Top News

ဗြိတိန်မင်းသား ဘန်နီဒစ် ကျူဘာဘက် ပြန်လည်ပါဝင်သည့်Doctor Strange ရုပ်ရှင် နောက်ဆက်တွဲ ဇာတ်လမ်းကို လွန်ခဲ့သည့် သီတင်းပတ်ကုန်တွင် ရုံတင်ပြသခဲ့ရာလက်ရှိတွင် ပြည်တွင်း၌ ဒေါ်လာ ၂၉၂ သန်းဝင်ငွေ ရရှိထားပြီး ပြည်ပတွင် ဒေါ်လာ ၃၉၆ သန်းဝင် ငွေရရှိထားကာ ကမ္ဘာတစ်ဝန်းစုစုပေါင်းဝင် ငွေ ဒေါ်လာ ၆၈၈ သန်းရရှိထားသည်ဟု သိရသည်။

ဝင်ငွေဒေါ်လာ ၆.၉ သန်းဖြင့် ဒုတိယ နေရာ၌ ရပ်တည်နေသော ရုပ်ရှင်မှာ Universal ၏ အန်နီမေးရှင်းအက်ရှင်-ဟာသကားဖြစ်သည့် Bad Guys ဖြစ်သည်။

The Dream Works Animation ထုတ်လုပ်ရေးမှ ရိုက်ကူးသည့် Bad Guys တွင် ဆမ်ရော့ခ်ဝဲလ်၊ အော်ဝါဖီနာနှင့်အန်သို နီရာမိုစ့်တို့က အသံသရုပ်ဆောင်များအဖြစ် ပါဝင်ထားသည်။

သီတင်းနှစ်ပတ်တာအတွင်း တတိယနေရာတွင် ရပ်တည်နေသော ရုပ်ရှင်မှာ Paramount ၏ Sonic the Hedgehog 2  ဖြစ်ပြီး ၎င်း၏ဝင်ငွေမှာ ဒေါ်လာ ၄.၆ သန်းဖြစ်သည်။

စာရေးဆရာ စတီဗင်ကင်း၏ချောက် ချားထိတ်လန့်ဖွယ်ဝတ္ထုကို အခြေခံရိုက်ကူးထားသည့် Universal  မှ အသစ်ထွက်ရှိလာသော Firestarter သည် ဒေါ်လာ ၃.၈ သန်း ဝင်ငွေရရှိခဲ့ပြီး အဓိကစတူဒီယိုဖြစ်သည့် Universal ၏ ချောက်ချားဖွယ်ဇာတ်ကား တစ်ကားအတွက် စိတ်ပျက်ဖွယ်အဖွင့်ရလဒ် တစ်ခု ဖြစ်လာခဲ့သည်။

Firestarter ရုပ်ရှင်တွင် မင်းသားဇက် အက်ဖရွန်နှင့် မင်းသမီး ဆစ်ဒနီလမ်မွန်တို့က စိတ်ဖြင့် မီးတောက်များဖန်တီးနိုင်စွမ်းရှိသော သမီးဖြစ်သူ ရိုင်ယန်ကီရာအမ်းစတောင်းကို ဖက်ဒရယ်အေးဂျင့်များက အသုံးချလိုသောကြောင့် ၎င်းတို့ထံမှ ဖွက်ထားရန် ကြိုးပမ်းပုံကို ရိုက်ကူးထားခြင်းဖြစ်သည်။

ယင်းရုပ်ရှင်သည် ရုပ်ရှင်အကဲဖြတ် ဝက်ဘ်ဆိုက်ဖြစ်သည့် Rotten Tomatoes ၌  စိတ်ပျက်ဖွယ် ၁၂ ရာခိုင်နှုန်းအဆင့်သတ် မှတ်ချက် ရရှိခဲ့သည်။

Doctor Strange in the Multiuniverse of Madness ရုပ်ရှင်သည် ကမ္ဘာတစ်ဝန်း ဝင်ငွေဒေါ်လာ ၆၈၈ သန်းရရှိထားသည့် အတွက် မူလ Doctor Strange ဇာတ်ကား၏ ဝင်ငွေ ဒေါ်လာ ၆၇၈ သန်းထက်ပိုမိုသာလွန် စွာ ရရှိထားသည်။

ယင်းရုပ်ရှင်ကို ကမ္ဘာ့အကြီးဆုံးရုပ်ရှင် စျေးကွက်ဖြစ်သည့် တရုတ်တွင် ရုံတင်ပြသခြင်းမရှိသေးသည့်အပြင် ရုံတင်ပြသမည့်ရက်ကိုလည်း တရားဝင်ထုတ်ပြန်ထားခြင်းမရှိပေ။