အပြည်ပြည်ဆိုင်ရာ မြန်မာလေကြောင်း (MAI) သည် ဒေသတွင်းနိုင်ငံများရှိ လေကြောင်းလိုင်းများနှင့် ရင်ဘောင်တန်း၍ ခရီးစဉ်များ ပျံသန်းပြေးဆွဲနိုင်ရန် ထပ်မံမှာယူထားသော Air Bus A32-214 သည် နိုဝင်ဘာ ၁ ရက်နေ့ နံနက်တွင် ဖိလစ်ပိုင်နိုင်ငံ၊ မနီလာမြို့မှ တစ်ဆင့် ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိလာကြောင်း သိရသည်။
အဆိုပါလေယာဉ်သည် တောင်ပံအဖျားတွင် Sharklets တပ်ဆင်ထားသော ပြင်သစ်နိုင်ငံ AirBus ကုမ္ပဏီမှ ထုတ်လုပ်မှု အမှတ်စဉ် MSN 5433 ဖြင့် ၂၀၁၄ ခုနှစ်တွင် ထုတ်လုပ်ခဲ့သည့် Air Bus A320-214 လေယာဉ်အမျိုးအစားဖြစ်ကာ Business Class ထိုင်ခုံ ၈ ခုံနှင့် Economy ထိုင်ခုံ ၁၆၂ ခုံ တို့ပါဝင်ပြီး အဆိုပါလေယာဉ်ကို အပြည်ပြည်ဆိုင်ရာ မြန်မာလေကြောင်းလိုင်းက KALAW ဟု အမည်ပေးထားကြောင်း သိရသည်။
ယခုရောက်ရှိလာသည့် Air Bus A320-214 XY-ALT လေယာဉ်အား မကြာမီကာလတွင် တိုးချဲ့ပျံသန်းရန် စီစဉ်ထားရှိသည့် ဂျပန်နှင့် ဖိလစ်ပိုင်နိုင်ငံခရီးစဉ်များအပါ အခြားသော ခရီးစဉ်အသစ်များကိုပါ တိုးချဲ့ပျံသန်းပြေးဆွဲနိုင်ရန် မှာယူထားသော လေယာဉ်ဖြစ်ကြောင်း သိရသည်။
-
တစ်လအတွင်း ထိုင်းနိုင်ငံမှ တန်ဖိုးဒေါ်လာ သုည ဒသမ ၂၈ သန်းကျော်ရှိသည့် ဆေးဝါးပစ္စည်းများ တန်ချိန် ၂၀ ကျော် တင်သွင်း
-
မဟာမဲခေါင်ဒေသခွဲထိပ်သီးအစည်းအဝေးသို့ နစကဥက္ကဋ္ဌတက်ရောက်ပြီး နိုင်ငံအချင်းချင်းနှင့် ဘက်စုံပူးပေါင်းဆောင်ရွက်ရေး သဘောတူစာချုပ်များအပါအဝင် အခြားနိုင်ငံတကာ ကတိကဝတ်များကို မြန်မာအနေဖြင့် ဆက်လက်ပူးပေါင်းဆောင်ရွက်မည်ဖြစ်ကြောင်း ပြောကြား
-
ပရော်ဖက်ရှင်နယ် ဘောလုံးသမားဘဝမှ အနားယူသွားပြီဖြစ်သည့် စပိန်ဂန္ထဝင် အင်နီယေစတာ ဒိန်းမတ်တတိယတန်းကလပ်၏ ပူးတွဲအသင်းပိုင်ရှင်ဖြစ်လာ
-
MNL ကလပ်များအတွက် ယခုရာသီတွင် ကျင်းပနေသည့် ပြိုင်ပွဲအားလုံး၌ ရှမ်းယူနိုက်တက်အသင်း ဗိုလ်စွဲရန် အခြေအနေကောင်းနေ
-
UEFA Nations League ပွဲစဉ်များပွဲကြိုသုံးသပ်ချက်
