Pirates of The Caribbean သရုပ်ဆောင် တမာယိုပယ်ရီသည် ဟာဝိုင်အီပြည်နယ်ကမ်းခြေတွင် ရေလွှာလှိုင်းစီးနေရင်း ငါးမန်းအကိုက်ခံလိုက်ရပြီးနောက် သေဆုံးသွားသည်။
ဇွန် ၂၃ ရက်နေ့လယ်ပိုင်းတွင် အသက် ၄၉ နှစ်အရွယ်ရှိမင်းသားပယ်ရီ သေဆုံးပြီဖြစ်ကြောင်း ဟိုနိုလူလူမြို့၏အရေးပေါ်ကယ်ဆယ်ရေးအဖွဲ့က သတင်းစာရှင်းလင်းပွဲတွင် အတည်ပြုထုတ်ပြန်ခဲ့သည်။ ထိုနေ့ နေ့လယ်ပိုင်းက မလိုက်ကဟားနားကမ်းခြေသို့ အရေးပေါ်ကယ်ဆယ်ရေးအဖွဲ့ ရောက်သွားခဲ့ပြီး ပယ်ရီကိုကမ်းစပ်သို့ ပြန်ခေါ်လာသော်လည်း ၎င်းအသက်မရှိတော့ဟု ဆေးအဖွဲ့က ကြေညာခဲ့သည်။
ကိုယ်တိုင်လည်း ပင်လယ်ကမ်းခြေကယ်ဆယ်ရေးသမားတစ်ဦးဖြစ်သည့် ပယ်ရီသည် Pirates of The Caribbean ၏ စတုတ္ထမြောက် ဇာတ်ကား Pirates of The Caribbean:On Stranger Tides တွင် ပင်လယ်ဓားပြတစ်ဦးအဖြစ် ပါဝင်ခဲ့သည်။
Lost ၊ Hawaii Five-0 ဇာတ်လမ်းတွဲများ၌လည်း ၎င်းသရုပ်ဆောင်ခဲ့ပြီး ကိုကာကိုလာအအေးကြော်ငြာတစ်ခု လည်း ရိုက်ခဲ့သည်။
ရေလွှာလှိုင်းစီးခြင်းကို ၁၀ စုနှစ်တစ်ခုကျော် ကျွမ်းကျွမ်းကျင်ကျင်ပြုလုပ်လာခဲ့သူ ပယ်ရီသည် လှိုင်းစီးနည်းပြတစ်ဦးလည်းဖြစ်ပြီး လွန်ခဲ့သည့်နှစ်အနည်းငယ်က ထူးခြားသည့်ဖြစ်ရပ်တစ်ခုနှင့် ကြုံခဲ့ရပြီး သေလုနီးပါး အတွေ့အကြုံရခဲ့သည်ဟု ဖွင့်ဟဖူးသည်။
ဟိုနိုလူလူမြို့တော်ဝန်က ပယ်ရီသေဆုံးမှုကို ဝမ်းနည်းစရာဆုံးရှုံးမှုဟု ပြောလိုက်ပြီး ၂၀၁၆ ခုနှစ်တွင် ပယ်ရီနှင့်လက်တွဲအလုပ်လုပ်ခဲ့သည့် Ocean Safety အဖွဲ့က ပယ်ရီ ငါးမန်းအကိုက်ခံရပြီးနောက် ငါးမန်းသတိ ပေးဆိုင်းဘုတ်များ ကမ်းခြေတွင်ချခဲ့ကြသည်။
-
အင်းလေးကန် အရှေ့ဖက်ကမ်းရှိ Inle Princess Resort ဟိုတယ် မီးလောင်မှုဖြစ်ပွား
-
ဆရာ၊ ဆရာမများနှင့် ကျောင်းသား၊ ကျောင်းသူများ ပါဝင်သော တက္ကသိုလ်လေ့ကျင့်ရေးတပ်များ၏ မိုးရာသီစခန်းချ လေ့ကျင့်ရေး သင်တန်းဆင်းပွဲများကျင်းပ
-
တန်ဆောင်မုန်းလပြည့်ည ရန်ကုန်မြို့ ပြည်သူ့ရင်ပြင် စျေးရောင်းပွဲတော်နှင့် ဂီတပွဲတော်မြင်ကွင်းများ
-
ပြိုင်ဆိုင်မှုပြင်းထန်ဦးမယ့် ESM ခြေလှမ်းများ
-
ရေးမြို့၊ အောင်မင်္ဂလာရပ်ကွက်လုံးကျွတ် တန်ဆောင်တိုင်ဆွမ်းကြီးလောင်းပွဲနှင့် နိဗ္ဗာန်ဈေးအလှူပွဲ မြို့ခံပြည်သူများ၊ ဒေသခံပြည်သူများဖြင့် စည်ကား
