Dracula ဇာတ်ကား၌ ပုန်းခိုရန်အခန်းအဖြစ် စိတ်ကူးရစေခဲ့သည်ဟု အများကသိထားသော ရိုမေးနီးယားရှိ Bran ရဲတိုက်သို့ လာရောက်သည့် ကမ္ဘာလှည့်ခရီးသွားများအား COVID-19 ကာကွယ်ဆေး ထိုးနှံပေးနေကြောင်း သိရသည်။ ဗန်ပိုင်းယား၏ အစွယ်များအစားအပ်များဖြင့် ကာကွယ်ဆေး ထိုးနှံပေးခြင်းသည် ယခုသီတင်းပတ်အကုန် ကာကွယ်ဆေးထိုးနှံခြင်း အစီအစဉ်ကို လှုံ့ဆော်ခြင်း၌ ပါဝင်နေသည်။
“ကျွန်မဒီရဲတိုက်ကို မိသားစုနဲ့အတူ လာတာပါ။ ပိုစတာကိုမြင်တော့ ကျွန်မသတ္တိမွေးပြီး ဆေးထိုးခံဖို့ သဘောတူလိုက်ပါတယ်” ဟု အသက် ၃၉ နှစ်အရွယ်ရှိ အင်ဂျင်နီယာတစ်ဦးဖြစ်သော လီဗီယူနက်ကူလာက ပြောပြခဲ့သည်။
ဆေးထိုးခံသူများအား ၎င်းတို့၏သတ္တိနှင့် တာဝန်သိမှုအတွက် အသိအမှတ်ပြုလွှာ ပေးအပ်သည့်အပြင် လာမည့် နှစ် ၁၀၀ အတွင်း ရဲတိုက်ကကြိုဆိုကြောင်း ကတိကဝတ်နှင့် “နှိပ်စက်ညှင်းပန်းရေးအခန်း” သို့ အခမဲ့ဝင်ခွင့်ပါ ပေးအပ်ချီးမြှင့်ခဲ့သည်။
ကာပါသီယန်တောင်တန်းဒေသ မြူဆိုင်းနေသည့် တောင်ကြားတစ်ခုအတွင်းရှိ Bran ရဲတိုက်သည် the Impaler ဟု ထင်ရှားသူ ၁၅ ရာစု ရိုမေးနီးယားမင်းသား Vlad Tepes နှင့် ပတ်သက်နေသည်။ သို့သော် အဆိုပါမင်းသားသည် ယင်းရဲတိုက်၌ နေထိုင်ခဲ့မှုကား မရှိပေ။
ခေတ်သစ်၌ ဗန်ပိုင်းယားဟူသည့် အကြောင်းအရာတစ်ရပ်ကိုတွေ့ရှိရန် အထောက်အကူဖြစ်စေခဲ့သည့် ၁၈၉၇ ခုနှစ်က Dracula ဝတ္ထုကို ဘရန်စတုတ်ကာဟူသည့် စာရေးဆရာက ရေးသားရာတွင် မင်းသား Vlad ကို စိတ်ကူးရခဲ့ပြီး Bran ရဲတိုက်ကို အသေးစိတ်သရုပ်ဖော်ခဲ့သည်ဟု ယုံကြည်ကြသည်။
ရိုမေးနီးယားအစိုးရသည် ဖြစ်နိုင်သမျှ နိုင်ငံသားများများကို ကာကွယ်ဆေးထိုးပေးရန် ဘူခါရက်ရှိ အမျိုးသားစာကြည့်တိုက်ကဲ့သို့သော အထင်ကရနေရာများ၌ ပြည်တွင်းကာကွယ်ဆေးထိုးအစီအစဉ် လှုံ့ဆော်မှုများကို ၂၄ နာရီအတွင်း အပြင်းအထန် လုပ်ဆောင်ခဲ့သည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
