အိန္ဒိယ၏ အချမ်းသာဆုံးဘီလျံနာ၏ သမီးဖြစ်သူ အီရှာအမ်ဘာနီ၏ မင်္ဂလာပွဲသို့ တက်ရောက်မည့် ဧည့်သည်များထဲတွင် ဘီယွန်းစေးနှင့် ဟီလာရီကလင်တန်တို့လည်း ပါဝင်ခဲ့သည်။ အမေရိကန် နိုင်ငံခြားရေး ဝန်ကြီးဟောင်း ဟီလာရီကလင်တန်သည် အမ်ဘာနီမိသားစု၏ ကာလကြာမိတ်ဆွေတစ်ဦး ဖြစ်သည်ဟု မီဒီယာများက ဖော်ပြခဲ့သည်။
မင်္ဂလာပွဲတက်ရောက်မည့် ဧည့်သည်အများစုသည် စင်းလုံးငှား လေယာဉ်များဖြင့် ဒီဇင်ဘာ ၈ ရက်တွင် Udaipur မြို့သို့ ရောက်ရှိခဲ့ရာ လေဆိပ်၌ လေယာဉ်ဆိုက်ရောက်မှုသည် ပုံမှန်ထက် လေးဆကျော် မြင့်တက်ခဲ့သည်။ ၂၀၁၈ ခုနှစ်တွင် အိန္ဒိယ၏ အခမ်းနားဆုံးမင်္ဂလာပွဲ တစ်ခုဖြစ်လာမည့် အသက် ၂၇ နှစ်အရွယ်ရှိ အီရှာအမ်ဘာနီနှင့် အသက် ၃၃ နှစ်အရွယ်ရှိ အာနန်ပီရာမယ်တို့၏ မင်္ဂလာပွဲကို ဒီဇင်ဘာ ၁၂ ရက်တွင် မွမ်ဘိုင်း၌ ပြု လုပ်မည်ဖြစ်သည်။
မင်္ဂလာပွဲမတိုင်မီ အကြိုပွဲများကို Udaipur မြို့တွင် ဒီဇင်ဘာ ၈ ရက်မှ စတင်ကျင်းပခဲ့သည်။ ဒီဇင်ဘာ ၉ ရက်တွင် ပြုလုပ်ခဲ့သည့် သီးသန့်ဧည့်ခံပွဲ တစ်ခုတွင် ဘီယွန်းစေးက Crazy in Love Perfect စသည့် သီချင်းများဖြင့် ဖျော်ဖြေခဲ့သည်။ ယင်းဖျော်ဖြေပွဲအတွက် ဘီယွန်းစေးကို အနုပညာကြေးမည်မျှ ပေးခဲ့ရသည်ကိုမူ ထုတ်ပြန်ခဲ့ခြင်းမရှိပေ။ သတို့သမီး၏ ဖခင်ဖြစ်သူ မူကက်ရှ် အမ်ဘာနီသည် Reliance Lndustrial လုပ်ငန်းစု၏ ဥက္ကဋ္ဌဖြစ်ပြီး ၎င်းင်း၏အသားတင်ကြွယ််ဝမှုသည် ဒေါ်လာ ၄၇ ဘီလျံရှိသည်ဟု Forbes မဂ္ဂဇင်းက ထုတ်ပြန်ခဲ့သည်။ သတို့သား အာနန်ပီရာမယ်သည်လည်း Piramal စီးပွားရေး လုပ်ငန်းစုဥက္ကဋ္ဌ အာဂျေးပီရာမယ်၏ သားဖြစ်သည်။
အီရှာအမ်ဘာနီနှင့် အာနန်ပီရာမယ်တို့၏ မင်္ဂလာပွဲသို့ တက်ရောက်မည့် ဧည့်သည်စာရင်းတွင် ကြော်ငြာကုမ္ပဏီ၏ သူဌေး Martin Sorrell၊ ခရစ်ကတ် အကျော်အမော် Sachin Tendulkar၊ စီးပွားရေးလုပ်ငန်းရှင် စာရေးဆရာမ Arianna Huffington နှင့် ဘောလိဝုဒ်ထိပ်တန်း အနုပညာရှင်များစွာ ပါဝင်သည်ဟု မီဒီယာများက ဖော်ပြခဲ့ကြ သည်။
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
