၂၀၂၀ ဧပြီလတွင် နိုင်ငံတကာ ရုပ်ရှင်ရုံများ၌ စတင်၍ ရုံတင်ပြသခဲ့သော Mortal Kombat အက်ရှင်ဇာတ်ကားသည် ရုံဝင်ငွေဒေါ်လာ ၇၂.၅ သန်းရရှိခဲ့ကြောင်း သိရသည်။
Mortal Kombat ဗီဒီယိုဂိမ်းကို အခြေခံ၍ ပုံဖော်ရိုက်ကူးထားသော ယင်းဇာတ်ကားသည် ၁၉၉၅ ခုနှစ်က ထွက်ရှိခဲ့သည့် ပထမဆုံး Mortal Kombat ဇာတ်ကား၊ ၁၉၉၇ ခုနှစ်ကထွက်ရှိခဲ့သည့် Mortal Kombat:Annihilation ဇာတ်ကားပြီးပါက တတိယမြောက်ဇာတ်ကားဖြစ်သည်။
ပိုက်ဆံအတွက် မည်သည့်အရာမဆို ရင်ဆိုင်ရန် ကြောက်ရွံ့မနေသော MMA ဖိုက်တာ Cole Young သည် ပြင်ပကမ္ဘာမှ ဧကရာဇ် Shang Tsung ၏ရန်အန္တရာယ်ကို အချိန်ကာလတစ်ခုအထိ သတိမမူမိခဲ့ချေ။ ၎င်းအားအမိအရ ဖမ်းနိုင်ရန် ဧကရာဇ် Shang က သူ၏အကောင်းဆုံးစစ်သည် Sub-Zero အား စေလွှတ်လိုက်သည်ကို Cole သိရှိသွားသောအခါ ၎င်း၏မိသားစု ဘေးကင်းရေးအတွက် ပြင်ပကမ္ဘာမှ ရန်သူများအား ယှဉ်ပြိုင်တိုက်ခိုက်နိုင်ရန် ကမ္ဘာမြေ၏ အင်အားအကြီးဆုံး ချန်ပီယံများကို Cole တစ်4ယောက် ရှာဖွေနိုင်မည်လား၊ ၎င်း၏မိသားစုကို ကယ်တင်နိုင်ရန်သာမက ပြင်ပကမ္ဘာကိုပါ ဟန့်တားနိုင်မည်လားဆိုသည်ကို Mortal Kombat ဇာတ်ကားတွင် ကြည့်ရှုခံစားရမည် ဖြစ်သည်။
ဒါရိုက်တာ Simon McQuoid ရိုက်ကူးထားသော ယင်းဇာတ်ကားတွင် Lewis Tang၊ Jessica McNamee၊ Joe Taslim တို့ပါဝင်ထားသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
