ချင်းပြည်နယ် ဟားခါးမြို့တွင် မြေပြိုဘေးအန္တရာယ် ကြိုတင်ကာကွယ်နိုင်ရန် ဂျပန်နိုင်ငံ JICA မှ ပညာရှင်များက ကွင်းဆင်းလေ့လာမှုပြုလုပ်ခဲ့ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာနမှ သိရသည်။
ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန၊ မိုးလေဝသနှင့် ဇလဗေဒဦးစီးဌာနနှင့် ဂျပန်နိုင်ငံ JICA မှ ပညာရှင်များ ပူးပေါင်း၍ ချင်းပြည်နယ် ဟားခါးမြို့အတွင်း မြေပြိုဘေးအန္တရာယ် ကြိုတင်ကာကွယ်နိုင်ရန်အတွက် မတ် ၂၂ ရက်က ကွင်းဆင်းလေ့လာခဲ့ကြကြောင်း သတင်းရရှိသည်။
အဆိုပါအဖွဲ့သည် မတ် ၂၂ ရက် ညနေက ချင်းပြည်နယ်မိုးလေဝသနှင့် ဇလဗေဒဦးစီးဌာနရုံးသို့ ရောက်ရှိပြီး ဟားခါးမြို့အတွင်း မြေပြိုဘေးအန္တရာယ် ကြိုတင်ကာကွယ်နိုင်ရန် ကြိုတင်ပြင်ဆင်သင့်သည့်အရာများ၊ ပြည်သူများ သဘာဝဘေးအန္တရာယ်နှင့်ပတ်သက်သော အသိပညာပေးလုပ်ငန်းများ ဆောင်ရွက်နိုင်ရေး၊ မြေပြိုဘေးအပါအဝင် သဘာဝဘေးအန္တရာယ်များ မကျရောက်မီ၊ ကျရောက်ဆဲ၊ ကျရောက်ပြီးနောက် ဒေသအခြေအနေနှင့် ကိုက်ညီမည့်ဆောင်ရွက်ရန်အချက်များကို ချင်းပြည်နယ် မိုးလေဝသနှင့် ဇလဗေဒ ဦးစီးဌာနမှူးနှင့် တွေ့ဆုံဆွေးနွေးခဲ့ပြီး အဆိုပါရုံးအတွင်း ထားရှိသည့် မိုးလေဝသစခန်း တိုင်းတာရေးပစ္စည်းများကို လေ့လာကြည့် ရှုခဲ့သည်။
ဂျပန်နိုင်ငံ JICA အနေဖြင့် ဟားခါးမြို့တွင် မြေပြိုဘေးအန္တရာယ် ကြိုတင်ကာကွယ်နိုင်ရေး အာရုံခံစက်နှစ်လုံးကို ဟားခါးမြို့ မြို့ဟောင်းရပ်ကွက်နှင့် ဟားခါးထာရ်မြို့သစ်ရပ်ကွယ်တို့တွင် နှစ်နေရာတပ်ဆင်ထားရှိပြီး အာရုံခံစက်နှဏ်လုံးကို ထပ်မံထားရှိနိုင်ရေး ဒုတိယအကြိမ် ကွင်းဆင်းလေ့လာခြင်းဖြစ်ကြောင်း၊ ၂၀၁၅ ခုနှစ်က ဟားခါးမြို့တွင် မြေပြိုဘေးဖြစ်ပေါ်ခဲ့သည့်ဖြစ်စဉ်များနှင့် မိုးလေဝသနှင့် ဇလဗေဒဦးစီးဌာန၏ မိုးရေချိန်မှတ်တမ်းများအပေါ် အခြေခံ၍ မြေပြိုဘေးနှင့်ပတ်သက်သည့် ကြိုတင်ကာကွယ်ရေးလုပ်ငန်းများကို ကူညီဆောင်ရွက်ပေးသွားမည်ဖြစ်ကြောင်း၊ မြေပြိုဘေးကျရောက်နိုင်သည့် အခြေအနေများတွင် ပြည်သူများ ကြိုတင်ပြင်ဆင်နိုင်ရေး သတင်းအချက်များကို သက်ဆိုင်ရာအစိုးရအဖွဲ့ တာဝန်ရှိသောဌာနဆိုင်ရာများနှင့် ပူးပေါင်းဆောင်ရွက်ပေးသွားမည်ဖြစ်ကြောင်း ဂျပန်နိုင်ငံ JICA မှ Hayato NAKAMURA (Project Formulation Advisor) က ပြောကြားသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
