နာမည်ကျော် ပွာတိုရီကို ရက်ပ်အဆိုတော် ဒက်ဒီယန်းကီ ဂီတလောကမှ မကြာမီအနားယူတော့မည်ဖြစ်သည်။ သို့သော် ဂီတနယ်ပယ်ကို နှုတ်မဆက်မီ ဒက်ဒီယန်းကီ၏နောက်ဆုံးမြောက် သီချင်းခွေအယ်လ်ဘမ် Legendaddy ထွက်လာဦးမည်ဖြစ်ပြီး ကမ္ဘာလှည့်ဖျော်ဖြေမှုလည်း ပြုလုပ်သွားရန် အစီအစဉ်ရှိသည်ဟု အသက် ၄၅ နှစ်အရွယ် ယန်းကီက ကြေညာထားသည်။
“ဒီမာရသွန်ပြိုင်ပွဲဟာ နောက်ဆုံးတော့ ပန်းတိုင်မြင်ခဲ့ရပြီ။ အခုကျွန်တော်က ခင်ဗျားတို့အားလုံးပေးခဲ့တဲ့ အရာတွေကိုပဲ ခံစားတော့မယ်” ဟု လတ်တလော YouTube ဗီဒီယိုတစ်ခုတွင် ယန်းကီက ပြောထားသည်။
Legendaddy သည် ၁၀ နှစ်တာကာလအတွင်း ဒက်ဒီယန်းကီ၏ ပထမဆုံးထွက်လာမည့် သီချင်းခွေဖြစ်ပြီး မတ် ၂၄ ရက်တွင်ထွက်ရန် စီစဉ်ထားသည်။
“ကျွန်တော်ဖြတ်သန်းခဲ့တဲ့ ၃၂ နှစ်တာ အတွေ့အကြုံတွေကို ဒီနောက်ဆုံး Legendaddy ဆိုတဲ့ အယ်လ်ဘမ်နဲ့ နှုတ်ဆက်ပါမယ်။ ကျွန်တော့်ကို ဖြစ်တည်စေခဲ့တဲ့ ပုံစံစတိုင်လ်အားလုံးကို ဒီအယ်လ်ဘမ်တစ်ခုတည်းနဲ့ ကျွန်တော့်ဘက်က ပြန်ပေးပါမယ်” ဟုလည်း ယန်းကီက ဆိုသည်။
ဒက်ဒီယန်းကီသည် La Ultima Vuelta အမည်ဖြင့် ကမ္ဘာလှည့်ဖျော်ဖြေကာ ပရိသတ်များကို နှုတ်ဆက်မည်ဖြစ်ပြီး အမေရိကန်ပြည်ထောင်စု အော်ရီဂွန်ပြည်နယ်ရှိ ပေါ့တ်လန်းမြို့တွင် သြဂုတ် ၁၀ ရက်မှစတင်၍ ဒီဇင်ဘာတွင် အဆုံးသတ်မည်ဖြစ်သည်။
လက်မှတ်များကိုမူ မတ် ၃၀ ရက်တွင် စတင်ရောင်းချပေးမည်ဖြစ်ပြီး လာမည့်မတ် ၂၅ ရက်မှာပင် ကြိုတင်မှာယူနိုင်ပြီဖြစ်သည်။
Reggaeton ဘုရင်အဖြစ် နာမည်ကျော်သည့် ဒက်ဒီယန်းကီသည် Gasolina၊ Rompe၊ Limbo၊ Shaky Shaky၊ Dura၊ Despacito၊ Con Calma စသည့်သီချင်းများဖြင့် ကမ္ဘာကျော်ထားသူဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
