ရုပ်ရှင်ထူးချွန်ဆု ပေးအပ်မှုများထဲအမြင့်ဆုံးဖြစ်သည့် အော်စကာဆုပေးပွဲကို လော့စ်အိန်ဂျလိစ်တွင် မတ်၂၇ ရက်၌ ကျင်းပသွားမည်ဖြစ်ပြီး ယခုနှစ်တွင် တွစ်တာသုံးစွဲသူများ မဲပေးရွေးချယ်မှုဖြင့် ပရိသတ်အကြိုက်ဆုံး ဇာတ်ကားဆုကို အသစ်ထပ်တိုးပေးအပ်သွားမည်ဟု ပွဲကျင်းပသူများက ကြေညာသည်။
ပရိသတ်အားပေးကြည့်ရှုမှုကျဆင်းနေသည့် အော်စကာဆုပေးပွဲကို ကြည့်ရှုသူပြန်များလာအောင် ဆွဲဆောင်နေခြင်းဖြစ်ပြီး ရုံတင်ချိန်လူကြိုက်များခဲ့သည့် ဂျိမ်းစ်ဘွန်းရုပ်ရှင် No Time To Die နှင့် Spider-Man: No Way Home ဇာတ်ကားများ အော်စကာဆုဆန်ကာတင်စာရင်းတွင် အကောင်းဆုံးဇာတ်ကားဆုနေရာမှ ချန်လှန်ခံခဲ့ရပြီးနောက် ရုပ်ရှင်ပရိသတ်အများစု အော်စကာပွဲကို မကြည့်တော့မည်စိုးသဖြင့် ယခုဆုသစ်ထပ်တိုးသည့် ကြေညာချက်ထွက်လာခြင်းဖြစ်သည်။
ပရိသတ်အကြိုက်ဆုံးဇာတ်ကားဆုအတွက် ၂၀၂၁ ခုနှစ်အတွင်းထွက်လာသည့် မည့်သည့်ဇာတ်ကားကိုမဆို တွစ်တာသုံးစွဲသူများက #OscarsFanFavorite သုံးစွဲ၍ဖြစ်စေ၊ အော်စကာတရားဝင်ဝက်ဘ်ဆိုဒ်မှဖြစ်စေ မဲပေးနိုင်သည်။
အမေရိကန် Talk Show တင်ဆက်သူ ဂျင်မီကင်မယ်အစီအစဉ်မှူးအဖြစ် ဆောင်ရွက်သည့် ၂၀၁၈ ပွဲအပြီး ၂၀၁၉၊ ၂၀၂၀ နှင့်၂၀၂၁ ခုနှစ်အော်စကာပွဲများတွင် အစီအစဉ်မှူးမပါဝင်ခဲ့သော်လည်း လာမည့်ပွဲတွင်မူ အမျိုးသမီးဟာသသရုပ်ဆောင်များဖြစ်သည့် အေမီရှူမာ၊ ရဂျီနာဟောနှင့် ဝမ်ဒါဆိုက်စ်တို့က အစီအစဉ်မှူးအဖြစ် ပါဝင်ဆောင်ရွက်သွားမည်ဖြစ်ကာ ဝေါ့ဒစ္စနေကုမ္ပဏီအပိုင် ABC ရုပ်သံက ထုတ်လွှင့်ပြသမည်ဖြစ်သည်။
ယခင်ကျင်းပနေကျနေရာ Dolby Theatre ဇာတ်ရုံတွင်သာ ကျင်းပမည်ဖြစ်ပြီး ဆန်ခါတင်စာရင်းဝင် ဇာတ်ကားများထဲ နယူးဇီလန်ဒါရိုက်တာဂျိန်းကမ်ပီယံရိုက်ကူးသည့် The Power of the Dog ဇာတ်ကားက ဆုအများဆုံးဖြင့် ဦးဆောင်နေကာ အကောင်းဆုံးဇာတ်ကားဆု၊ အကောင်းဆုံးဒါရိုက်တာဆုအပြင် ဆု ၁၂ ဆု လျာထားခံရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
