Top News

အဆိုတော် ရီဟားနားနှင့် ချစ်သူအဖြစ် လက်တွဲနေပြီဖြစ်ကြောင်း အမေရိကန် ရက်ပ်အဆိုတော် ASAP Rocky က ပြောကြားခဲ့သည်။ GQ မဂ္ဂဇင်းနှင့် တွေ့ဆုံမေးမြန်းမှုအတွင်း ASAP Rocky က ရီးဟားနားကို ၎င်းဘဝ၏ချစ်သူအဖြစ် ရည်ညွှန်းခဲ့သည်။

“ သူ (ရီဟားနား) က ကျွန်တော့်အတွက် တစ်ဦးတည်းသောသူပါ။ ကျွန်တော့်ရဲ့ တေးအယ်လ်ဘမ်သစ်မှာ သူ့အကြောင်းတွေပဲ လွှမ်းမိုးထားတာ” ဟု ၎င်းက ပြောကြားခဲ့သည်။

ရီဟားနား၏ Diamonds World Tour ကမ္ဘာလှည့်ဖျော်ဖြေပွဲတွင် ASAP Rocky ၏ ကူညီပေးမှုများရှိခဲ့သည့် ၂၀၁၃ ခုနှစ်ကတည်းက ၎င်းတို့နှစ်ဦး တွဲနေပြီဟူသော သတင်းများ စတင်ထွက်ရှိလာခဲ့သည်။ ၂၀၁၃ ခုနှစ်ကထွက်ရှိခဲ့သော ASAP Rocky ၏ Fashion Killa တေးသီချင်းဗီဒီယိုတွင် ရီဟားနား ပါဝင်သီဆိုပေးထားသည်။

၂၀၁၉ ခုနှစ်တွင် စတော့ဟုမ်း၌ ဖြစ်ပွားသော ရန်ပွဲအတွင်း ကိုယ်ထိလက်ရောက်ကျူးလွန်မှုအတွက် ASAP Rocky မှာ ဆိုင်းငံ့ ထောင်ဒဏ် နှစ်နှစ် ချမှတ်ခံရသည်။ နောက်ပိုင်းတွင် ယင်းအမှုနှင့်ပတ်သက်၍ ASAP Rocky သည် မတရားသဖြင့် ပြစ်ဒဏ်ချမှတ်ခံရခြင်းဖြစ်ကြောင်း သတင်းထွက်ခဲ့သည်။