ပါဘလိုပီကာဆို၏ ပန်းချီလက်ရာတစ်ခုဖြစ်သော Woman Sitting Near a Window (Marie Therese) ကို နယူးယောက်မြို့ရှိ Christie’s America လေလံပွဲတွင် လေလံတင်ရောင်းချရာ ဒေါ်လာ ၁၀၃.၄ သန်းဖြင့် ရောင်းထွက်ခဲ့ကြောင်း သိရသည်။
ထိုပန်းချီကို ၁၉၃၂ ခုနှစ်တွင် ပီကာဆိုရေးဆွဲပြီးစီးခဲ့ခြင်းဖြစ်ပြီး လေလံတင်ရောင်းချရာ၌ ၁၉ မိနစ်အတွင်း လေလံပြိုင်စျေးဒေါ်လာ သန်း ၉၀ အထိ ရောက်ရှိလာကာ နောက်ပိုင်းတွင် ဒေါ်လာ ၁၀၃.၄ သန်းဖြင့် ရောင်းထွက်သွားခဲ့ခြင်းဖြစ်ကြောင်း၊ ထိုငွေကြေးပမာဏထဲတွင် ပန်းချီတန်ဖိုးနှင့်ကော်မရှင်ကြေး များပါဝင်ပြီးဖြစ်ကြောင့် Christie’s America လေလံဌာနက ဆိုသည်။
COVID-19 ကပ်ရောဂါ ကူးစက်ဖြစ်ပွားနေသော်လည်း ပန်းချီအနုပညာစျေးကွက် ကျဆင်းသွားခြင်းမရှိသည်ကို ထိုပန်းချီလေလံရောင်းထွက်ခဲ့မှုက ပြသနေသည်။
ပီကာဆို၏ အပျော်မယားငယ် Marie Therese Walter ၏ ပုံကို ရေးဆွဲသရုပ်ဖော်ထားသော Woman Sitting Near a Window ပန်းချီသည် လွန်ခဲ့သော ရှစ်နှစ်က လန်ဒန်၌ လေလံတင်ရောင်းချရာတွင် ဒေါ်လာ ၄၄.၈ သန်းခန့်သာ ရရှိခဲ့သည်။
လက်ရှိအချိန်အထိ သန်း ၁၀၀ ကျော်ဖြင့် လေလံတင်ရောင်းထွက်ခဲ့သော ပန်းချီများထဲတွင် စပိန်ပန်းချီဆရာ ပီကာဆို၏ ပန်းချီလက်ရာ ငါးခုပါဝင်နေသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
