မြန်မာရုပ်ရှင် ဇာတ်ကားသစ်များ ဦးစားပေးပြသမည့် ရုပ်ရှင်ရုံများကို ၂၀၁၉ ခုနှစ်အတွင်း ရန်ကုန်မြို့အပါအဝင် နယ်မြို့များ၌ ထပ်မံဖွင့်လှစ်သွားရန် စီစဉ်လျက်ရှိသည်ဟု သိရသည်။
မြန်မာနိုင်ငံ၏ အကြီးမားဆုံးဖြစ်သည့် Jewellery Mall နှင့် Luxury Shopping Mall ဖြစ်သည့် Times Mall ၌် Mega Ace Cinema Group ၏ ရုပ်ရှင်ရုံသစ် ငါးရုံကို ဖွင့်လှစ်သွားမည်ဟု သိရသည်။ အဆိုပါ ရုပ်ရှင်ရုံများကို ၂၀၁၉ ခုနှစ် မတ်လအတွင်း ဖွင့်လှစ်နိုင်ရန် စီစဉ်လျက်ရှိသည်ဟုလည်း သိရသည်။
“အစ်မတို့ Mega Ace ရန်ကုန်မြို့မှာ အသစ်ထပ်မံဖွင့်လှစ်မယ့် Time City မှာ ရုပ်ရှင်ရုံသစ် ငါးရုံ ထပ်မံဖွင့်လှစ်သွားမှာပါ။ အဲဒီရုပ်ရှင်ရုံမှာ မြန်မာရုပ်ရှင်ဇာတ်ကားတွေကို အဓိကဦးစားပေးပြီး ပြသသွားမှာဖြစ်သလို နိုင်ငံခြားဇာတ်ကားတွေကို နိုင်ငံတကာနဲ့ တန်းတူပြသသွားနိုင်အောင် ကြိုးစားသွားမှာပါ။ ရုပ်ရှင်ရုံတွေမှာ ရုပ်သံအရည်အသွေးကို လက်ရှိ Update ဖြစ်နေတဲ့အတိုင်း ဖြစ်အောင် နိုင်ငံတကာအဆင့်မီ ရုပ်သံအရည်အသွေးမျိုး ဖြစ်အောင် ကြိုးစားထားပါတယ်။ ပရိသတ်တွေ လာပြီးအားပေးကြဖို့ ဖိတ်ခေါ်ပါတယ်။ Mega Ace ရုပ်ရှင်ရုံတွေအနေနဲ့ ဝန်ဆောင်မှုပိုင်းမှာလည်း ပိုကောင်းအောင် ကြိုးစားသွားမှာပါ” ဟု Mega Ace Cinema Group ၏ Marketing Manager မမြမိုးဝေက ပြောကြားသည်။
ထို့ပြင် သာကတေ (၁) စျေးတွင်လည်း စိန်ရတနာရုပ်ရှင်ရုံ နှစ်ရုံကို ထပ်မံဖွင့်လှစ်သွားရန် စီစဉ်လျက်ရှိသည်ဟု သိရသည်။
ရုံရှင်ရုံအများအပြား ဖွင့်လှစ်ပိုင်ဆိုင်ထားသည့် မင်္ဂလာကုမ္ပဏီနှင့် JCGV Group တို့တွင်လည်း ၂၀၁၉ ခုနှစ်အတွင်း ရန်ကုန်မြို့တွင်းအပါအဝင် နယ်မြို့များ၌ ရုပ်ရှင်ရုံသစ်များ ထပ်မံတိုးချဲ့ ဖွင့်လှစ်သွားရန် အစီအစဉ်များ ရှိကြောင်းလည်း သိရသည်။ Paradiso ကုမ္ပဏီအနေဖြင့်လည်း နယ်မြို့များတွင် ရုပ်ရှင်ရုံသစ်များ ဖွင့်လှစ်ရန် စီစဉ်လျက်ရှိသည်ဟု သိရသည်။
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
-
ဖိလစ်ပိုင်မြောက်ပိုင်းတွင် တိုင်ဖွန်းအူဆာဂီ ဝင်ရောက်တိုက်ခတ်မှုကြောင့် လူပေါင်းထောင်နှင့်ချီ ဘေးလွတ်ရာရွှေ့ပြောင်း
-
ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာကျောက်တန်း တွေ့ရှိ
