ကမ္ဘာလှည့်ဖျော်ဖြေရန် ဂျက်စတင်ဘီဘာ ရွေးချယ်ထားသည့်နေရာများထဲ မလေးရှားနိုင်ငံ ကွာလာလမ်ပူမြို့နှင့် အင်ဒိုနီးရှားနိုင်ငံ ဂျာကာတာမြို့တို့လည်း ပါဝင်နေပြီး ကွာလာလမ်ပူရှိ ဘူကစ်ဂျာလီအား ကစားကွင်းတွင် အောက်တိုဘာ ၂၂ ရက်၌၊ ဂျာကာတာရှိ ဂျီဘီကေမက်ဒရာအားကစားကွင်းတွင် နိုဝင်ဘာ ၃ ရက်၌ လာရောက်ဖျော်ဖြေပေးမည်ဖြစ်သည်။
ဘီဘာသည် Justice World Tour အမည်ဖြင့် ကမ္ဘာလှည့်ဖျော်ဖြေမှုများပြုလုပ်မည်ဖြစ်ပြီး မကြာမီ အခြားအာရှနိုင်ငံများတွင် ဖျော်ဖြေမည့်နေ့ရက်အချိန်များကိုလည်း ကြေညာသွားဖွယ်ရှိသည်။
ကွာလာလမ်ပူနှင့် ဂျာကာတာတွင် ဖျော်ဖြေပြီးပါက ဘီဘာသည် ဂျပန်သို့ဆက်လက်သွားရောက်မည်ဖြစ်ပြီး နိုဝင်ဘာ ၉ ရက်တွင် နာဂိုယာ၊ နိုဝင်ဘာ ၁၂ ရက်တွင် အိုဆာကာ၊ နိုဝင်ဘာ ၁၆ ရက်တွင် တိုကျိုတို့၌ တင်ဆက်ပေးသွားမည်ဖြစ်သည်။
ကွာလာလမ်ပူရှိုးပွဲလက်မှတ်များကို မတ် ၃၁ ရက် နံနက် ၁၁ နာရီတွင် www.golive-asia.com တွင် စတင်ဝယ်ယူနိုင်ပြီ ဖြစ်ပြီး လက်မှတ်စျေးနှုန်းမှာ ၂၈၈ ရင်းဂစ်မှ ၁၀၈၈ ရင်းဂစ်ကြား ကျသင့်မည်ဖြစ်သည်။
“ကျွန်တော် တင်ဆက်ခဲ့သမျှထဲ အကောင်းဆုံးရှိုးပွဲဖြစ်အောင်လို့ ကြိုးစားနေပါတယ်။ အဲဒါကို တစ်ကမ္ဘာလုံးက ပရိသတ်တွေ အားလုံးဆီ မျှဝေဖို့ အရမ်းလည်း ရင်ခုန်နေတယ်။ မကြာခင်တွေ့ကြမယ်” ဟု ဘီဘာက ကြေညာထားသည်။
Justice World Tour အစအဆုံး ကြာမြင့်နိုင်မည့်အချိန်က ၂၀၂၂ ခုနှစ်နှင့် ၂၀၂၃ ခုနှစ်အတွင်း နေ့ရက်ပေါင်း ၁၀၀ ကျော်ကြာ မြင့်မည်ဖြစ်ပြီး မြောက်အမေရိက၊ တောင်အမေရိက၊ ဗြိတိန်၊ သြစတြေးလျ၊ နယူးဇီလန်၊ တောင်အာဖရိက၊ အာရှနှင့် အရှေ့အလယ်ပိုင်းတို့တွင် ဘီဘာ၏ဖျော်ဖြေမှုများကို ခံစားရမည်ဖြစ်သည်။
အသက် ၂၈ နှစ်အရွယ်ဘီဘာက လက်ရှိမြောက်အမေရိကတွင် ဖျော်ဖြေနေလျက်ရှိပြီး ဇူလိုင်ကုန်တွင် ဥရောပသို့ခရီးဆက်တော့မည်ဖြစ်သည်။ Justice အမည်ဖြင့်ပင် ဘီဘာ က ၂၀၂၁ ခုနှစ် ဧပြီတွင် ခြောက်ခွေမြောက် စတူဒီယိုအယ်လ်ဘမ်ခွေထွက်ထားပြီး အခွေထဲတွင်ပါသည့် Anyone ၊ Lonely ၊ Holy နှင့် Peaches သီချင်းများက လူကြိုက်များခဲ့သည်။ ဘီဘာနောက်ဆုံးကမ္ဘာလှည့်ဖျော်ဖြေခဲ့သည့်အချိန်က ၂၀၁၆ နှင့် ၂၀၁၇ ခုနှစ် ကဖြစ်ပြီး Purpose တေးအယ်လ်ဘမ်ပရိုမိုးရှင်းအဖြစ် ပြုလုပ်ခဲ့ခြင်းဖြစ်သည်။
ပရိသတ်များမျှော်လင့်နေသည့် Justice Tour ကို ၂၀၂၀ ခုနှစ် မတ်ကတည်းက စီစဉ်ထားခဲ့ပြီး ကပ်ရောဂါကြောင့် နောက်ဆုတ်ခဲ့ရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
