မလေးရှားရုပ်ရှင်မင်းသမီး မစ်ရှဲယို၏ အက်ရှင်သရုပ်ဆောင်ခန်းများပါဝင်သည့် အမေရိကန် စိတ်ကူးယဉ်သိပ္ပံဇာတ်ကား Everything Everywhere All At Once မိတ်ဆက်ပြသလိုက်ပြီးနောက် ယခုတစ်ခါ Netflix မှပြသမည့် The Witcher:Blood Origin ဇာတ်လမ်းတွဲတွင်လည်း သူမ၏ ဖိုက်တင်စွမ်းရည်များကို မြင်တွေ့ရဦးမည်ဖြစ်သည်။
ဇာတ်လမ်းအမြည်း တစ်မိနစ်စာပင် ထွက်ရှိထားပြီး ယိုက ဓားရှည်ကိုင်သည့် သဘာဝလွန်စွမ်းအားရှိသူ ရှန်ဇာတ်ကောင်နေရာမှ ပါဝင်ထားသည်။
The Witcher:Blood Origin သည် The Witcher ဇာတ်လမ်းတွဲများထက် စောသည့် အကြောင်းအရာများကို ရိုက်ကူးထားပြီး The Witcher ထဲမှဖြစ်ရပ်များမတိုင်မီ နှစ်ပေါင်း ၁၂၀၀ ခန့်ကအချိန်ကို ရိုက်ကူးထားသည်။
မိစ္ဆာသုတ်သင်သူများစဖြစ်တည်လာပုံကို ရိုက်ပြထားကာ ယိုက သူမတို့လူမျိုးများထံမှ အခိုးခံလိုက်ရသည့်ဓားကို ပြန်ရရန်ကြိုးပမ်းရင်း ခရီးသွားနှစ်ဦး (ဆိုဖီယာဘရောင်းနှင့် လော့ရန့်စ် အိုဖရိန််တို့သရုပ်ဆောင်ထား) နှင့် သိကျွမ်းခဲ့သည့်ဇာတ်လမ်းဖြစ်သည်။
ဇာတ်လမ်းအမြည်းတွင် ၎င်းတို့သုံးဦး၏ အက်ရှင်ခန်းများကို ပြသထားသည်။ ဇာတ်လမ်းတွဲကို ၂၀၂၂ ခုနှစ်တွင် ထုတ်လွှင့်မည်ဖြစ်သည်။
မိတ်ဆက်ပွဲပြုလုပ်ပြီးပြီဖြစ်သည့် Everything Everywhere All At Once ဇာတ်ကားတွင် မစ်ရှဲယိုက တရုတ်-အမေရိကန်သူ အယ်ဗလင်ဝမ်အဖြစ် သရုပ်ဆောင်ထားပြီး ထိုဇာတ်ကားကိုမူ ၂၀၂၂ ခုနှစ် မတ် ၂၅ ရက်တွင် စတင်ရုံတင်သွားမည်ဖြစ်သည်။
-
ရန်ကုန်ဗုဒ္ဓတက္ကသိုလ်တွင် Eleven Media Group မိသားစုက ခုနစ်ကြိမ်မြောက် ကထိန်အလှူတော် ပြုလုပ်
-
■ ဘွန်ဒစ်လီဂါကလပ် ဆန့်ပေါ်လီအသင်း လူမှုကွန်ရက် X မှ နုတ်ထွက်
-
■ မန်ယူတိုက်စစ်မှူးဟောင်း ဖော်လန် ဥရုဂွေးအိုးပင်း ပရိုတင်းနစ်ပြိုင်ပွဲ အဖွင့်ပွဲစဉ်တွင် ရှုံးပွဲကြုံတွေ့
-
■ ကူဒူစ်ကို အနည်းဆုံးပေါင်(၈၅)သန်းရမှ ဝက်စ်ဟမ်းအသင်း ရောင်းမည်
-
ကူးစက်မြန် ကိုရိုနာဗိုင်းရပ်စ်မျိုးကွဲသစ် B.1.1.7 အကြောင်းတစေ့တစောင်း
