တတိယနေရာတွင် ပူးတွဲဖော်ပြခံခဲ့ရသည်။ ဂျီဆဲလ်ဘန့်ချင်နှင့် ကာရာဒလီဗင်းတို့သည်လည်း ဒေါ်လာ ၁၀ သန်းစီဖြင့် အဆို ပါစာရင်း၏ ပဥ္စမနေရာတွင် ပူးတွဲဖော်ပြခံခဲ့ရသည်။ ကြော်ငြာရိုက်ကူးမှု၊ ဖက်ရှင်နှင့် အလှပြင်ပစ္စည်းများ၏ ပင်တိုင်မော်ဒယ်အဖြစ် စာချုပ် ချုပ်ဆိုမှုတို့မှ ရရှိသည့် ဝင်ငွေများကို အခြေပြုပြီး အဆိုပါစာရင်းကို ထုတ်ပြန်ခဲ့သည် ဟု Forbes ကဆိုသည်။
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
-
ရန်သူများ၏ မည်သည့် တိုက်ခိုက်မှုမျိုးကိုမဆို လက်တုံ့ပြန်သွားမည်ဟု အီရန်တပ်ဖွဲ့ ထုတ်ပြန်
