မြန်မာရွှေကုန်သည်တွေအဖြစ်ဟန်ဆောင်ကာ ထိုင်းတစ်ဦးထံမှ ငွေကြေးလိ-မ်-လည်ခဲ့မှုဖြင့် မြန်မာနိုင်ငံသား သုံးဦးကို ထိုင်း လူဝင်မှုကြီးကြပ်ရေးဋ္ဌာန တာဝန်ရှိသူတွေက ဖမ်းဆီးလိုက်ကြောင်း သိရပါတယ်။
ထိုလိ-မ်-လည်ခဲ့မှုဖြစ်စဉ်နဲ့ ပတ်သက်လို့ လူဝင်မှုကြီးကြပ်ရေးဋ္ဌာနအရာရှိတွေက ဇူလိုင် ၁၆ ရက်နေ့မှာ သတင်းစာရှင်းလင်းပွဲလုပ်ခဲ့ပါတယ်။
အသက် ၆၅ နှစ်အရွယ် မြန်မာနိုင်ငံသား ဦးဝင်းဆိုသူကို Pradipat လမ်းပေါ်က ဟိုတယ်တစ်ခုအနီး ဆံသဆိုင်တစ်ခုမှာ တွေ့ရှိဖမ်းဆီးခဲ့သလို နောက်ထပ်မြန်မာနိုင်ငံသားနှစ်ဦးဖြစ်တဲ့ မစ္စတာ Tew Te နဲ့ မစ္စတာ Chulin တို့ကိုလည်း ဖမ်းဆီးခဲ့တယ်လို့ ဆိုပါတယ်။
၎င်းတို့ဟာ ရွှေကုန်သည်တွေဖြစ်ကြောင်းနဲ့ ပြန်လည်ရောင်းချဖို့အတွက် ရွှေအမြောက်အများ ဝယ်ယူလိုကြောင်းပြောဆိုကာ ပွဲစားတစ်ဦးထံက ဘတ် ၃သန်းကျော်ငွေကြေးလိ-မ်-လည်ခဲ့တယ်လို့ ဆိုပါတယ်။
အလိ-မ်ခံလိုက်ရတဲ့ပွဲစားဟာ သူ့ငွေတွေ ပြန်ပေးဖို့ တောင်းဆိုခဲ့ပေမယ့် သူတို့နဲ့ အဆက်အသွယ်လုပ်လို့ မရတော့ဘူးလို့ ဆိုပါတယ်။ သံသယရှိသူတွေဟာ ထိုင်းနိုင်ငံကနေ ပြန်ထွက်သွားတာကြောင့် အလိ-မ်ခံရသူက Phaya Thai ရဲစခန်းက အမှုစစ်ရဲအရာရှိတွေထံ အမှုဖွင့်တိုင်ကြားမှုလုပ်ခဲ့ပါတယ်။
နောက်ပိုင်းမှာ သံသယရှိသူတွေ ထိုင်းနိုင်ငံ ပြန်ဝင်ရောက်လာတာကို သိရှိခဲ့ကြပြီး ဖမ်းဆီးကာ Phaya Thai ရဲစခန်းကို ခေါ်ဆောင်ခဲ့ပါတယ်။ အမှုမှာ အခြားပူးပေါင်းပါဝင်သူတွေကို စုံစမ်းဖော်ထုတ်ကာ ဥပဒေအရ အရေးယူနိုင်ရေး ဆက်လက်ဆောင်ရွက်လျက်ရှိတယ်လို့ ဆိုပါတယ်။
Ref: khaosod
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
