Arthdal Chronicles ရာဇဝင်ဇာတ်လမ်းတွဲ Season 2 ထွက်လာမည့်သတင်းမှာ အတည်ဖြစ်ပြီး ရိုက်ကူးမှုများကို ယခုနှစ်ထဲစတင်သွားမည်ဟု Studio Dragon ရုပ်ရှင်ထုတ်လုပ်ရေးကုမ္ပဏီက ကြေညာခဲ့သည်။
ပြသမည့်ရုပ်သံလိုင်းနှင့် သရုပ်ဆောင်ရွေးချယ်မှုများကိုမူ ဆွေးနွေးနေဆဲဖြစ်ပြီး ၂၀၂၃ ခုနှစ်တွင်ပြသနိုင်ရန် မျှော်မှန်းထားသည်။ Season 1 မှဇာတ်ညွှန်းရေး ဆရာနှစ်ဦးက Season 2 တွင်ဆက်လက်ပါဝင်မည်ဖြစ်ပြီး Kim Kwang Shik က ညွှန်ကြားရိုက်ကူးသွားမည်ဖြစ်သည်။
Season 1 တွင် သုံးပိုင်းခွဲထားပြီး တစ်ပိုင်းစီတွင် အပိုင်းတွဲခြောက်ပိုင်းပါဝင်ကာ tvN ရုပ်သံနှင့် Netflix တို့မှ ၂၀၁၉ ခုနှစ်၊ ဇွန် ၁ ရက်မှ ၂၀၁၉ ခုနှစ်၊ စက်တင်ဘာ ၂၂ ရက်အထိ ပြသသွားသည်။ ရိုက်ကူးရေးအတွက် ကိုရီးယားဝမ်ဘီလျံနှင့်ချီကုန်ခဲ့သည်။
အဓိကသရုပ်ဆောင်များက Song Joong Ki၊ Kim Ji Won၊ Jang Dong Gun၊ Kim Ok Bin တို့ဖြစ်ပြီး Season 2 တွင် Jang Dong Gun လည်းပြန်ပါလာဖွယ်ရှိနေသည်။ မည်သည့်သရုပ်ဆောင်များပြန်ပါလာပြီး မည်သည့်သရုပ်ဆောင်သစ်များ ထပ်ဖြည့်မည်ကို ပရိသတ်များရင်ခုန်စောင့်မျှော်လျက်ရှိသည်။
Song Joong Ki က ယခုနှစ်ထဲအခြား ဇာတ်ကားများလည်း လက်ခံရိုက်ကူးထားပြီး The Youngest Son of a Conglomerate ဒရာမာဇာတ်လမ်းတွဲနှင့် Bogota: City of the Lost ဇာတ်ကားတို့ရိုက်ကူးထားသည်။
Jang Dong Gun က Arthdal Chronicles ဒရာမာ Season 1 အပြီး မည့်သည့်ဇာတ်လမ်းတွဲမှ ရိုက်ကူးမထားဘဲ မင်းသမီး Kim Ji Won က My Liberation Diary ဇာတ်လမ်းတွဲသစ်ရိုက်ကူးထားသည်။
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
-
ဖိလစ်ပိုင်မြောက်ပိုင်းတွင် တိုင်ဖွန်းအူဆာဂီ ဝင်ရောက်တိုက်ခတ်မှုကြောင့် လူပေါင်းထောင်နှင့်ချီ ဘေးလွတ်ရာရွှေ့ပြောင်း
-
ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာကျောက်တန်း တွေ့ရှိ
